PIB Backgrounder
কিষান শর্থি প্লেতফোর্ম
प्रविष्टि तिथि:
29 JUN 2026 11:28AM by PIB Imphal
লৌউ-শিংউগী থবকশিং পুনশিন্নবা, মপাঙ্গল কনখৎনবা তেক্নোলোজি শীজিন্নবা
তেক্নোলোজি, লৌশিং অমসুং লৌমীগী দরকার ওইবশিং শম্নহনবা
জুলাই ২০২১ দা হৌদোকখিবা কিষান শর্থি, ভারতকী খ্বাইদগী চাউবা অপুনবা দিজিতেল ওইনা লৌউ-শিংউদা ই-পাউ পীনবা প্লেতফোর্ম অমনি। মসিনা লৌমীশিংদা মতম চানা, অচুম্বা অমসুং লোল কয়াদা ই-পাউশিং ফংহল্লি। লৌমীশিংনসু স্কিমশিং, নোং-চিংগী অনৌবা পাউশিং অমসুং অখঙ-অহৈশিংগা খন্ন-নৈবা ফংলে। মসি ইলেক্ত্রোনিক্স অমসুং ইনফোর্মেসন তেক্নোলোজি মিনিষ্ট্রি অমসুং এগ্রিকলচর অমসুং ফার্মরস ৱেলফিয়ার মিনিষ্ট্রিগী অপুনবা থবক অমনি। ইন্দিয়ান এগ্রিকলচরেল ষ্টেতিষ্টিক্স রিছার্স ইন্সতিতুৎ অমসুং দিজিতেল ইন্দিয়া কোর্পোরেসন্না প্লেতফোর্ম অসি থবক ওইনা পায়খৎপনি।
• প্লেতফোর্ম অসিনা ইন্তরএক্তিপ ইনফোর্মেসন দিসিমিনেসন সিষ্টেম শীজিন্নরি। সিষ্টেম অসিনা লৌমীশিং অমসুং অখঙ-অহৈশিংগী মরক্ত পাউ ফাওদোক-ফাউজিন তৌনবা ঙমহল্লে। মসিনা লৌউ-শিংউগী লৌশিং লেবতগী লৌবুক্ত য়ৌহনবদা মতেং পাংলি।
• কিষান শর্থি এপ্পনা লৌমীশিংগা শম্নহল্লে:
a. কৃষি বিজ্ঞান কেন্দ্র (কে ভি কে) ৭৩০ হেনবা
b. আই.সি.এ.আর ইন্সতিতুৎ ১০০ হেনবা
c. এগ্রিকলচরেল য়ুনিভর্সিতি ৬৫ হেনবা
মহৈলোয়শঙশিং অসি পুনশিনবনা লৈবাক অসিদা অফবা লৌউ-শিংউগী ই-পাউ পীনবা থবক অমা শেমগৎলে। মসিনা ভারত শীনবা থুংবগী লৌমীশিংদা অচুম্বা অমসুং মফম অদুগা চুনবা মতেং পাংবা ঙমহল্লে।
মহৌশাদগী হৌনা, লৌমীশিংনা ই-পাউ লৌনবা থবকশিং, নোংজু-নুংশাগী পাউ অমসুং স্কিমগা মরী লৈনবা পাউগীদমক তোঙান তোঙানবা চেন্নেলশিংগী মখা পোন্দুনা লাক্লি। মরুওইবা দিজিতেল প্লেতফোর্মশিং অমতা ওইনা পুনশিন্দুনা মসিগী খুদোংচাদবা অসি কিষান শর্থিনা কোকহল্লে। মরুওইবা দিজিতেল প্লেতফোর্মশিংদি:
• কিষান কোল সেন্তর
• কম্মন সর্বিস সেন্তর
• ইন্দিয়া মেতিওরোলোজিকেল দিপার্তমেন্ত
• মাইস্কিম
• ভাসিনি
নেসনেল প্লেতফোর্মশিং পুনশিনবনা মরুওইবা লৌউ-শিংউগী থবকশিং দিজিতেল ইন্তরফেস অমদা লৈহল্লে।
• ভারত শীনবা থুংবগী লৌমীশিং স্মার্দফোনশিং শীজিন্নরে, ইন্তরনেত ফংলে অমসুং দিজিতেলগী থবকশিং হৈরে। তোঙান তোঙানবা চেন্নেলশিং ফংহন্দুনা, কিষান শর্থিনা লৌমীশিংদা মতম চানা ই-পাউ ফংহল্লে। লৌমীশিংনা কিষান শর্থি ফংবা য়াগনি:
a. কিষান কোল সেন্তরশিং
b. কম্মন সর্বিস সেন্তরশিং
c. ৱেব পোর্তেল
d. ৱাতসএপ্প
e. মোবাইল এপ্প
কমদৌনা কিষান শর্থি এপ্পনা লৌমীশিংদা মতেং পাংবগে?
