217મા કોર્ષની સંયુક્ત સ્નાતક પરેડ (CGP) 13 જૂન 2026ના રોજ હૈદરાબાદના ડુંડીગલ સ્થિત એરફોર્સ એકેડેમી (AFA) ખાતે યોજાશે. લશ્કરી ચોકસાઈ સાથે આયોજિત આ કાર્યક્રમ ભારતીય વાયુસેના (IAF)ની વિવિધ શાખાઓના ફ્લાઇટ કેડેટ્સ માટે પ્રી-કમિશનિંગ તાલીમના સફળ સમાપનને ચિહ્નિત કરશે. માનનીય રક્ષા મંત્રી શ્રી રાજનાથ સિંહ, પરેડ માટે સમીક્ષા અધિકારી (RO) હશે.

સમારંભ દરમિયાન, RO પાસિંગ-આઉટ તાલીમાર્થીઓને રાષ્ટ્રપતિ કમિશન એનાયત કરશે. IAFના ફ્લાઇટ કેડેટ્સ, ભારતીય નૌકાદળ, ભારતીય કોસ્ટ ગાર્ડ અને વિયેતનામના સમાજવાદી પ્રજાસત્તાકના અધિકારીઓ અને તાલીમાર્થીઓને તેમની તાલીમ સફળતાપૂર્વક પૂર્ણ થવા પર 'વિંગ્સ' અને 'બ્રેવેટ્સ' એનાયત કરવામાં આવશે. આ CGP 30 મે 2025ના રોજ ઉત્તીર્ણ થયેલી અને શાખા-વિશિષ્ટ તાલીમ માટે AFAમાં જોડાયેલી પુણેની રાષ્ટ્રીય સંરક્ષણ એકેડેમી (NDA)ની મહિલા કેડેટ્સની પ્રથમ બેચના કમિશનિંગને પણ ચિહ્નિત કરશે.

ફ્લાઈંગ, નેવિગેશન અને ગ્રાઉન્ડ ડ્યુટી શાખાઓમાં એકંદર મેરિટ યાદીમાં ટોચ પર આવનારા ફ્લાઇટ કેડેટ્સને RO (રિવ્યુઇંગ ઓફિસર) 'પ્રેસિડેન્ટ્સ પ્લેક' અર્પણ કરશે. આ કાર્યક્રમમાં CGPના પ્રારંભ નિમિત્તે આકાશ ગંગા અને એર વોરિયર ડ્રીલ ટીમ (AWDT) દ્વારા પ્રદર્શન તેમજ એર ચીફ માર્શલ એપી સિંહ (ચીફ ઓફ ધ એર સ્ટાફ - CAS) ની આગેવાની હેઠળ ફ્લાય-પાસ્ટનો સમાવેશ થશે. આ ફ્લાય-પાસ્ટમાં ચાર પ્રકારના ટ્રેનર એરક્રાફ્ટ - પિલેટસ PC-7 MkII, હોક, કિરણ અને ચેતક દર્શાવવામાં આવશે. SU-30 MKI, સારંગ હેલિકોપ્ટર ડિસ્પ્લે ટીમ અને સૂર્યકિરણ એરોબેટિક ટીમ (SKAT) દ્વારા હવાઈ પ્રદર્શન સમારોહનું મુખ્ય આકર્ષણ રહેશે.

આ કાર્યક્રમનું 13 જૂન 2026ના રોજ સવારે 07:00 વાગ્યે ભારતીય વાયુસેનાના સોશિયલ મીડિયા હેન્ડલ્સ અને DD નેશનલ પર જીવંત પ્રસારણ કરવામાં આવશે.

SM/DK/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com