১৯ সংখ্যক মুম্বাই আন্তঃৰাষ্ট্ৰীয় চলচ্চিত্ৰ মহোৎসৱত (এম আই এফ এফ) দাদৰৰ ৰবীন্দ্ৰ নাট্য মন্দিৰত এক চমকপ্ৰদ  অনুষ্ঠানৰ সৈতে সামৰণি পৰে, য'ত তথ্যচিত্ৰ, চুটি কল্পকাহিনী আৰু এনিমেচন চলচ্চিত্ৰৰ কিছুমান শ্ৰেষ্ঠ কণ্ঠক মহোৎসৱৰ প্ৰতিষ্ঠিত গ'ল্ডেন কঞ্চ আৰু চিলভাৰ কঞ্চ বঁটাৰে সন্মানিত কৰা হয়।

মহোৎসৱৰ সৰ্বোচ্চ সন্মান,  শ্ৰেষ্ঠ তথ্যচিত্ৰ চলচ্চিত্ৰৰ বাবে গ'ল্ডেন কন্চ, নাটালিয়া কনিয়াৰ্জৰ দ্বাৰা পৰিচালিত আৰু মেচিজ কুবিকিৰ দ্বাৰা প্ৰযোজিত পোলেণ্ডৰ তথ্যচিত্ৰ চিলভাৰক প্ৰদান কৰা হয়। জুৰীয়ে ছবিখনক "দৰিদ্ৰতা, শ্ৰম আৰু মৰ্য্যাদাৰ এক কাব্যিক কিন্তু আপোষহীন অন্বেষণ, স্থানীয় বাস্তৱক বিশ্বব্যাপী অন্যায়ৰ ওপৰত গভীৰ প্ৰতিবিম্বলৈ ৰূপান্তৰিত কৰা" বুলি বৰ্ণনা কৰে। চলচ্চিত্ৰ নিৰ্মাতাসকলৰ হৈ মন্ত্ৰী প্ৰতিনিধি আৰু পোলিশ প্ৰতিষ্ঠানৰ সঞ্চালক মালগোৰজাটা ৱেজিছ-গোলেবিয়াকে এই বঁটা গ্ৰহণ কৰে।

চলচ্চিত্ৰ পৰিচালক নাতালিয়া কনিয়াৰ্জ আৰু চলচ্চিত্ৰখনৰ প্ৰযোজক মেচিজ কুবিকিৰ হৈ মন্ত্ৰীৰ প্ৰতিনিধি আৰু প'লিছ ইনষ্টিটিউটৰ সঞ্চালক শ্ৰীমতী মালগোৰজাটা ৱেজিছ-গোৱেবিয়াকে শ্ৰেষ্ঠ আন্তঃৰাষ্ট্ৰীয় তথ্যচিত্ৰ বঁটাৰ বাবে গ'ল্ডেন কঞ্চ গ্ৰহণ কৰে।

ৰাষ্ট্ৰীয় প্ৰতিযোগিতাঃ ভাৰতীয় কাহিনীবোৰৰ নিজৰ মুহূৰ্ত

ৰাষ্ট্ৰীয় প্ৰতিযোগিতাখনত সমসাময়িক ভাৰতীয় অ-কাহিনীমূলক চলচ্চিত্ৰৰ শক্তি আৰু বৈচিত্ৰ্য প্ৰদৰ্শন কৰা হৈছিল, য’ত তিনিখন চলচ্চিত্ৰই সন্মানীয় চিলভাৰ কঞ্চ সন্মান লাভ কৰে।

শ্ৰেষ্ঠ ভাৰতীয় এনিমেচন চলচ্চিত্ৰৰ বাবে চিলভাৰ কঞ্চ লাভ কৰে ভুৱনেশ এম কুমাৰ উৰফে বুনজৰ দ্বাৰা পৰিচালিত আৰু প্ৰযোজিত অংগলাম্মান টেম্পল ষ্ট্ৰীটৰ আৰ্মষ্ট্ৰঙে। জুৰীয়ে চলচ্চিত্ৰখনক এক দূৰ ভৱিষ্যতৰ সাহসী চিত্ৰণ, পৰম্পৰা আৰু পৰিৱৰ্তনৰ ওপৰত ইয়াৰ তীক্ষ্ণ সামাজিক ভাষ্য তথা এনিমেচনক কেৱল দৃশ্যগত ৰূপৰ পৰিৱৰ্তে এক শক্তিশালী চিনেমাৰ ভাষা হিচাপে ব্যৱহাৰ কৰাৰ বাবে প্ৰশংসা কৰে।

