دیہی ترقی کی وزارت نے دین دیال انتیودیایوجنا – قومی دیہی روزی روٹی مشن (ڈاے وائی-این آر ایل ایم) کے تحت خواتین کے سیلف ہیلپ گروپس (ایس ایچ جیز) کے ذریعہ تیار کردہ مصنوعات کی برانڈنگ کو مضبوط بنانے اور مارکیٹ تک رسائی کو بڑھانے کے لئے کئی اقدامات کئے ہیں۔ ایس ایچ جی مصنوعات کے لیے ایک الگ قومی شناخت بنانے کے لیے، وزارت نےسارس،آجیویکا سارس اورآجیویکا جیسے ٹریڈ مارکس حاصل کیے ہیں، جن سے قومی، علاقائی، ریاستی اور ضلعی سطحوں پرایس ایچ جی مصنوعات کو فروغ دینے اور مارکیٹ کرنے کے لیے فائدہ اٹھایا جا رہا ہے۔ ملک بھر میں منعقدہ سارس میلوں کے ذریعے ان برانڈز کی رسائی اور مرئیت کو مزید تقویت ملی ہے۔

معیاری ایس ایچ جی مصنوعات کے لیے ایک مستقل خوردہ پلیٹ فارم فراہم کرنے کے لیے، وزارت نے بابا کھڑک سنگھ مارگ، نئی دہلی میں سارس آجیویکا گیلری قائم کی، جس میں ہندوستان بھر سے خواتین کے سیلف ہیلپ گروپس کے ذریعے تیار کردہ مصنوعات کی نمائش کی گئی۔ ان کوششوں کی تکمیل کرتے ہوئے، وزارت نے سارس ای کامرس پلیٹ فارم اور موبائل ایپلیکیشن بھی شروع کی ہے، جس سے دیہی خواتین کاروباریوں کو ڈیجیٹل مارکیٹوں تک رسائی حاصل کرنے اور ملک بھر میں صارفین سے رابطہ قائم کرنے کے قابل بنایا گیا ہے۔

سارس آجیویکا برانڈ نے مقامی دستکاری سے بیانیہ کو خواتین ایس ایچ جی کاروباریوں کے ذریعہ تیار کردہ مستند دیہی مصنوعات کے منظم، قابل شناخت ماحولیاتی نظام میں تبدیل کرنے میں مدد کی ہے۔

ان اقدامات کی بنیاد پر، وزارت راشٹریہ گرامین وکاس سمیلن (آر جی وی ایس) 2026 میں سارس آجیویکا گیلری کے ذریعے دیہی خواتین کی کاروباری کامیابیوں کو ظاہر کرے گی۔ دیہی روزی روٹی مشن، اور دیگر اہم متعلقین ایک ترقی یافتہ دیہی ہندوستان کے روڈ میپ پر غور و خوض کریں گے۔ سارس آجیویکا گیلرییہ ظاہر کرتے ہوئے ان مباحثوں کی تکمیل کرے گی کہ کس طرح خواتین کے  سیلف ہیلپ گروپوں، روایتی مہارتوں کو پائیدار معاش اور کامیاب کاروباری اداروں میں تبدیل کر رہے ہیں۔

آر جی وی ایس2026 میں،سارس آجیویکا گیلری ملک بھر سے خواتین کی زیر قیادت سیلف ہیلپ گروپس کے ذریعہ تیار کردہ مصنوعات کا ایک کیوریٹڈ ڈسپلے پیش کرے گی، جو دیہی ہندوستان کی خوشحالی اور تنوع کی عکاسی کرتی ہے۔ اس نمائش میں مدھیہ پردیش کی چندیری ساڑیاں، پنجاب کی پھلکاری، جموں و کشمیر کی پشمینہ، گجرات کی پٹولا اور اجرکھ ٹیکسٹائل، آندھرا پردیش کی قلمکاری، تلنگانہ کی اکت اور تیلیا ٹیکسٹائل، میزورم کی پونچی، کیرالہ کی ہینڈ لوم پروڈکٹس، سنگ مرمر سے تیار کردہ ہینڈ کرافٹس اور ہندوستان بھر کے دیہی اداروں کی مصنوعات اور دیگر قیمتی دستکاریوں کی نمائش  کی جائے گی۔

