સોનાની સંગઠિત દાણચોરી (સ્મગલિંગ) સામે એક મોટી કાર્યવાહીમાં, ડિરેક્ટોરેટ ઓફ રેવન્યુ ઇન્ટેલિજન્સ (DRI) એ કોલકાતા અને અગરતલામાં સંકલિત ઓપરેશન્સ હાથ ધર્યા હતા, અને સંચિત રીતે આશરે રૂ. 25 કરોડ (આશરે) ની કિંમતનું 17 કિલોગ્રામ વિદેશી મૂળનું સોનું જપ્ત કર્યું છે તથા આ કેસના સંબંધમાં 10 વ્યક્તિઓની ધરપકડ કરી છે.

કોલકાતામાં 12.06.26 ના રોજ, ડીઆરઆઈએ એક સ્મગલિંગ સિન્ડિકેટનો પર્દાફાશ કર્યો હતો જ્યારે તેઓ કોલકાતા એરપોર્ટ દ્વારા થાઇલેન્ડથી 11.6 કિલોગ્રામ સોનાની દાણચોરી કરવાનો પ્રયાસ કરી રહ્યા હતા. આ કેસમાં એક મહિલા સહિત સાત વ્યક્તિઓની ધરપકડ કરવામાં આવી છે. જપ્ત કરાયેલા સોનાની અંદાજિત કિંમત આશરે રૂ. 17 કરોડ છે.

તે જ દિવસે અગરતલામાં, ડીઆરઆઈએ ભારત-બાંગ્લાદેશ સરહદના ત્રિપુરા સેક્ટર દ્વારા દાણચોરી કરાયેલું આશરે 5.1 કિલોગ્રામ વિદેશી મૂળનું સોનું જપ્ત કર્યું હતું, જેની કિંમત અંદાજે રૂ. 8 કરોડ (આશરે) છે. આ કેસના સંબંધમાં 3 વ્યક્તિઓની ધરપકડ કરવામાં આવી હતી. આ ઓપરેશન રેલવે પ્રોટેક્શન ફોર્સ (RPF) ના સંકલન સાથે હાથ ધરવામાં આવ્યું હતું.

SM/JD

(रिलीज़ आईडी: 2272579) आगंतुक पटल : 12