এফ টি আই আই-ৰ দ্বাৰা প্ৰযোজিত ছবি ‘স্মল ক্লাউডছ’ -ৰ বাবে শ্ৰেষ্ঠ ভাৰতীয় চুটি কল্পকাহিনী চলচ্চিত্ৰ বঁটাৰ চিলভাৰ কঞ্চ এফ টি আই আই-ৰ উপাচাৰ্য শ্ৰী ধীৰাজ সিং আৰু চলচ্চিত্ৰ পৰিচালক শ্ৰী শুভম সুমিতে গ্ৰহণ কৰে।

শ্ৰেষ্ঠ ভাৰতীয় চুটি কল্পকাহিনী চলচ্চিত্ৰৰ বাবে চিলভাৰ কঞ্চ বঁটা লাভ কৰে স্মল ক্লাউডছে, যিখন পৰিচালনা কৰে শুভম সুমিতে আৰু প্ৰযোজনা কৰে ধীৰাজ সিঙে। জুৰীৰ উদ্ধৃতিটোৱে শৈশৱ, পৃথকীকৰণ আৰু সময় অতিবাহিত হোৱাটো চিত্ৰিত কৰাৰ ক্ষেত্ৰত ইয়াৰ সংবেদনশীলতাক প্ৰশংসা কৰি কুঁৱলীয়া সাগৰীয় দৃশ্য আৰু বৰষুণেৰে তিতি থকা চোতালত নিৰ্মাণ কৰা চলচ্চিত্ৰখনৰ প্ৰেৰণাদায়ক আগমনৰ বৰ্ণনা কৰে।

শ্ৰেষ্ঠ ভাৰতীয় তথ্যচিত্ৰৰ বাবে চিলভাৰ কঞ্চ ৱাইলৈ যায়, যিখন পৰিচালনা কৰে ছাইনাথ এছ উস্কাইকাৰে আৰু প্ৰযোজনা কৰে ভাৰতবালা গণপতিয়ে। জুৰীয়ে ছবিখনক এক ম্লান হৈ পৰা যাযাবৰী সংগীত পৰম্পৰাৰ দৃশ্যগতভাৱে আকৰ্ষণীয় চিত্ৰ আৰু স্মৃতি, উত্তৰাধিকাৰ আৰু সাংস্কৃতিক ধাৰাবাহিকতাৰ সহানুভূতিশীল অন্বেষণৰ বাবে স্বীকৃতি দিয়ে। প্ৰযোজক ভাৰতবালা গণপতিৰ হৈ উচকাইকাৰে জৱাহৰ শৰ্মাৰ সৈতে এই বঁটা গ্ৰহণ কৰে।

আন্তঃৰাষ্ট্ৰীয় প্ৰতিযোগিতাঃ বিশ্ব চলচ্চিত্ৰৰ কেন্দ্ৰীয় পৰ্যায়ত স্থান লাভ

আন্তঃৰাষ্ট্ৰীয় প্ৰতিযোগিতাত মহাদেশসমূহৰ মাজেৰে কলাত্মক আৰু বিষয়গত সীমা অতিক্ৰম কৰা চলচ্চিত্ৰসমূহক সন্মানিত কৰা হয়।

