এ.এস.পি.আই.আর.ই: খুঙ্গংগী পান্দম্না ললোন-ইতিক অমা ওইরকপা

মেঘালয়গী মৌসিনরামদা নোং কন্না চুরিবা অয়ুক অমদা, বন্সাইলাং মারবানিয়াং চীংশাং পরেংশিং শীনবা থুংনা শন্দোক্লিবা অমুবা লৈচিলশিং য়েংদুনা লৈরমখি। মালেমগী খ্বাইদগী নোং চুবা মফম ওইবগা লোয়ননা, লেপ্তনা নোং চুরকখি। অদুবু মহাক্না খল্লিবদি নোংচু অসি নত্তে; মহাক্না খল্লবদি মহাক্না চহি কয়া খন্দুনা লাকখিবা ৱাহংনি: নোং মরাংকাইন চুরবসু খুদোংচাবা য়াম্না লৈতবা মতমদা লৈবাক অসিগী খ্বাইদগী মনুং হুঞ্জিনবা মফম অমদা লৈবা নহা অমনা কমদৌনা তুংগী ফিবম অমা শেমগনি?

চহি কয়া, থবক থিনবা মরুপ-মপাংশিং অমসুং য়ুম্লোনবশিং মৌসিনরাম থাদোক্নখিবা অদু মহাক উখি। খুদোংচাবশিং মরাংকাইনা লৈখিদে অমসুং মশাগী ললোন-ইতিক অমা হৌদোকপা ঙম্বগী ৱাংমদা লৈখি। শেন-থুমগী অৱাবশিংনা মরম ওইদুনা মঙ মঙবা ফাওবা ঙমখিদে। অদুবু মহাক ৱাখল খনবা লেপখিদে। লমদম অসিদা মরাংকাইনা ফংলিবা লৌউ-শিংউগী পোৎথোকশিংনা কোইশিন্দুনা লৈখি, পোৎথোকশিং অসিদগী কমদৌনা শেন তান্নবা থবক অমা হৌদোকপা য়াগদগে হায়না মহাক্না খনখি।

গুৱাহাতিদা লৈবা ইন্দিয়ান ইন্সতিতুৎ ওফ ওন্ত্রেপ্রেন্যুরশিপ(আই আই ই) না ওন্ত্রেপ্রেন্যুরশিপ অমসুং স্কিল দিবলপমেন্তগী ত্রেনিং পীরি হায়বা মহাক্না খঙবদগী অওনবা অমা লাকখি। ইন্দিয়ান ইন্সতিতুৎ ওফ ওন্ত্রেপ্রেন্যুরশিপ অসি এম.এস.এম.ইগী এ.এস.পি.আই.আর.ই স্কিম(এ স্কিম ফোর প্রোমোসন ওফ ইন্নোবেসন, রুরেল ইন্দষ্ট্রিস এন্দ ওন্ত্রেপ্রন্যুরশিপ) কী মখাদা লৈবা মহৈলোয়শঙ অমনি। মসিনা থৱায় য়াওবা ওন্ত্রেপ্রেন্যুরশিংদা অনৌবা ৱাখলশিং ললোন-ইতিক ওন্থোকপদা দরকার ওইবা স্কিলশিং, থাজবা অমসুং ললোন-ইতিক্কী লৌশিং পীবদা মতেং পাংলি।

মারবানিয়াংদা ত্রেনিং অসিনা অনৌবা খুদোংচাবা কয়া পীরে। তেক্নিকেলগী লৌশিং অমসুং ওন্ত্রেপ্রেন্যুরশিপকী স্কিলশিং লৈবদগী, মহাক্না চীঞ্জাক শেম-শাবগী থবক অমা পায়খৎতুনা মফম অদুদা  ফংবা পোৎথোকশিং শেন তান্নবা খুদোংচাবা ওন্থোক্লে, মতেং অমসুং লৌশিংনা লমজিংদুনা মফম অমদা হেক্ত খুদোংচাবা অমা লৌবা য়াই হায়বা উৎলে।

য়ুম নক্না খুদোংচাবা কয়া শেমগৎলে

মারবানিয়াংগী ৱারিদা ভারতকী খুঙ্গং শীনবা থুংনা অচৌবা অওনবা অমা পুরক্লিবা অসিগী মমি তারে।

