প্রধানমন্ত্রীগী লোইশঙ
প্রধান মন্ত্রীনা জি.৭ সমিৎকী নাকলদা য়ুনাইতেদ আরব ইমিরেৎকী রাস্ত্রপতিগা উনখ্রে
प्रविष्टि तिथि:
17 JUN 2026 12:38AM by PIB Imphal
প্রধান মন্ত্রী শ্রী নরেন্দ্র মোদীনা ঙসি ফ্রান্সকী ইভিয়নদা পাংথোকপা জি ৭ সমিৎকী নাকলদা য়ুনাইতেদ আরব ইমিরেৎকী রাস্ত্রপতি, হিস হাইনেস শৈখ মোহমদ বিন জায়েদ অল নাহিয়ানগা উনখ্রে। মসিনা ২০২৬তা লুচিংবা অনিগী মরক্তা ফমখিবা অহুমশুবা মীফমনি। মসিনা ভারত-য়ু.এ.ই.গী ওইবা কমপ্রিহেনশিপ স্ত্রেতেজিক পার্তনরশিপকী মশক অদু তাক্লি।
লুচিংবা অনিনা ২০২৬গী জনুৱারীদা রাস্ত্রপতি হিস হাইনেস শেখ মোহমদ বিন জায়েদ অল নাহয়ানগী ভারত খোংচৎ অমসুং ২০২৬গী মেদা প্রধান মন্ত্রী শ্রী নরেন্দ্র মোদীগী য়ু.এ.ই.দা চাখিবা খোংচৎকী মতুংদা লাকখিবা তেক্নোলোজী, ললোন-ইতিক, ইনভেস্তমেন্ত, ইনর্জী অমসুং দিফেন্সকী লমশিং য়াওনা লুচিংবা অনিনা ম্যুচেল ইন্তরেস্তকী রিজনেল অমসুং গ্লোবেল দিবেলপমেন্তশিংগী মতাংদসু ৱাখল্লোনশিং ফোংদোক্নখি।
প্রধান মন্ত্রীনা ৱেস্ত এসিয়া লমদমদা অচেৎপা শান্তি, সেক্যুরিতী অমসুং স্তেবিলিতী ফগৎহন্নবগীদমক দাইলোগ, দিপ্লোমেসী, অমসুং ইন্তর্নেস্নেল লো, সোভরিনিতী অমসুং তেরিতোরিয়েল ইন্তিগ্রিতিগী ইকাই খুম্নবগী মরুওইবা অদু ফোংদোকখি। নাকল অনিমক্না হোর্মুজ স্ত্রেতকী থোংদা নীংতম্না, সেফ ওইনা, অমসুং অথিংবা লৈতনা নেভিগেসন, ললোন-ইতিক অমসুং কম্মর্স চৎথনবা হায়খি।
প্রধান মন্ত্রীনা রাস্ত্রপতি শেখ মোহমদ বিন জায়েদ অল নাহিয়ানবু চহি অসিগী অথেঙবা শরুক অসিদা ভারত্তা পাংথোক্কদৌরিবা ব্রিক্স সমিৎতা শরুক য়ানবা কৌখি।
***
(रिलीज़ आईडी: 2273826)
आगंतुक पटल : 4