শ্ৰেষ্ঠ এনিমেচন চলচ্চিত্ৰৰ বাবে চিলভাৰ কঞ্চ জাৰ্মানীৰ মায়াৰ চঙলৈ প্ৰদান কৰা হয়, যি ফ্ৰান্জিস্কা স্কোনেনবাৰ্গ আৰু জয়কৃষ্ণন সুব্ৰমনিয়নে পৰিচালনা আৰু প্ৰযোজনা কৰে। জুৰীয়ে ছবিখনক ইয়াৰ কল্পনাশীল আৰু আৱেগিকভাৱে প্ৰতিধ্বনিত কাহিনীৰ বাবে প্ৰশংসা কৰে, যিয়ে সাৰ্বজনীন আবেদনৰ সৈতে পৰিচয়, সম্পৰ্ক আৰু আত্ম-আৱিষ্কাৰৰ এক গভীৰ যাত্ৰা চিত্ৰিত কৰে। চলচ্চিত্ৰ নিৰ্মাতাসকলৰ হৈ মুখ্য এনিমেটাৰ আৰু ষ্টুডিঅ’ৰ প্ৰতিনিধি চানিকা কুলকাৰ্ণীয়ে এই বঁটা লাভ কৰে।

শ্ৰেষ্ঠ আন্তঃৰাষ্ট্ৰীয় চুটি কল্পকাহিনী চলচ্চিত্ৰৰ বাবে চিলভাৰ কঞ্চ ইৰাণৰ চলচ্চিত্ৰ 'আণ্ডাৰ দ্য স্ন' লৈ যায়। চলচ্চিত্ৰখনৰ অন্যতম প্ৰযোজক দীপাংকৰ প্ৰকাশে চলচ্চিত্ৰখনৰ পৰিচালক নাফিছেহ জাৰে আৰু আন এজন প্ৰযোজক কোট্টুকাথিৰা প্ৰকাশৰ হৈ এই বঁটা ঘ্ৰহণ কৰে।

আন্তঃৰাষ্ট্ৰীয় প্ৰতিযোগিতাত শ্ৰেষ্ঠ চুটি কল্পকাহিনী চলচ্চিত্ৰৰ বাবে চিলভাৰ কঞ্চ নাফিছেহ জাৰেৰ দ্বাৰা পৰিচালিত ইৰাণৰ আণ্ডাৰ দ্য স্ন’লৈ যায়। জুৰীয়ে ছবিখনৰ সাহসী আৰু সূক্ষ্ম চিত্ৰণৰ প্ৰশংসা কৰে য'ত এগৰাকী যুৱতীয়ে এক সূক্ষ্ম কিন্তু গভীৰভাৱে প্ৰভাৱিত চলচ্চিত্ৰৰ ভাষাৰ জৰিয়তে ব্যক্তিগত সত্য আৰু সামাজিক সীমাবদ্ধতাৰ বিষয়ে আলোচনা কৰে। প্ৰযোজক দীপাংকৰ প্ৰকাশে পৰিচালক আৰু প্ৰযোজক কোট্টুকাথিৰা প্ৰকাশ আৰু পৌয়া ছাইদীৰ হৈ এই বঁটা গ্ৰহণ কৰে।

সন্ধিয়াটোৰ সামৰণি পৰে এম আই এফ এফ ২০২৬-ৰ উৎকৃষ্ট কাম হিচাপে আত্মপ্ৰকাশ কৰা চলচ্চিত্ৰ চিলভাৰে গ’ল্ডেন কন্চ লাভ কৰে। যিয়ে ইয়াৰ শক্তিশালী মানৱতাবাদী দৃষ্টিভংগী আৰু বিশ্বব্যাপী প্ৰাসংগিকতাৰ বাবে মহোৎসৱৰ সৰ্বোচ্চ স্বীকৃতি অৰ্জন কৰে।

এম আই এফ এফ ২০২৬-ত অন্যান্য সন্মান

কঞ্চ বঁটাৰ উপৰি চলচ্চিত্ৰ নিৰ্মাতা প্ৰদীপ কেনচানুৰুৱে দ্য হাগ অৱ এম্পটিনেছৰ বাবে এফ আই পি আৰ ই এছ চি আই আন্তঃৰাষ্ট্ৰীয় সমালোচক বঁটা লাভ কৰাৰ বিপৰীতে মিলন কুমাৰে দ্য অ'ল্ড বুল ন'জ বা ৱাঞ্চ নিউৰ বাবে শ্ৰেষ্ঠ ষ্টুণ্ডেন্ট চলচ্চিত্ৰৰ বাবে আই ডি পি এ বঁটা লাভ কৰে।

