સાંખ્યિકી અને કાર્યક્રમ અમલીકરણ મંત્રાલય (MoSPI) એ બે ફેલોની જોડાણ પ્રક્રિયા માટે ગ્રાસરૂટ્સ રિસર્ચ એન્ડ એડવોકેસી મુવમેન્ટ (GRAAM) સાથે આશયપત્ર (SoI) પર હસ્તાક્ષર કર્યા છે.

આ હસ્તાક્ષર સમારોહમાં MoSPIના ડાયરેક્ટર જનરલ (ડેટા ગવર્નન્સ) શ્રી પી. આર. મેશ્રામની પ્રેરક ઉપસ્થિતિ રહી હતી. GRAAMના એક્ઝિક્યુટિવ ડાયરેક્ટર ડૉ. બાસવરાજુ આર. શ્રેષ્ઠ અને MoSPIના કેપેસિટી ડેવલપમેન્ટ ડિવિઝનના ટ્રેનિંગ યુનિટના ડાયરેક્ટર શ્રી પ્રસૂન વર્માએ SoI પર હસ્તાક્ષર કર્યા હતા.

આ સહયોગાત્મક પહેલ MoSPI અને GRAAM વચ્ચેનું એક વ્યવહારુ, સહયોગાત્મક પ્લેટફોર્મ છે જ્યાં અત્યંત પ્રેરિત, સંશોધન-આધારિત વ્યક્તિઓ મંત્રાલય સાથે મળીને કામ કરે છે. આ કાર્યક્રમ દ્વારા, ફેલો ચાલુ અથવા નવી પહેલોને ટેકો આપશે, સંશોધન દ્વારા નવીન ઉકેલો વિકસાવવામાં યોગદાન આપશે અને ગંભીર વિકાસ, ક્ષમતા નિર્માણ અને શાસન (ગવર્નન્સ) ના પડકારોને સચોટતા અને નવીનતા સાથે ઉકેલવામાં મદદ કરશે. આ પહેલનો હેતુ ફેલોઝની કુશળતા અને ક્ષમતાઓનો ઉપયોગ મંત્રાલયના કાર્યમાં અસરકારક યોગદાન માટે કરવાનો છે, સાથે જ તેમને જાહેર નીતિ અને સુશાસનના ક્ષેત્રમાં પ્રાયોગિક અનુભવ પ્રાપ્ત કરવાની તક પૂરી પાડવાનો છે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com