প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কমিতী ওন ইকোনোমিক এফিয়র্সনা ঙসি আন্ধ্র প্রদেশকী অমরাবতীগী ন্যু কেপিতেল সিতীদা সেন্ত্রেল গবর্নমেন্ত জেনরেল পুল ওফিস একোমোদেসন (CGGPOA) শাবগী অয়াবা পীখ্রে।

প্রোজেক্ত অসি অমরাবতীগী অনৌবা গ্রীনফিল্দ শহর অসিদা মরুওইবা খোংথাং অমা ওইরি। মসি মালেমগী থাক্তা লৈবা অর্বান সেন্তর অমা ওইহন্নবা পান্দম থম্লি। প্রোপোজেল অসিগী পান্দমদি তোঙান তোঙানবা সেন্ত্রেল গবর্নমেন্ত ওফিসশিংগী ওফিস ক্বালিফিকেসনগীদমক্তা হেনগৎলক্লিবা দিমান্দ অসি য়ুম অমগী মখাদা য়ুম্লগা থেংনবনি। মসিগী কনসোলিদেসন অসিনা ইন্তর-দিপার্তমেন্তেল কোওর্দিনেসন হেঙ্গৎহল্লগনি অমসুং সেন্তর গবর্নমেন্তনা আন্ধ্র প্রদেশ রাজ্যদা পীরিবা সর্ভিসশিংগী ইফিসিএন্সী অমসুং ইফেক্তিবিতী হেঙ্গৎহল্লগনি।

সেন্ত্রেল গবর্নমেন্ত জেনরেল পুল ওফিস একোমোদেসন (CGGPOA) অসি অনৌবা কেপিতেল সিতি, অমরাবতী, আন্ধ্র প্রদেশতা একর 5.53গী লমদা শেমগৎনবা থৌরাং তৌরি। CGGPOA অসিদা ব্লোক অনি য়াওই: গ্রাউন্দ + ফ্লোর ১৩ লৈবা প্লোট C-৯দা ব্লোক অমা (সর্ভিসকী গ্রাউন্দ ফ্লোর, পোদিয়ম পার্কিংগী ফ্লোর অহুম, অমসুং ওফিসকী অহাংবা মফমগী ফ্লোর তরা) অমসুং গ্রাউন্দ + ফ্লোর ১০ লৈবা প্লোট C-৮দা অতোপ্পা ব্লোক অমা (সর্ভিসকী গ্রাউন্দ ফ্লোর, পোদিয়ম পার্কিংগী ফ্লোর অহুম, অমসুং ওফিসকী অহাংবা মফমগী ফ্লোর তরা) । ফেসিলিতী অসি চাউরাক্না ওফিসিএল অমসুং স্তাফ মেম্বর 8,000 লৈনবা দিজাইন তৌই। পোদিয়ম পার্কিংগী প্রোভিজন অসি চাউরাক্না কার স্পেস 1,800 (ECS) গীদমক প্রপোজ তৌরি। প্রোজেক্ত অসিগী অপুনবা বিল্ত-অপ এরিয়া অসি স্ক্বার ফিৎ ২৩,২৫,০০০ (স্ক্বার মিৎ ২,১৬,০৩২) নি।

মালেম শীনবা থুংনা, অকোইবগী ফিভমগা মরী লৈননা তুং কোইনা চৎনবা য়াবা অমসুং রিসোর্স ইফিসিএন্ত ওইবা কন্সত্রক্সন প্রেক্টিসশিংদা অহেনবা মীৎয়েং থম্লি। মসিগী অচেৎপা ৱাফম অসিবু উৎতুনা, আন্ধ্র প্রদেশকী অমরাবতীদা লৈবা অনৌবা কোনুং শহরদা শেম্বা সেন্ত্রেল গবর্নমেন্ত জেনরেল পুল ওফিস একোমোদেসন (CGGPOA) অসি ভারতকী খ্বাইদগী ৱাংবা গ্রীন বিলদিং স্তেন্দর্দশিংগী মতুং ইন্না থৌরাং তৌদুনা দিজাইন তৌরি। প্রোজেক্ত অসিগী পান্দমদি সস্তেনেবল সাইত প্লান্নিং, এনর্জি ইফিসিএন্সী হেনগৎহনবা, ঈশিং কঞ্জার্বেসন তৌবা, লোকেল ওইনা ফংবা পোৎলমশিং শিজিন্নবা, অমসুং ইনক্যুবেন্ত হেল্থ অমসুং কম্ফোর্ৎ হেনগৎহন্দুনা অকোইবগী ফীভমদা শোকহনবদু হন্থহনবনি। কেম্পস অসি য়ামদ্রবদা জি.আর.আই.ঐচ.এ. ৪ স্তার রেতিং অমা ফংনবা দিজাইন তৌগনি, শেমগৎকনি অমসুং রেজিস্তর তৌগনি অমসুং ইনর্জী কঞ্জারবেসন অমসুং সস্তেনেবল বিল্দিং কোদ (CGGPOA) ২০২৪গী খ্বাইদগী নৌবা প্রোভিজনশিং অদু ঙাক্কনি।