সহরগী মফমশিং অয়াম্বদা ললোন-ইতিক্কী থবকশিং, তেক্নোলোজিগী মতেং অমসুং ললোন-ইতিক য়োকখৎপগী খুদোংচাবা লৈরি। ভারতকী খুঙ্গংদা লৌশিং, স্কিলশিং অমসুং মচাকশিং লৈরবসু, ওন্ত্রেপ্রেন্যুর ওইনিংবশিংদা ত্রেনিং ফংদে, অনৌবা ৱাখলশিং শেন তান্নবা থবকশিংদা ওন্থোকপা ঙম্নবা লমজিংবা অমসুং ইন্সতিতুৎশিংগী মতেং দরকার ওই।

অৱাৎপা অসি খঙবদগী, এম.এস.এম.ই মিনিষ্ট্রিনা খুঙ্গংদা অমসুং লৌউ-শিংউদা য়ুম্ফম ওইবা হিরমশিংদা ওন্ত্রেপ্রেন্যুরশিপ অমসুং থবক ফংবা হেনগৎহন্নবা ২০১৫ দা এ.এস.পি.আই.আর.ই স্কিম হৌদোক্লে।

চহি কয়া, হোংলক্লিবা দরকার ওইবশিং ফংনবা স্কিম অসি পায়খৎলকপনি। ২০১৮ দা পীখিবা থবক পাংথোক্নবা চৎন-কাংলোনশিংনা ইনকুবেসনগী থবক ফগৎহল্লে। ২০২৩ দা পীখিবা অমুক হন্না শেমদোক্লবা চৎন-কাংলোনশিংনা হিংনবা লম্বী পীবা, ললোন-ইতিক চাউখৎহনবা অমসুং হকথেংননা খঙবা ঙম্বা ফলশিংদা অকনবা মীৎয়েং চঙলে। ঙসিদি, এ.এস.পি.আই.আর.ই অসি লাইভলিহুদ ব্যুজিনেস ইনকুবেতরস (এল বি আই) গী নেতৱার্কশিংগী ময়াইদা লৈরে অমসুং মসিনা ললোন-ইতিক পাংথোক্নবা দরকার ওইবা লৌশিং তানশিনবদা লনাই মীওইশিংগী মতেং পাংলে।

ত্রেনিং পীদুনা, লমজিংদুনা অমসুং ইনকুবেসনগী মতেং পাংদুনা, লৌ-শিংউগী লমদা থৱায় য়াওবা মীওইশিং এ.এস.পি.আই.আর.ইনা মতেং পাংলে অমসুং এম.এস.এম.ই সেক্তরদা চাংদম্নবা হেনগৎহন্নবা ইন্নোবেসনশিং পুক্নিং থৌগৎলে।

শেন তান্নবা থবকশিং শেমগৎলিবা মফম

এ.এস.পি.আই.আর.ই মাইপাকপগী ময়াইদা মসিগী লাইভলিহুদ ব্যুজিনেস ইনকুবেতরশিং লৈরি। স্কিল লৈহনবা খক্তনা পান্দম নত্তে, হিংনবা লম্বীশিং পীবা অমসুং থবক ফংনবা খুদোংচাবশিং পীবা অপীকপা ললোন-ইতিক্কী থবকশিং শেমগৎপনি।

ইনকুবেতরশিং অসিদা অনৌবা খুৎলায়, লমজিংবা অমসুং তেক্নোলোজিগী মতেং পীরে। ওন্ত্রেপ্রেন্যুরশিংদা পোৎথোক পুথোকপা, ব্রান্দ শেমগৎপা, এক্রিদিতেসন, চৎন-কাংলোনশিং ইনবা, কৈথেলগা শম্নহনবা অমসুং শেন্থংগী খুদোংচাবা পীরে অমসুং অনৌবা ৱাখলদগী ললোন-ইতিক্কী থবক ফাওবগী খোঙচত্ত মখোয়গী মতেং পাংলে।

এ.এস.পি.আই.আর.ইনা ওন্ত্রেপ্রেন্যুরশিং মখোয়গী ত্রেনিং লোইরবা মতুংদা মতম শাংনা মতেং পাংলে। স্কিম ষ্টরিং কম্মিতি, মেন্তর ইন্সতিতুৎশিং অমসুং হোষ্ট ইন্সতিতুৎশিং য়াওদুনা মরোল অহুমগী খুৎথাংদা স্কিম অসি পায়খৎলি। ইনকুবেতরশিং মশক খঙদোকপা, প্রোজেক প্লানশিং শেম-শাবা, ইনকুবেসনগী থৌরমশিং শেম-শাবা, থবক ওইনা পায়খৎপা ফগৎহনবা অমসুং ফলশিং য়েংশিনবদা মেন্তর ইন্সতিতুৎশিংনা মরুওইবা থৌদাং লৌরি।

