மேதகு அதிபர் அவர்களே, எனது அருமை நண்பர் அதிபர் மேக்ரான் அவர்களே,

இரு நாடுகளின் பிரதிநிதிகளே,

ஊடக நண்பர்களே,

வணக்கம்!  போஞ்சூர் (Bonjour)!

எனது அருமை நண்பர் அதிபர் மேக்ரான் அவர்களை மும்பைக்கு வரவேற்பதில் நான் மிகுந்த மகிழ்ச்சி அடைகிறேன். கடந்த ஆண்டு, பிரான்சில் நடைபெற்ற 'செயற்கை நுண்ணறிவு  உச்சிமாநாட்டிற்கு' அவர் எனக்கு அழைப்பு விடுத்திருந்தார்.

அப்போது, பிரான்சின் மிகப்பெரிய துறைமுகமும், பிரான்ஸ் மற்றும் ஒட்டுமொத்த ஐரோப்பாவிற்குமான முக்கிய நுழைவாயிலுமான மார்சேய் (Marseille) நகருக்கு நாங்கள் சென்றிருந்தோம். முதலாம் உலகப் போரின் போது, இந்திய வீரர்கள் ஐரோப்பாவில் முதன்முதலில் கால் பதித்த நகரம் மார்சேய் ஆகும். அவர்களின் வீரம் இன்றும் ஐரோப்பாவின் பல பகுதிகளில் நினைவு கூரப்படுகிறது.

விடுதலைப் போராட்ட வீரர் வீர் சாவர்க்கர், பிரிட்டிஷ் சிறையிலிருந்து தப்பிக்க கடலில் குதித்த நகரமும் அதுவே. அந்தச் செயல் இந்தியாவின் சுதந்திரத்திற்கான அவரது அசைக்க முடியாத உறுதியைக் குறிக்கிறது. கடந்த ஆண்டு மார்சேய் நகரில் அவருக்கு அஞ்சலி செலுத்தும் வாய்ப்பு எனக்குக் கிடைத்தது.

இந்த முறை, 'செயற்கை நுண்ணறிவு தாக்க  உச்சிமாநாட்டிற்காக' அதிபர் மேக்ரான் இந்தியா வந்துள்ள நிலையில், இந்தியாவின் நுழைவாயிலான மும்பையில் அவரை வரவேற்பதை நாங்கள் பெருமையாகக் கருதுகிறோம்.

நண்பர்களே,

இந்தியா மற்றும் பிரான்ஸ் இடையே மிகவும் சிறப்பான உறவு நிலவுகிறது. இந்தியாவின் பழமையான உத்திசார் ஒத்துழைப்பு நாடுகளில் பிரான்சும் ஒன்று. அதிபர் மேக்ரான் அவர்களுடன் இணைந்து, இந்த உறவில் முன்னோடியில்லாத ஆழத்தையும் ஆற்றலையும் நாங்கள் புகுத்தியுள்ளோம். இந்த நம்பிக்கை மற்றும் பகிரப்பட்ட தொலைநோக்குப் பார்வையின் அடிப்படையில், இன்று எங்களது உறவை 'சிறப்பு உலகளாவிய உத்திசார் கூட்டு செயல்பாடு'  என்ற நிலைக்கு உயர்த்துகிறோம்.

இந்தக் கூட்டாண்மை வெறும் உத்தி ரீதியானது மட்டுமல்ல. இன்றைய கொந்தளிப்பான காலக்கட்டத்தில், இது உலகளாவிய ஸ்திரத்தன்மை மற்றும் உலகளாவிய முன்னேற்றத்திற்கான ஒரு கூட்டாண்மை ஆகும்.

நண்பர்களே,

இன்று இந்தியாவில் ஹெலிகாப்டர் உதிரிபாகங்களை பொருத்தும் நிறுவனம்  தொடங்கப்பட்டிருப்பது, இந்த ஆழமான நம்பிக்கைக்கு மற்றொரு சிறந்த எடுத்துக்காட்டாகும். எவரெஸ்ட் சிகரத்தின் உயரத்திற்கு பறக்கும் திறன் கொண்ட உலகின் ஒரே ஹெலிகாப்டரை இந்தியாவும் பிரான்சும் இணைந்து தயாரித்து, அதை உலக நாடுகளுக்கு ஏற்றுமதி செய்யும் என்பதில் நாங்கள் பெருமிதம் கொள்கிறோம்.

