جسمانی فٹنس، ذہنی مضبوطی اور اندرونی توازن ہر ایئر واریئر کی بنیادی خصوصیات ہیں۔ انہی اقدار کو برقرار رکھتے ہوئے، بھارتی فضائیہ 21 جون 2026 کو بین الاقوامی یوم یوگ منانے کی تیاری کر رہی ہے، جس میں مشترکہ یوگ پروٹوکول کا انعقاد کیا جائے گا۔ اس سے اس کی فٹنس، مضبوطی اور جامع فلاح و بہبود کے عزم کی تجدید ہوگی۔

بھارتی فضائیہ ملک بھر میں یوگ سرگرمیوں کا انعقاد کر کے بین الاقوامی یوم یوگ منائے گی، جو مختلف خطوں اور علاقوں پر محیط ہوگا—شمال میں بلند پہاڑی علاقے لیہہ سے لے کر جنوب میں کار نیکوبار کے ساحلوں تک، اور مشرق میں توانگ کی سرحدوں سے لے کر مغرب میں مقدس شہر دوارکا تک۔ ایئر وارئیرز اور ان کے اہلِ خانہ کے علاوہ اسکول کے طلبہ اور این سی سی کیڈٹس بھی ملک بھر میں مختلف فضائیہ اسٹیشنوں پر منعقد ہونے والے یوگا پروگراموں میں حصہ لیں گے، جو بھارتی فضائیہ کے صحت، فلاح و بہبود اور یوگا کی لازوال اقدار کو فروغ دینے کے عزم کی عکاسی کرتا ہے۔

اس سال بین الاقوامی یوم یوگ کا موضوع ‘‘صحت مند بڑھاپے کے لیے یوگ’’ ہے، جو زندگی کے ہر مرحلے میں جسمانی توانائی، ذہنی مضبوطی اور جامع فلاح و بہبود کو فروغ دینے میں یوگ کے کردار کو اجاگر کرتا ہے۔ یوگ افراد کو زیادہ صحت مند اور متوازن زندگی گزارنے کی ترغیب دیتا ہے جبکہ اندرونی طاقت اور ذہنی بیداری کو بھی فروغ دیتا ہے۔

جیسے جیسے قوم اس عالمی جشن کی تیاری کر رہی ہے، بھارتی فضائیہ دنیا بھر میں لاکھوں لوگوں کے ساتھ شامل ہو کر یوگ کی تبدیلی لانے والی طاقت کے ذریعے ایک صحت مند مستقبل کے فروغ کی امید رکھتی ہے۔

جسم میں مضبوط، ذہن میں پرسکون، روح میں متحد

***

ش ح۔ ش ت ۔م الف

U. No. 8888