કેમિકલ્સ અને ફર્ટિલાઈઝર્સ મંત્રાલયના ફાર્માસ્યુટિકલ્સ વિભાગે તબીબી ઉપકરણોના ક્ષેત્રમાં સ્થાનિક ઉત્પાદનને પ્રોત્સાહન આપવા, આયાત પરની નિર્ભરતા ઘટાડવા, નવીનતાને સમર્થન આપવા અને વેલ્યુ ચેઈનની ઊંડાઈ વધારવા માટે 'તબીબી ઉપકરણ ઉદ્યોગના સુદૃઢીકરણ માટેની યોજના' (SMDI) હેઠળ પાત્ર સંસ્થાઓ પાસેથી અરજીઓ આમંત્રિત કરી છે.

નીચેની બે મુખ્ય પેટા-યોજનાઓ હેઠળ અરજીઓ આમંત્રિત કરવામાં આવી છે:

• આયાત નિર્ભરતા ઘટાડવા માટે માર્જિનલ ઇન્વેસ્ટમેન્ટ સ્કીમ
• મેડિકલ ડિવાઇસ ક્લિનિકલ સ્ટડીઝ સપોર્ટ સ્કીમ

સીમાંત રોકાણ યોજના હેઠળ આયાત પર નિર્ભરતા ઘટાડવા માટે, પસંદ કરાયેલા અરજદારોને મુખ્ય ઘટકો/કાચા માલ/તૈયાર ઉપકરણો/એસેસરીઝના ઉત્પાદન માટે વળતર ધોરણે ₹10 કરોડ સુધીની એક વખતની મૂડી સબસિડી દ્વારા પ્રોત્સાહન આપવામાં આવશે.

આ વિભાગ પાત્ર અરજદારોને ક્લિનિકલ ઇન્વેસ્ટિગેશન/ ક્લિનિકલ પરફોર્મન્સ ઇવેલ્યુએશન/ પોસ્ટ માર્કેટ ફોલો-અપ સ્ટડી/ એનિમલ સ્ટડીઝ હાથ ધરવા માટે MDCSS યોજના હેઠળ રિઇમ્બર્સમેન્ટના ધોરણે ₹5 કરોડ સુધીની નાણાકીય સહાય પૂરી પાડશે.

આ યોજના હેઠળની દરખાસ્તો 23 જુલાઈ 2026 (સાંજે 6:00 વાગ્યા) સુધીમાં અથવા તે પહેલાં ઓનલાઇન પોર્ટલ http://smdi.lsssdc.in દ્વારા સબમિટ કરવાની રહેશે. પાત્રતા, અરજી કરવાની પ્રક્રિયા અને અન્ય નિયમો અને શરતો અંગેની વિગતો માટે, કૃપા કરીને ફાર્માસ્યુટિકલ્સ વિભાગની વેબસાઇટ https://pharma-dept.gov.in/schemes ની મુલાકાત લો.

SM/BS/JD