• কিষান শর্থিনা লৌউ-শিংউগী অখঙ-অহৈশিংগা লৌমীশিংগা হকথেংননা শম্নহল্লে।
• লৌমীশিংনা লমদম অমগী অকক্নবা পাউ, চপ চাবা মতমদা নোংজু-নুংশাগী পাউশিং, কৈথেলগী মমলশিংগী পাউ ফংলে।
• মখোয়গী দরকার ওইবা সরকারগী স্কিমশিংগী মরমদা খঙদোকপদা কিষান শর্থিনা লৌমীশিংগী মতেং পাংলে। পি.এম-কিষানগুম্বা সরকারগী স্কিমশিংগী ফিবমগী মতাংদা মখোয়না পাউ ফংবসু ঙম্লে।
• মসিনা রাজ্যশিং অমসুং কেন্দ্র সরকারগী স্কিমশিং কোনশিল্লে। জুন ২৫,২০২৬ ফাওবদা, পোর্তেল অসিদা ফংলিবা স্কিম ৬১০ গী মনুংদা স্কিম ১০২ দি কেন্দ্র সরকারগী স্কিমশিংনি।
• মরুওইবা মহৈ-মরোংশিং, হৱায়শিং, থাউ থোকপা মরুশিং, হোর্তিকলচরগী মহৈ-মরোংশিং, প্লান্তেসন ক্রোপশিং অমসুং শজিক ওইনা শীজিন্নবা পাম্বীশিংগী ই-পাউশিং ফংলে। শা-ষন, য়েন, ঙা য়োকপা অমসুং মরী লৈনবা থবকশিংগীসু ই-পাউশিং ফংলে।
• লৌমশিংনা কে.ভি.কেগী অখঙ-অহৈশিংদা ৱাহংশিং হংবা য়াগনি অমসুং মখোয়গী লোলশিংদা পাউতাক ফংগনি।
• লৌমীশিংনা ত্রেনিংশিং অমসুং ভিদিওদা খন্ন-নৈনবশিং শরুক য়াবা য়াগনি।
• লৌমীশিংনা লাইনা মন্দিগী মমলশিং অমসুং জিলা-জিলাগী ওইবা মমলশিং খঙবা য়াগনি। মসিনা অকক্নবা মহৈ-মরোং খরগী কৈথেলশিংদা লৈরিবা ফিবমসু য়েংবা য়াগনি।
কিষান শর্থি এপ্পকী মরুওইবা শক্তমশিং অমসুং পীরিবা খুদোংচাবশিং
• কিষান শর্থি প্লেতফোর্মনা মখাশিং অসি লৌমীশিংদা পীরি:
a. লৌবুক অমসুং লৌমীশিংদা য়ুম্ফম ওইবা লনাই ই-পাউ
b. অখঙ-অহৈশিংগা লোয়ননা লোল ১৩ দা খুদক্ত ৱারি শানবা
c. লৌমীশিংগী দরকার ওইবা মতুংইন্না কোল তৌবা অমসুং কনফরেন্সিংগী খুদোংচাবা
d. লৌমীশিংগী লৌশিংগী দেতাবেজ শীজিন্নবা
e. লৌমীশিংগী মফম অমসুং হিরমগা চুনবা চেকশিনৱাগী পাউজেল পীবা
f. তোল-ফ্রি মোবাইল নম্বর অমসুং ৱেবকী খুৎথাংদা লাইনা রেজিষ্টার তৌবা
আই.আই.দি.এস: কিষান শর্থিগী তুংদা লৈরিবা তেক্নোলোজি
• ইনফোর্মেসন দিসিমিনেসন সিষ্টেম (আই আই দি এস) না কিষান শর্থি শেমগৎপনি। আই.আই.দি.এস পাউ ফাউদোক-ফাউজিনগী প্লেতফোর্ম অমনি। মসিনা লৌমশিং অমসুং অখঙ-অহৈশিংগী মরক্ত পাউ ফাওনবা ঙমহল্লে।
