ભારતીય નૌસેનાનું સેઇલ ટ્રેનિંગ શિપ આઈએનએસ સુદર્શિની 26 જૂન 2026ના રોજ, સીમાચિહ્નરૂપ ટ્રાન્સઓશનિક અભિયાન, લોકાયન 26ના ભાગરૂપે, બાલ્ટીમોરના બંદર, મેરીલેન્ડ, યુએસએ ખાતે આવી પહોંચ્યું હતું. નોરફોકથી પસાર થવામાં મુખ્ય મધ્ય-એટલાન્ટિક પુલોની નીચેથી ઐતિહાસિક ચેસાપીક એન્ડ ડેલાવેર (C&D) કેનાલ દ્વારા પરિવહન સામેલ હતું.

આઈએનએસ સુદર્શિનીની બાલ્ટીમોરની મુલાકાત ભારતની સમૃદ્ધ દરિયાઈ વિરાસત અને ભારતીય નૌસેના અને યુનાઇટેડ સ્ટેટ્સ નૌસેના વચ્ચે મિત્રતા અને સહકારના સ્થાયી બંધનો પર પ્રકાશ પાડે છે. તેના રોકાણ દરમિયાન, આ જહાજ યુનાઇટેડ સ્ટેટ્સની 250મી વર્ષગાંઠની ઉજવણી નિમિત્તે સેઇલ 250 મેરીલેન્ડ ઉજવણીઓ પહેલાં દરિયાઇ જોડાણ અને સામુદાયિક આઉટરીચ પ્રવૃત્તિઓ હાથ ધરશે.

બાલ્ટીમોર પહોંચતા પહેલા, સુદર્શિનીએ 19-23 જૂન 2026 દરમિયાન નોરફોક ખાતે સેઇલ 250 વર્જિનિયા ઉજવણીમાં ભાગ લીધો હતો, જેમાં વિશ્વભરના ટૉલ શિપ્સ સાથે જોડાઈને અને પરેડ ઓફ સેઇલ તથા સિટી ક્રૂ પરેડમાં ભારતનું પ્રતિનિધિત્વ કર્યું હતું.

કોચીથી નોરફોક સુધી પાંચ મહિનામાં 13,000 થી વધુ નોટિકલ માઇલની સફર ખેડીને, આ ટ્રાન્સઓશનિક સફર ભારતની દરિયાઈ પરંપરાઓ અને વસુધૈવ કુટુંબકમની ભાવનાના પ્રમાણપત્ર સમાન છે, જે મહાસાગરોમાં મિત્રતા, સહકાર અને પરસ્પર વિશ્વાસને પ્રોત્સાહન આપે છે.

SM/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com