আন্ধ্র প্রদেশকী অমরাবতীদা লৈবা ন্যু কেপিতেল সিতীদা লৈবা সেন্ত্রেল গবর্নমেন্ত জেনরেল পুল ওফিস একোমোদমেন্ত (CGGPOA) অসিদা এ.তি.এম. য়াওবা বেঙ্ক, পোস্ত ওফিস, ক্রিচে, রিক্রিএসন রুম, লেদিজ রুম, মী তাবা য়াবা মীওই ১০০গী কনফরেন্স হোল, মী তাবা য়াবা মীওই ৫০০গী মলতিপরপজ হোল অমসুং এমপ্লোয়ীশিং অমসুং ভিজিটরশিংগী মথৌ তাবশিং ফংনবা কেন্তিন মরি য়াওনা তঙাই ফদবা সিভিক অমসুং কম্ম্যুনিতীগী খুদোংচাবশিং ফংহল্লগনি।

কেম্পস অসিদা দিব্যাংজন (দিসএবল ওইরবা মীওইশিং) গীদমক এক্সেসিবিলিটি, সেফটি অমসুং কন্ভেনিএন্স লৈহন্নবগীদমক চৎনরিবা এক্সেসিবিলিটি নোর্মশীং অমসুং ষ্টেন্দর্দশীংগী মতুং ইন্না বেরিয়র-ফ্রি বিল্ট এনভাইরনমেন্ট অমা য়াউগনি।

প্রোজেক্ত অসিনা স্কিল লৈরবা, সেমি স্কিল লৈরবা অমসুং স্কিল লৈতবা শিন্মীশিংগীদমক্তা হকথেংননা অমসুং নাকোইননা থবক ফংহন্নবগী অচৌবা খুদোংচাবা লৈহল্লগনি হায়না পানরি। কন্সত্রক্সন ফেজ মনুংদা, চহিদা চাউরাক্না মেন-দেস ৭০০,০০০ ওইগনি হায়না পানরি, অদুগা ওপরেস্নেল ফেজনা চহিদা চাউরাক্না মেন-দেস ৫০,০০০ ওইগনি হায়না পানরি।

প্রোজেক্ত কোস্ত অমসুং ফন্দিং

প্রোজেক্ত অসিগী চাউরাকপা শেনফম অসি লুপা করোর ১,২৯৯.০৮নি। মসি ভারত সরকারনা হেদ ওফ একাউন্ত: ৪০৫৯ কেপিতেল আউতলে ওন পব্লিক ৱার্কসকী মখাদা বজেৎকী মতেংদগী শেল থাদগনি।

প্রি-প্রোজেক্ত এক্তিবিতীশিং

প্রোজেক্ত অসি হাউজিং অমসুং অর্বান এফিয়র্স মন্ত্রালয়না সেন্ত্রেল পব্লিক ৱার্কস দিপার্তমেন্ত (সি.পি.দবল্যু.দি.) গী খুত্থাংদা পায়খৎকনি। প্রি-বেদকী থবকশিং হান্ননা হৌখ্রে, অমসুং তেন্দরগী দোক্যুমেন্তশিং শেম-শাবগী থবক হৌজিক চত্থরি।

প্রোপোজ তৌরিবা সেন্ত্রেল গবর্নমেন্ত জেনরেল পুল ওফিস একোমোদেসন (CGGPOA) ন্যু কেপিতেল সিতী, অমরাবতী, আন্ধ্র প্রদেশতা

 ***