قانون اور انصاف کے مرکزی وزیر مملکت (آزادانہ چارج) جناب ارجن رام میگھوال نے  مرکزی سیکٹر  کی اسکیم  ’   انصاف تک  ہمہ گیر رسائی کے لیے اختراعی حل  کی تیاری  ( ڈی آئی ایس ایچ اے – دیشا ) ‘   کو یکم اپریل  ، 2026 ء سے 31 مارچ  ، 2031  ء تک پانچ سال کی مدت کے لیے  دیشا   2.0 کے طور پر دوبارہ تشکیل دینے کی منظوری دے دی ہے ۔ اس اسکیم کے لیے    کل 255  کروڑ روپے    کے اخراجات منظور  کئے گئے ہیں  ۔   اس کے لیے  حکومت ہند کی  جانب سے 100  فی صد  مجموعی بجٹ امداد کے  طور پر   مکمل فنڈ  فراہم کیا جائے گا ۔ قانون اور انصاف کی وزارت کے محکمہ انصاف کے سکریٹری جناب نیرج ورما کی صدارت میں مالیاتی قائمہ کمیٹی کے اجلاس میں  مرکزی سیکٹر  کی اسکیم دیشا 2.0 کی   تجویز پیش کی گئی اور  بعد میں اس کے لیے سفارش کی گئی ۔

دیشا 2.0 (31-2026 ء  ) ایک نئے جزو ، یعنی ودھی (تال میل پر مبنی  قانونی  اقدامات کی مربوط فراہمی کے ویژن) سنجیونی کے ساتھ شروع کی گئی ایک بصیرت افروز اور دوبارہ تشکیل شدہ اسکیم ہے ۔ دیشا  2.0 کا مقصد  ، بھارت کے آئین کی تمہید اور آرٹیکل 14 ، 21 اور 39 اے کے تحت  بھارت کے لوگوں کو ’’ انصاف تک رسائی ‘‘  کے آئینی  تقاضوں کو پورا کرنا ہے اور امن ، انصاف اور مستحکم اداروں پر اقوام متحدہ کے پائیدار ترقیاتی ہدف  16 (ایس ڈی جی-16) کے نفاذ کی حمایت کرتا ہے ۔ موجودہ دیشا اسکیم کے تین اجزاء کی بنیاد پر ، دیشا 2.0 نے  مرکزی ڈیجیٹل پلیٹ فارم کے ساتھ ایک نیا جزو ودھی-سنجیونی اور ٹیکنالوجی  پر مبنی انصاف کی فراہمی کے لیے اے آئی سے چلنے والا نیا سیتو چیٹ بوٹ متعارف کرایا ہے ۔ دیشا 2.0 مندرجہ ذیل چار اجزاء پر مشتمل ہے اور اسے تمام ریاستوں اور مرکز کے زیر انتظام علاقوں میں  ملک گیر سطح پر نافذ کیا جائے گا  :