உண்மையில், இந்திய-பிரான்ஸ் கூட்டாண்மைக்கு எல்லைகளே கிடையாது. இது ஆழ்கடல் முதல் உயர்ந்த மலைச்சிகரங்கள் வரை எட்டக்கூடிய வலிமை கொண்டது.

நண்பர்களே,

2026-ம் ஆண்டு இந்தியா-ஐரோப்பா உறவுகளில் ஒரு திருப்புமுனையாக அமையும். சில நாட்களுக்கு முன்புதான், ஐரோப்பிய ஒன்றியத்துடன் இந்திய வரலாற்றிலேயே மிகப்பெரிய மற்றும் மிகவும் லட்சியமான தடையற்ற வர்த்தக ஒப்பந்தத்தில் நாம் கையெழுத்திட்டுள்ளோம். இந்த ஒப்பந்தம் இந்தியா-பிரான்ஸ் உறவுகளுக்கு முன்னோடியில்லாத வேகத்தைக் கொண்டு வரும்.

பரஸ்பர முதலீட்டை ஊக்குவிப்பதற்காக, நமது மக்களுக்கும் நிறுவனங்களுக்கும் இரட்டை வரி விதிப்பைத் தவிர்ப்பதற்கான ஒப்பந்தத்தில் இன்று நாம் கையெழுத்திடுகிறோம். இந்த முன்முயற்சிகள் வர்த்தகம், முதலீடு மற்றும் இடப்பெயர்வு ஆகியவற்றை ஊக்குவித்து, பகிரப்பட்ட செழிப்பிற்கான ஒரு வரைபடத்தை உருவாக்கும்.

நண்பர்களே,

இந்தியா-பிரான்ஸ் 'புத்தாக்க ஆண்டு'  தொடங்குவதன் மூலம், நமது உத்திசார் கூட்டாண்மையை மக்களின் கூட்டாண்மையாக மாற்றுகிறோம். புத்தாக்கம் என்பது தனிமையில் நடப்பதல்ல; அது ஒத்துழைப்பின் மூலம் செழிக்கும்.

இந்த புத்தாக்க ஆண்டில் எங்களது குறிக்கோள், மக்களுக்கிடையேயான தொடர்புகளை வலுப்படுத்துவதாகும். பாதுகாப்பு, தூய்மையான எரிசக்தி, விண்வெளி அல்லது வளர்ந்து வரும் தொழில்நுட்பங்கள் என எதுவாக இருந்தாலும், நமது தொழில்துறைகளையும் கண்டுபிடிப்பாளர்களையும் நாம் இணைப்போம். புத்தொழில் நிறுவனங்கள்  மற்றும் குறு, சிறு மற்றும் நடுத்தர தொழில் நிறுவனங்களுக்கு இடையே வலுவான பிணையங்களை உருவாக்குவோம், மாணவர்கள் மற்றும் ஆராய்ச்சியாளர்களிடையே பரிமாற்றங்களை எளிதாக்குவோம் மற்றும் புதிய கூட்டு புத்தாக்க மையங்களை நிறுவுவோம்.

நண்பர்களே,

இன்று நாம் முக்கியமான கனிமங்கள், உயிரி தொழில்நுட்பம் மற்றும் மேம்பட்ட பொருட்கள் ஆகியவற்றிலும் ஒத்துழைப்பை மேம்படுத்தி வருகிறோம். 'சுகாதாரத்திற்கான இந்திய-பிரான்ஸ் ஏஐ மையம்', 'டிஜிட்டல் அறிவியல் மற்றும் தொழில்நுட்பத்திற்கான இந்திய-பிரான்ஸ் மையம்' மற்றும் 'ஏரோநாட்டிக்ஸ் திறன் மேம்பாட்டிற்கான தேசிய சிறப்பு மையம்' ஆகியவற்றைத் தொடங்குகிறோம். இவை வெறும் நிறுவனங்கள் மட்டுமல்ல - வருங்காலத்தை உருவாக்குவதற்கான தளங்கள்.