ইনকুবেসনগী থবক অসিনা আই.আই.ই গুৱাহাতি, এগ্রিকচরেল য়ুনিভর্সিতিশিং, তেক্নিকেল ইন্সতিতুৎশিং অমসুং আই.আই.তি জোধপুরগুম্বা মমিং চৎলবা ইন্সতিতুৎশিং পুনশিল্লে। সেন্তরশিং অসি ওন্ত্রেপ্রেন্যুরশিপ চাউখৎনবা অমসুং লৌউ-শিংউগী উদ্যোগতা ষ্টার্দঅপশিং য়োকখৎনবা দিজাইন তৌবনি।

লৈবাক শীনবা থুংনা এল.বি.আইশিংনা চীঞ্জাক পুথোকপা, খোইহি পুথোকপা, ৱাগী পোৎথোকশিং, চেঙ্গুম থাবা, মরু-মরাং অমসুং মচল শেম্বা, হেন্দিক্রাফশিং অমসুং য়ুবী মকুগী পোৎলমশিং শাবগী হিরমশিংদা থবকশিং য়োকখৎলি। থবক অসিদা  ভারতকী শেন্মিৎলোন্দা মগুন হাপকৎলবা খুঙ্গংগী উদ্যোগশিংনা মতেং পাংবা হেনগৎলকপগী মমি তারে। খুঙ্গংগী মীয়ামদা, শেন-তানবগী থবক অসিনা শেন ফংহনবা খক নত্তনা মশিং য়াম্লবা ভেলু চেনশিং শরুক য়াবগী খুদোংচাবসু পীরে। লৌউ-শিংউ অমসুং মফম অমগী পোৎথোকশিংগা মরী লৈনবা ওন্ত্রেপ্রেন্যুরশিপ য়োকখৎতুনা, পোৎথোক পুথোকপদগী মেনুফেকচরিং অমসুং ভেলু এদিসন্দা চঙশিন্নবা এ.এস.পি.আই.আর.ইনা লনাই মীওইশিংগী পুক্নিং থৌগৎলি।

জুন ২০২৬ ফাওবদা, এল.বি.আই ১০৯ রাজ্য অমসুং য়ু.তি ২৭ দা অয়াবা পীখ্রে। ইনকুবেতরশিং অসিনা বেনিফিসরি লাখ ১.২৩ রোম ত্রেনিং পীখ্রে। শেনবা চহি ২০২২-২৩ দা লৈবাক শীনবা থুংবগী অপীকপা ললোন-ইতিক ১,২০০ হেন্না এ.এস.পি.আই.আর.ইনা মতেং পাংখ্রে।

ভারতকী চাউখৎলক্লিবা ওন্ত্রেপ্রেন্যুরশিং ফিবম ফগৎহনবা 

মসিনা শৌগৎলিবা ইনকুবেতর মশিংদা এ.এস.পি.আই.আর.ইগী মাইপাকপা ওন্দে, মসিনা মতেং পাংবদগী অওনবা পুরকখিবা মীওইশিংনা মসিগী মাইপাকপা ওল্লি।

শেনবা চহি২০২২-২৩ দগী, স্কিম অসিনা লৈবাক শীনবা থুংবগী নুপী ২৮,৫০০ হেন্না ওন্ত্রেপ্রেন্যুরশিপকী খুদোংচাবশিং ফংহনখ্রে। মসিগা লোয়ননা, এ.এস.পি.আই.আর.ইগী কান্নবা এস.সি বেনিফিসরি ৮,৭০০ হেন্না, এস.তি বেনিফিসরি ৯,৬০০ হেন্না অমসুং ও.বি.সি বেনিফিসরি ১৭,৬০০ হেন্না ফংখ্রে।

খুন্নাইগী কাংলপ কয়াদা ওন্ত্রেপ্রেন্যুরশিপকী মতেং পাংদুনা, অচৌবা সহরশিং খক্তদা ললোন-ইতিক পায়খৎপগী থবক লৈহন্দনবা এ.এস.পি.আই.আর.ইনা মতেং পাংলে। খুঙ্গংশিং অমসুং অপীকপা সহরশিং চাউখৎনবা, মশা মরোমদোম লেপচবা ঙম্নবা অমসুং হিংনবা লম্বী ফংনবা এ.এস.পি.আই.আর.ইনা লম্বী শেম্বা হেনগৎলক্লি।