اس گیلری میں لکھپتی دیدیاں بھی ہوں گی،ڈی اے وائی-این آر ایل ایم جو کے تحت خواتین کی زیر قیادت کامیاب کاروباری اداروں کی نمائندگی کرتی ہیں اور سیلف ہیلپ گروپ تحریک کے تبدیلی کے اثرات کو ظاہر کرتی ہیں۔

جیسا کہ پالیسی ساز ترقی یافتہ دیہی ہندوستان کی طرف جانے والے راستوں پر غور کرتے ہیں، سارس پویلینڈی اے وائی-این آر ایل ایم کے کامیاب نفاذ کی ایک زندہ مثال کے طور پر کام کرے گا، یہ اس کا اظہار کرے گا کہ کس طرح مارکیٹ تک رسائی، برانڈنگ اور انٹرپرائز پروموشن دیہی خواتین کو کاروباریاور روزگار تخلیق کرنے والے بننے کے قابل بنا رہے ہیں۔

اس سال کی نمائش کی ایک اہم خصوصیت سارس شکتی کلیکشن کا اجراء ہو گا – کافی مشقت سے تیار کردہ  ایک پریمیم گفٹ کلیکشن جس میں ملک بھر سے دیہی خواتین کے ایس ایچ جیز کے ذریعہ تیار کردہ دستکاری سے تیار کردہ مصنوعات شامل ہیں۔ ایک مخصوص تحفے کے حل کے طور پر ڈیزائن کیا گیا،یہ مجموعہ ہندوستان کے شاندار فنی ورثے کا جشن ہے  جس میں  مارکیٹ کے نئے مواقع پیدا ہوتے ہیںاور ادارہ جاتی اور وسیع صارفی منڈیوں میں خواتین کی قیادت والے اداروں کو فروغ ملتا ہے۔

سارس شکتی کلیکشن کا آغاز پریمیم دیہی اداروں کو کارپوریٹ، سرکاری اور ادارہ جاتی بازاروں تک براہ راست رسائی کے لیے ایک منظم راستہ فراہم کرے گا۔

جیسا کہ ہندوستان 6 کروڑ لکھپتی دیدیوں کو بنانے کے وژن کی طرف بڑھ رہا ہے، سارس آجیویکا نے مارکیٹ کے رابطوں کو مضبوط کرنا، برانڈنگ اور مارکیٹ تک رسائی کے اقدامات کو وسعت دینا، اور خواتین کی قیادت والے اداروں کے لیے پائیدار مواقع پیدا کرنا جاری رکھا ہے۔ فزیکل ریٹیل پلیٹ فارمز، ڈیجیٹل کامرس، قومی نمائشوں، اور کیوریٹڈ پروڈکٹ کلیکشن جیسے سارس شکتی کلیکشن اور سارس گیلری کی دوبارہ امیجنگ کے ذریعے،یہ پہل دیہی صنعت کاروں کو وسیع تر بازاروں تک پہنچنے کے قابل بنا رہی ہے اور وکست بھارت کے وژن میں اپنا رول ادا کررہی ہے۔

لکھپتی دیدیوں کو 3 کروڑ سے زیادہ خواتین کاروباری افراد کی کامیابی کی بنیاد پر، 2029 تک کے روڈ میپ میں    ہندوستان کی دیہی ترقی کی کہانی کے مرکزی محرک کے طور پر  رکھاگیا ہے۔

راشٹریہ گرامین وکاس سمیلن میں سارس آجیویکا کی شرکت خواتین کی زیر قیادت دیہی اداروں کو مضبوط بنانے اور ایک ماحولیاتی نظام کی تشکیل کے لیے وزارت کی مسلسل وابستگی کی عکاسی کرے گی جہاں دیہی پروڈیوسر پائیدار ذریعہ معاش پیدا کر سکیں، ہندوستان کی بھرپور ہنر مندانہ روایات کو محفوظ رکھ سکیں، اور دیہی ترقی میں بامعنی تعاون کر سکیں۔

****

(ش ح۔ع و۔م ش)

U:9290