நண்பர்களே,

உலகம் ஒரு நிச்சயமற்ற காலத்தைக் கடந்து கொண்டிருக்கிறது. இத்தகைய நேரங்களில், இந்தியா-பிரான்ஸ் கூட்டாண்மை உலகளாவிய ஸ்திரத்தன்மைக்கான ஒரு சக்தியாக உள்ளது. பிரான்சின் நிபுணத்துவத்தை இந்தியாவின் அளவோடு  நாம் இணைக்கிறோம். நம்பகமான தொழில்நுட்பங்களை உருவாக்கி வருகிறோம். சர்வதேச சூரியசக்தி கூட்டணி, இந்தியா-மத்திய கிழக்கு-ஐரோப்பா பொருளாதார வழித்தடம்  மற்றும் கூட்டு மேம்பாட்டுத் திட்டங்கள் மூலம் மனித மேம்பாட்டை உறுதி செய்து வருகிறோம். பன்முகத்தன்மை, பேச்சுவார்த்தை மற்றும் இராஜதந்திரம் மூலம், ஸ்திரத்தன்மை மற்றும் செழிப்பிற்கான முயற்சிகளை நாங்கள் தொடர்ந்து வலுப்படுத்துவோம்.

நண்பர்களே,

நண்பர்களே,

2026-ம் ஆண்டு இந்தியா-ஐரோப்பா உறவுகளில் ஒரு திருப்புமுனையாக அமையும். சில நாட்களுக்கு முன்புதான், ஐரோப்பிய ஒன்றியத்துடன் இந்திய வரலாற்றிலேயே மிகப்பெரிய மற்றும் மிகவும் லட்சியமான தடையற்ற வர்த்தக ஒப்பந்தத்தில் நாம் கையெழுத்திட்டுள்ளோம். இந்த ஒப்பந்தம் இந்தியா-பிரான்ஸ் உறவுகளுக்கு முன்னோடியில்லாத வேகத்தைக் கொண்டு வரும்.

பரஸ்பர முதலீட்டை ஊக்குவிப்பதற்காக, நமது மக்களுக்கும் நிறுவனங்களுக்கும் இரட்டை வரி விதிப்பைத் தவிர்ப்பதற்கான ஒப்பந்தத்தில் இன்று நாம் கையெழுத்திடுகிறோம். இந்த முன்முயற்சிகள் வர்த்தகம், முதலீடு மற்றும் இடப்பெயர்வு ஆகியவற்றை ஊக்குவித்து, பகிரப்பட்ட செழிப்பிற்கான ஒரு வரைபடத்தை உருவாக்கும்.

நண்பர்களே,

இந்தியா-பிரான்ஸ் 'புத்தாக்க ஆண்டு'  தொடங்குவதன் மூலம், நமது உத்திசார் கூட்டாண்மையை மக்களின் கூட்டாண்மையாக மாற்றுகிறோம். புத்தாக்கம் என்பது தனிமையில் நடப்பதல்ல; அது ஒத்துழைப்பின் மூலம் செழிக்கும்.

இந்த புத்தாக்க ஆண்டில் எங்களது குறிக்கோள், மக்களுக்கிடையேயான தொடர்புகளை வலுப்படுத்துவதாகும். பாதுகாப்பு, தூய்மையான எரிசக்தி, விண்வெளி அல்லது வளர்ந்து வரும் தொழில்நுட்பங்கள் என எதுவாக இருந்தாலும், நமது தொழில்துறைகளையும் கண்டுபிடிப்பாளர்களையும் நாம் இணைப்போம். புத்தொழில் நிறுவனங்கள் மற்றும் குறு, சிறு மற்றும் நடுத்தர தொழில் நிறுவனங்களுக்கு  இடையே வலுவான பிணையங்களை உருவாக்குவோம், மாணவர்கள் மற்றும் ஆராய்ச்சியாளர்களிடையே பரிமாற்றங்களை எளிதாக்குவோம் மற்றும் புதிய கூட்டு புத்தாக்க மையங்களை நிறுவுவோம்.

நண்பர்களே,

இன்று நாம் முக்கியமான கனிமங்கள், உயிரி தொழில்நுட்பம் மற்றும் மேம்பட்ட பொருட்கள் ஆகியவற்றிலும் ஒத்துழைப்பை மேம்படுத்தி வருகிறோம். 'சுகாதாரத்திற்கான இந்திய-பிரான்ஸ் ஏஐ மையம்', 'டிஜிட்டல் அறிவியல் மற்றும் தொழில்நுட்பத்திற்கான இந்திய-பிரான்ஸ் மையம்' மற்றும் 'ஏரோநாட்டிக்ஸ் திறன் மேம்பாட்டிற்கான தேசிய சிறப்பு மையம்' ஆகியவற்றைத் தொடங்குகிறோம். இவை வெறும் நிறுவனங்கள் மட்டுமல்ல - வருங்காலத்தை உருவாக்குவதற்கான தளங்கள்.