• ভিদিও কোল, ভোইস কোল, তেক্স, ইমেজ অমসুং চেতকী খুৎথাংদা ভিদিও একচেঞ্জনা ই-পাউ ফাওনবা য়াগনি।
• আই.আই.দি.এসকী মরুওইবা মথৌশিং:
a. অখন্নবা থবকশিং লৌমীশিংনা শীজিন্নবা য়াগনি
b. লৌমীশিংনা লনাই ওইবা পাউতাকশিং লৌবা য়াগনি
c. লৌমীশিংনা পাউতাকশিং মতম অমদা হেক্ত লৌবা য়াগনি
d. অখঙ-অহৈশিংনা লৌমীশিংগী পুৱারি অমসুং মমাঙদা ৱারি শানখিবা খঙবা য়াই
e. লৌমীশিংগী দরকার ওইবা ই-পাউশিং শেমদুনা থম্লে
• আই.আই.দি.এসকী য়ুনিক সেল্লিং পোইন্তশিং:
a. লৌমীশিংগী কোল সেন্ত্রেল সর্বর অমদা ফংলে।
b. ৱাহংশিং মরী লৈনবা অখঙ-অহৈশিংদা য়ৌহল্লে।
c. তুংগীদমক ৱাহংশিং লীদুনা থম্লে।
d. অখঙ-অহৈশিংনা লৌশিংগী দেতাবেজ শীজিন্নরে।
e. থবক অসিনা নো য়োর ফার্মর(কে ৱাই এফ) কী থবক পাংথোক্লে।
f. পাউশিং চুম্না অমসুং চুনবা পাউশিং পীবা হেনগৎহল্লে।
কিষান শর্থিনা কোনশিনবা
• জুন ২৫.২০২৬ ফাওবদা, কিষান শর্থিনা রাজ্য/য়ু.তি ৩৭, জিলা ৭৬৮ অমসুং খুঙ্গং লাখ ৬.৬৩ কোনশিল্লে।
• কিষান শর্থিগী আই.সি.এ.আর সাইন্তিষ্ট ৪,৭৬৭ অমসুং আই.সি.এ.আর ইন্সতিতুৎ ১১৩ গী নেতৱার্ক অমা লৈরি।
• মসিদা লৌমী করোর ২.৯৫ রেজিষ্টার তৌরে, মসিগী মনুংদা নুপী লাখ ৫৬.১৬ য়াওরি।
• অনকপা কে.ভি.কেশিংদা চত্তুনা লৌমী করোর ২.৮৯ না মখোয় মশামক রেজিষ্টার তৌখ্রে। কিষান কোল সেন্তরশিংগী খুৎথাংদা লাখ ৫.৩৫, মোবাইল এপ্পশিংগী খুৎথাংদা ২১,৫১৭ অমসুং ৱেব পোর্তেলগী খুৎথাংদা ২,৪১৬, অমসুং কম্মন সর্বিস সেন্তরশিংগী খুৎথাংদা ৩৯,১৯৩ রেজিষ্টার তৌখ্রে।
• হৌজিক ফাওবদা প্লেতফোর্ম অসিদা ৱাহং লাখ ১৯.২১ লাকখ্রে।
• কিষান শর্থিনা হৌজিক ফাওবদা রাজ্য ৩৪ দা পোৎলম ৩৫১ গী ই-পাউ ২১,৯০০ ফংহনখ্রে।
অতোপ্পা লৌউ-শিংউগী মরী লৈনবশিংগী কান্নবশিং
লৌউ-শিংউগী অখঙ-অহৈশিং, মহৈলোয়শঙশিং অমসুং থৌশিল শেম্বশিংগুম্বা অতোপ্পা লৌউ-শিংউগী মরী লৈনবশিং কান্নবা পীবা লৌউ-শিংউগী থবক অমা কিষান শর্থিনা শেমগৎলে।
* আই.সি.এ.আর ইন্সতিতুৎশিং অমসুং য়ুনিভর্সিতিশিং
সাইন্তিফিক ওইবা ই-পাউশিং পাক-শন্না য়ৌহনবগী কান্নবশিং রিছার্স ইন্সতিতুৎশিংনা ফংলে। প্লেতফোর্ম অসিনা লৌশিং শরুক য়ামিন্নবা হেনগৎহল্লে অমসুং থিজিনবগী থবক হেনগৎহল্লে।