মৌসিনরামদগী কর্তব্য পথ ফাওবা

চহি খরগী তুংদা, মারবানিয়াংগী খোঙচৎ জাতিগী ফম্বাক অমদা ইকায়খুম্নবা ফংলে।

ন্যু দিল্লিদা কর্তব্য পথতা পাংথোকপা ৭৫শুবা গনতন্ত্র দিবস থৌরমদা অখন্নবা অতিথি ওইনা অৱাং-নোংপোক্কী ওন্ত্রেপ্রেন্যুর ১০ চেপাউ পীবদা মহাক য়াওখি। মখোয়গী মনুংদা ভারতকী খুঙ্গংশিং, অপীকপা তাউনশিং অমসুং মনুং হুঞ্জিনবা মফমশিংদগী লাকপা অনৌবা মীরোল অমগী ওন্ত্রেপ্রেন্যুরশিং য়াওখি। মখোয় শরুক য়াবনা লৈবাক অসিগী খ্বাইদগী মরুওইবা থৌরম অমা লনাই ইকায়খুম্নবা উৎপদগী হেন্না মশক থোকহল্লে। মসিদা থবক থিবা মীওইশিং ওইরম্বদগী থবক পীবা মীওইশিং ওইরক্নবা মতেং পাংলিবা থবকশিংগী মাইপাকপগী মমি তারে।

নোংনা চোৎলবা মৌসিনরামদগী কর্তব্য পথ ফাওবগী অথাপ্প অসি কিলোমিতরদা ওনবা মতমদা, তম্বা ঙমদবদগী ওন্ত্রেপ্রন্যুর ওইরকপগী খোঙচৎ অসি খুদোংচাবনা ওল্লি। এ.এস.পি.আই.আর.ইগী খুৎথাংদা, অনিংবশিং শেন তান্নবা থবকশিংদা ওন্থোকপদা দরকার ওইবা মতেং অমসুং লৌশিং ভারতমচা লিশিং কয়াদা ফংহল্লে। ইন্নোবেসন অমসুং ওন্ত্রেপ্রেন্যুরশিপ য়োকখৎতুনা, অনৌবা ৱাখলশিং ললোন-ইতিক্ত ওন্থোক্লে, স্কিলশিং হিংনবা লম্বীশিংদা ওন্থোক্লে অমসুং মঙলানশিং শেন-থুমগী খুদোংচাবা ওন্থোক্লে।

মতৌ অসুম্না, এ.এস.পি.আই.আর.ইনা ললোন-ইতিক শেমগৎপা খক নত্তনা মীয়ামগী ফিবম ফগৎহনবা, থবক ফংহনবা অমসুং কাংলুপ খুদিংমক হেন্না কোনশিনবা অমসুং অত্মনির্ভর ভারত অমা শেমগৎপদা মতেং পাংলি।

রিফরেন্সশিং

MINISTRY OF SKILL DEVELOPMENT AND ENTREPRENEURSHIP

https://iie.gov.in/news-and-events/iie-trained-ne-entrepreneurs-invited-to-republic-day-parade-as-symbol-of-skill-development-push467#gsc.tab=0

https://iie.gov.in/pr/projects/a-scheme-for-promotion-of-innovation--rural-industries---entrepreneurship---aspire-#gsc.tab=0

MINISTRY OF MICRO, SMALL, MEDIUM ENTERPRISES

https://aspire.msme.gov.in/ASPIRE/AFHome.aspx

https://dashboard.msme.gov.in/aspire.aspx

https://www.pib.gov.in/newsite/PrintRelease.aspx?relid=133532&reg=48&lang=2

https://aspire.msme.gov.in/WriteReadData/DocumentFile/New_Operational_Guidelines_ASPIRE_2018.pdf

https://aspire.msme.gov.in/WriteReadData/DocumentFile/ASPIRE_New_21112023.pdf

https://aspire.msme.gov.in/WriteReadData/DocumentFile/Annexure-I.pdf

LOK SABHA

https://sansad.in/getFile/loksabhaquestions/annex/187/AS550_07VFJm.pdf?source=pqals

INDIAN INSTITUTE OF ENTREPRENEURSHIP

https://www.iie.gov.in/pdf/IIE-Annual-Report-2024-25.pdf

***