1. ٹیلی لاء (رسائی سے محروم افراد تک پہنچنا)  : گرام پنچایت کی سطح پر گاؤں کی سطح کے کاروباریوں (وی ایل ای) کے ذریعے چلائے جانے والے 2,50,000  مشترکہ خدمات مراکز (سی ایس سی) کے نیٹ ورک کے ذریعے تمام افراد کو  مقدمے سے پہلے مفت قانونی مشورہ ، جس میں 36 ریاستوں/مرکز کے زیر انتظام علاقوں کے 784 اضلاع شامل ہیں ، جن میں 112 امنگوں والے اضلاع اور 500 امنگوں والے بلاک  بھی شامل ہیں ۔ نیائے سنہیتا  ، امنگوں والے بلاکس میں لوگوں کے گھر پر  جاکر قانونی مدد فراہم کرتے رہیں گے ۔ پروگرام کو مصنوعی ذہانت کے انضمام ، کثیر لسانی رسائی اور ڈیجیٹل پلیٹ فارم کی اپ گریڈیشن کے ذریعے مزید مستحکم کیا جائے گا ۔
2. نیا ئے بندھو ( رضا کارانہ طور پر قانونی خدمات) پروگرام: یہ پروگرام لیگل سروسز اتھارٹیز ایکٹ ، 1987 کی دفعہ 12 کے تحت مفت قانونی امداد کے اہل افراد کو مفت قانونی مدد اور عدالتی نمائندگی فراہم کرکے وکلاء اور قانون کے طلباء میں  رضا کارانہ کام کرنے کے کلچر کو فروغ دے گا ۔  مفت قانونی خدمات فراہم کرنے والے وکلاء کی شمولیت ، پرو بونو کلب (پی بی سی) اسکیم کے تحت لاء کالجوں کی آن بورڈنگ اور ڈیجیٹل آؤٹ ریچ کے ذریعے اس پروگرام کو وسعت دی جائے گی ۔
3. قانونی خواندگی اور قانونی بیداری پروگرام (ایل ایل ایل اے پی)  : وزارتوں ، محکموں ،  سرکاری سیکٹر کی کمپنیوں (پی ایس یوز) ، سول سوسائٹی آرگنائزیشنز (سی ایس اوز)  ، لاء یونیورسٹیوں  اور میڈیا پارٹنرز کے ساتھ شراکت داری کے ذریعے قانونی بیداری اور خواندگی کو فروغ دیتا ہے ۔ سرکاری ، نجی اور سی ایس او شعبوں کی عمل درآمد کرنے والی ایجنسیوں کو آن لائن اور آف لائن آؤٹ ریچ مہموں کے لیے ایم او اے/ایم او یو کے ذریعے شامل کیا جائے گا ۔
4. وِدھی سنجیونی:  شروع سے آخر تک پروگرام کی نگرانی اور ڈیٹا پر مبنی فیصلہ سازی کے لیے چوتھے جزو کے طور پر متعارف کرائے گئے اس مرکزی ڈیجیٹل پلیٹ فارم    میں ایک مربوط  ڈیش بورڈ پیش کیا جائے گا  ، جو چاروں اجزاء سے  بر وقت ڈیٹا اسٹریمز کو مستحکم کرے گا ؛ قانونی استفسار کے حل اور ڈیٹا تجزیات اور رپورٹنگ کے لیے اے آئی سے چلنے والے کثیر لسانی نیایا سیتو چیٹ بوٹ (بھاشنی کے ساتھ تیار کردہ) کا انضمام  کیا جائے گا ۔

دیشا 2.0  پائیدار ترقیاتی ہدف ( ایس ڈی جی ) -16 اور وکست بھارت  کے ویژن 2047 کے تئیں بھارت کے عزم کو براہ راست  فروغ دیتا ہے ۔ یہ  وزیرِ اعظم کے ویژن کے مطابق ہے ، جسے 8 نومبر  ، 2025 ء کو  ’  قانونی امداد کی فراہمی کے  طریقہ ٔکار کو  مستحکم کرنے ‘ کے موضوع پر  ، قومی کانفرنس میں بیان کیا گیا تھا  کہ  ’’  کاروبار کرنے میں آسانی ‘‘  اور  ’’  زندگی گزارنے میں آسانی ‘‘    کا عمل  ’’  انصاف میں آسانی ‘‘  کے بغیر نامکمل رہے گا ۔  دیشا 2.0 اس بات کو یقینی بنانے کے لئے حکومت ہند کے مستقل عزم کی تصدیق کرتا ہے کہ کسی بھی شہری کو معاشی یا دیگر معذوریوں کی وجہ سے انصاف تک رسائی سے محروم نہ رکھا جائے ، جیسا کہ  بھارت کے آئین کے آرٹیکل 39 اے کے تحت درج ہے ۔  دیشا  2.0 کا مقصد  ، پروگرام کے چاروں اجزاء میں 3.00 کروڑ مستفیدین تک رسائی حاصل کرنا ہے ۔

سابقہ  دیشا  اسکیم (26-2021  )   کو ،   250 کروڑ روپے کی لاگت سے ، پورے  بھارت  میں  ، محکمہ انصاف  کی جانب سے نافذ کیا گیا تھا ۔  31 مئی  ، 2026 ء تک ، دیشا اسکیم نے  2.37 کروڑ سے زیادہ مستفیدین تک رسائی حاصل کی ہے ، جس میں ٹیلی لاء کے تحت 1.13 کروڑ سے زیادہ   مقدمات  سے پہلے کے قانونی مشورے ، نیائے  بندھو کے تحت 31 ریاستوں/مرکز کے زیر انتظام علاقوں میں 10,681 رجسٹرڈ   رضاکارانہ طور پر قانونی خدمات فراہم کرنے والے وکلاء اور  109 پرو بونو کلب قائم کیے گئے ہیں  اور ایل ایل ایل اے پی کے تحت 1.24 کروڑ سے زیادہ مستفیدین تک رسائی حاصل کی گئی ہے ۔

**********

) ش ح – م ع        -  ع ا )

U.No. 9027