நண்பர்களே,

உலகம் ஒரு நிச்சயமற்ற காலத்தைக் கடந்து கொண்டிருக்கிறது. இத்தகைய நேரங்களில், இந்தியா-பிரான்ஸ் கூட்டாண்மை உலகளாவிய ஸ்திரத்தன்மைக்கான ஒரு சக்தியாக உள்ளது. பிரான்சின் நிபுணத்துவத்தை இந்தியாவின் அளவோடு நாம் இணைக்கிறோம். நம்பகமான தொழில்நுட்பங்களை உருவாக்கி வருகிறோம். சர்வதேச சூரியசக்தி கூட்டணி, இந்தியா-மத்திய கிழக்கு-ஐரோப்பா பொருளாதார வழித்தடம்  மற்றும் கூட்டு மேம்பாட்டுத் திட்டங்கள் மூலம் மனித மேம்பாட்டை உறுதி செய்து வருகிறோம். பன்முகத்தன்மை, பேச்சுவார்த்தை மற்றும் இராஜதந்திரம் மூலம், ஸ்திரத்தன்மை மற்றும் செழிப்பிற்கான முயற்சிகளை நாங்கள் தொடர்ந்து வலுப்படுத்துவோம்.

நண்பர்களே,

இந்தியா மற்றும் பிரான்ஸ் ஆகிய இரு நாடுகளுமே ஜனநாயக விழுமியங்கள், சட்டத்தின் ஆட்சி மற்றும் பன்முனை உலகம் ஆகியவற்றில் நம்பிக்கை கொண்டுள்ளன. உலகளாவிய சவால்களை எதிர்கொள்ள சர்வதேச நிறுவனங்களைச் சீர்திருத்துவது அவசியம் என்பதில் நாங்கள் உறுதியாக இருக்கிறோம்.

உக்ரைன், மேற்கு ஆசியா அல்லது இந்தோ-பசிபிக் என எதுவாக இருந்தாலும், அமைதிக்கான அனைத்து முயற்சிகளையும் நாங்கள் ஆதரிப்போம். பயங்கரவாதத்தை அதன் அனைத்து வடிவங்களிலும் வெளிப்பாடுகளிலும் ஒழிப்பது நமது பகிரப்பட்ட உறுதிப்பாடாகத் தொடர்கிறது.

நண்பர்களே,

இந்தியா மற்றும் பிரான்ஸ் ஆகிய இரண்டுமே பழமையான மற்றும் செழுமையான நாகரிகங்கள். கலாச்சார மற்றும் மக்களுக்கிடையேயான உறவுகளுக்கு நாங்கள் அதிக முக்கியத்துவம் அளிக்கிறோம். 'யுகே யுகீன் பாரத்' (Yuge Yugin Bharat) அருங்காட்சியகத்தில் இணைந்து பணியாற்றியதில் நாங்கள் மகிழ்ச்சியடைகிறோம். இப்போது, லோத்தலில் உள்ள 'தேசிய கடல்சார் பாரம்பரிய வளாகத்திலும்'  நாம் பிரான்சுடன் இணைந்து பணியாற்றுவோம்.

இந்தியக் கலாச்சாரத்தை பிரான்ஸ் மக்களுக்கு நெருக்கமாகக் கொண்டு செல்லும் வகையில், விரைவில் பிரான்சில் 'சுவாமி விவேகானந்தர் கலாச்சார மையத்தை' திறப்போம்.

மேதகு அதிபர் அவர்களே,

இந்தியா-பிரான்ஸ் கூட்டாண்மையில் உங்களது ஆழ்ந்த அர்ப்பணிப்பு எப்போதும் வெளிப்படையாகத் தெரிகிறது. இன்று நமது உறவுகளில் ஒரு புதிய அத்தியாயத்தை நாம் இணைந்து தொடங்கி வைப்பதில் நான் குறிப்பாக மகிழ்ச்சி அடைகிறேன்.

உலகளாவிய ஸ்திரத்தன்மை மற்றும் செழிப்பிற்காக நாம் இணைந்து செயல்படுவோம்.

மிக்க நன்றி.

மெர்சி போகு (Merci beaucoup).

-----

(Release ID 2229249)

AD/VK/KR