* কে.ভি.কেশিং অমসুং লৌউ-শিংউগী অখঙ-অহৈশিং
কিষান শর্থিনা লৌমীশিং য়াংনা অমসুং মপুংফানা ই-পাউ য়ৌহনবা ঙম্লে। মসিনা লেবতগী লৌবুক্ত তেক্নোলোজি য়ৌহনবা হেনগৎহল্লে।
* থৌশিল শেম্বশিং অমসুং লৈঙাকপশিং
প্লেতফোর্ম অসিনা খুদক্ত ফিল্দগী লৌশিং, দাসবোর্দশিং অমসুং এনালাইতিক্স ফংহনবা ঙম্লে। মসিনা খুদমদা য়ুম্ফম ওইবা থৌশিল শেম্বদা মতেং পাংলে অমসুং লৌউ-শিংউগী লৌশিং লৌমীশিংদা য়ৌহন্নবা থবকশিং ফগৎহল্লে।
লৌউ-শিংউদা দিজিতেল শীজিন্নবগী তুংগী ফিবম
ভারতকী লৌউ-শিংউগী লৌশিং শন্দোক্নবা থবকশিংদা দিজিতেলগী অওনবা পুরকপদা মরুওইবা থবক অমা কিষান শর্থিনা ওইরে। লৌমীশিং, রিছার্স ইন্সতিতুৎশিং, এক্সতেন্সন এজেন্সিশিং অমসুং থৌশিল শেম্বশিংগী মরক্ত পুন্না থবক তৌমিন্নবা প্লেতফোর্ম অসিনা হেনগৎহল্লে, হেন্না শম্নবা অমসুং থবক পাংথোকপা লৌউ-শিংউগী থবক অমা শেমগৎলে। মসিদা লোল কয়াগী ইন্তরফেস, চেন্নেল কয়া য়াওরি অমসুং ই-পাউ ফাওদোক ফাওজিনগী নমুনা অসিনা লৈবাক শীনবা থুংনা দরকার ওইবা লৌউ-শিংউগী ই-পাউ ফংহনবা হেনগৎহল্লে।
দিজিতেল ইনফ্রাষ্ট্রকচর অমসুং লৌমশিং শরুক য়াবা হেনগৎলকপগা লোয়ননা, কিষান শর্থিনা লৌশিং ফংহনবগী থবক মপাঙ্গল কনখৎহল্লে অমসুং লৌবুক্ত ৱারেপ লৌবা ঙমহল্লে। তেক্নোলোজিদা য়ুম্ফম ওইরবা ই-পাউশিং অমসুং ইন্সতিতুৎশিং পুনশিনবগী খুৎথাংদা, হেন্না অৱাবা মায়োক্নবা ঙম্বা, কান্নবা অমসুং দিজিতেল শীজিন্নরবা লৌউ-শিংউগী লমদা প্লেতফোর্ম অসিনা মতেং পাংলি।
রিফরেন্সশিং
ইলেক্ত্রোনিক্স অমসুং ইনফোর্মেসন তেক্নোলোজি মিনিষ্ট্রি
https://kisansarathi.in/
https://ks-aams-web.digitalindiacorporation.in/about-us
https://www.pib.gov.in/PressReleasePage.aspx?PRID=1736155®=48&lang=2
ষ্টেতিসতিক্স অমসুং প্রোগ্রাম ইমপ্লেমেন্তসন মিনিষ্ট্রি
https://www.pib.gov.in/Pressreleaseshare.aspx?PRID=2132330®=48&lang=2
The Kisan Sarathi Platform
***
(रिलीज़ आईडी: 2279028)
आगंतुक पटल : 8