পূজা তোলানীক ৰাজাৰ বাবে শ্ৰেষ্ঠ আত্মপ্ৰকাশ পৰিচালকৰ দাদাচাহেব ফালকে চিত্ৰনগৰী বঁটাৰে সন্মানিত কৰা হয়। দ্য লাষ্ট শ্বেল্টাৰে বিকশিত ভাৰতৰ ওপৰত শ্ৰেষ্ঠ চুটি চলচ্চিত্ৰ/১৫০ বছৰৰ বন্দে মাতৰম/Bharat@2026 ৰ বাবে বিশেষ বঁটা লাভ কৰে আৰু টাইৱানী চলচ্চিত্ৰ নিৰ্মাতা চুৱান-ইং লিয়াওৱে দ্য হোৰ্ডাৰ্ছৰ বাবে আটাইতকৈ উদ্ভাৱনীমূলক/পৰীক্ষামূলক চলচ্চিত্ৰৰ বাবে প্ৰমোদ পতি বিশেষ জুৰী বঁটা লাভ কৰে।

ৰাষ্ট্ৰীয় প্ৰতিযোগিতাৰ কাৰিকৰী শ্ৰেণীত কোভাৰ্টিৰ বাবে বিগাইনা দহালে শ্ৰেষ্ঠ ছাউণ্ড ডিজাইন, মে’ ডেৰ বাবে অখিল কৃষ্ণনে শ্ৰেষ্ঠ সম্পাদনাৰ বঁটা লাভ কৰে আৰু স্মল ক্লাউডছৰ বাবে ৰাণাধিৰ বিশ্বাসে শ্ৰেষ্ঠ চিনেমাটোগ্ৰাফীৰ বঁটা লাভ কৰে।

আন্তঃৰাষ্ট্ৰীয় প্ৰতিযোগিতাৰ কাৰিকৰী বঁটাৰ ভিতৰত অভয় ৰুমডে দেৱ আজ পান ভায়ৰ বাবে শ্ৰেষ্ঠ ছাউণ্ড ডিজাইন, ইভজেনি স্মিৰনভ আৰু মাক্সিম স্মিৰনভে ৰাছিয়াৰ এবাউট দ্য কাউৰ বাবে শ্ৰেষ্ঠ সম্পাদনাৰ বঁটা লাভ কৰে।  কৃশ মাখিজাক টাৰ্টল ৱাকাৰৰ বাবে শ্ৰেষ্ঠ চিনেমেটোগ্ৰাফীৰ বাবে সন্মানিত কৰা হয়।

এই অনুষ্ঠানত মহাৰাষ্ট্ৰৰ ৰাজ্যপাল শ্ৰী জিষ্ণু দেৱ বাৰ্মা, পি আই বি-ৰ প্ৰধান সঞ্চালক প্ৰধান শ্ৰী ধীৰেন্দ্ৰ ওঝা, তথ্য আৰু সম্প্ৰচাৰ মন্ত্ৰালয়ৰ অতিৰিক্ত সচিব শ্ৰী প্ৰভাত, প্ৰসিদ্ধ চলচ্চিত্ৰ নিৰ্মাতা শ্ৰী আশুতোষ গোৱাড়িকাৰ, এন এফ ডি চি-ৰ পৰিচালন সঞ্চালক আৰু মহোৎসৱ সঞ্চালক শ্ৰী প্ৰকাশ মাগদুম আৰু ভাৰত তথা সমগ্ৰ বিশ্বৰ পৰা অহা চলচ্চিত্ৰ সম্প্ৰদায় আৰু চলচ্চিত্ৰ প্ৰেমীসকলে অংশগ্ৰহণ কৰে।

২০২৮চনত এম আই এফ এফ-এ ইয়াৰ পৰৱৰ্তী সংস্কৰণলৈ স্বাক্ষৰ কৰাৰ পূৰ্বে দৰ্শকসকলক এখন চূড়ান্ত চলচ্চিত্ৰৰ অভিজ্ঞতা প্ৰদান কৰি গ’ল্ডেন কনচ বিজয়ী তথ্যচিত্ৰ চিলভাৰৰ প্ৰদৰ্শনৰ সৈতে এই মহোৎসৱৰ সামৰণি পৰে।

* * *

PIB Team MIFF | Mahesh Kumar/Riyas Babu/Darshana Rane/MK