રાષ્ટ્રીય ધોરીમાર્ગો (National Highways) અને એક્સપ્રેસ-વે પર મુસાફરીની સરળતા વધારવા અને સુવિધાઓની ઉપલબ્ધતાને મજબૂત કરવા માટે, નેશનલ હાઈવેઝ ઓથોરિટી ઓફ ઈન્ડિયા (NHAI) ની સંપૂર્ણ માલિકીની કંપની નેશનલ હાઈવેઝ લોજિસ્ટિક્સ મેનેજમેન્ટ લિમિટેડ (NHLML) એ તેની ફિલ્ડ ઓફિસોને વેસાઇડ એમિનિટીઝ (WSAs) ના ભાડે રાખનારાઓને વહેલામાં વહેલી તકે વાહન રિપેરિંગ શોપ્સ અને પંચર રિપેરિંગ સુવિધાઓની સ્થાપનાને પ્રાથમિકતા આપવાની સલાહ આપવા નિર્દેશ આપ્યો છે. આ પહેલનો ઉદ્દેશ્ય રાષ્ટ્રીય ધોરીમાર્ગો પર મુસાફરીના એકંદર અનુભવને સુધારવાનો, વાહનોનો બંધ રહેવાનો સમય ઘટાડવાનો, માર્ગ સલામતી વધારવાનો અને રાષ્ટ્રીય ધોરીમાર્ગ કોરિડોર પર મુસાફરી કરતા સામાન્ય મુસાફરો તેમજ માલવાહક ઓપરેટરોને તાત્કાલિક સહાય સુનિશ્ચિત કરવાનો છે.

એવું નોંધવામાં આવ્યું છે કે અનેક રાષ્ટ્રીય ધોરીમાર્ગો અને એક્સપ્રેસ-વે પર વધુ સંખ્યામાં વાહન અને પંચર રિપેરિંગ સેવાઓની જરૂરિયાત છે, જે હાઇ-વે વપરાશકર્તાઓને વાહન બગડવાના (બ્રેકડાઉન) સમયે અને કટોકટી દરમિયાન સમયસર મિકેનિકલ સહાય મેળવવામાં સક્ષમ બનાવશે, જેનાથી અસુવિધા, વિલંબ અને સંભવિત સુરક્ષા ચિંતાઓથી બચી શકાશે.

NHLML પબ્લિક-પ્રાઇવેટ પાર્ટનરશિપ (PPP) મોડલ હેઠળ લાંબા ગાળાની લીઝના ધોરણે આધુનિક વે-સાઇડ એમિનિટીઝ (WSA) નું નેટવર્ક વિકસાવી રહ્યું છે. કન્સેશનર્સ અને લીઝધારકો સાથે કરવામાં આવેલા હાલના લીઝ કરારો હેઠળ, દરેક WSA માટે નિર્ધારિત કરાયેલી ફરજિયાત સુવિધાઓ ઉપરાંત માન્યતા પ્રાપ્ત સુવિધાઓની શ્રેણી વિકસાવી શકાય છે. કરારના માળખા હેઠળ વાહન રિપેરિંગ શોપ્સ અને પંચર રિપેરિંગ સુવિધાઓ મંજૂર કરાયેલી પરવાનગી પાત્ર સુવિધાઓમાં સામેલ છે.

આ WSAs ને સંકલિત સર્વિસ હબ તરીકે કલ્પના કરવામાં આવી છે જે રાષ્ટ્રીય ધોરીમાર્ગો અને એક્સપ્રેસવે પર મુસાફરો અને વ્યાવસાયિક વાહન ઓપરેટરોને આવશ્યક સુવિધાઓ પ્રદાન કરે છે. આવી સુવિધાઓનો વિકાસ વિશ્વસ્તરીય રાષ્ટ્રીય ધોરીમાર્ગ ઈન્ફ્રાસ્ટ્રક્ચર બનાવવા અને રાષ્ટ્રીય ધોરીમાર્ગ વપરાશકર્તાઓને અવિરત ગતિશીલતા સેવાઓ પહોંચાડવાના વ્યાપક ઉદ્દેશ્યને પૂરક બનાવશે.

આ પહેલ દેશભરના મુસાફરો અને લોજિસ્ટિક્સ ઓપરેટરોની બદલાતી જરૂરિયાતોને પૂરી કરવાની સાથે, આર્થિક વૃદ્ધિને ટેકો આપતા સુરક્ષિત અને વપરાશકર્તા-કેન્દ્રીત રાષ્ટ્રીય ધોરીમાર્ગ કોરિડોર વિકસાવવા માટેની NHAI ની પ્રતિબદ્ધતાને રેખાંકિત કરે છે.

SM/BS/JD