প্রধানমন্ত্রীগী লোইশঙ
প্রধান মন্ত্রীনা বিশাখাপত্নম স্তীল প্লান্তদা থোকখিবা খুদোংথীবা থৌদোক্তা নুংঙাইতবা ফোংদোকখ্রে
পি.এম.না পি.এম.এন.আর.এফ.তগী এক্স-গ্রেসিয়া লাউথোকখ্রে
प्रविष्टि तिथि:
08 JUN 2026 7:32PM by PIB Imphal
প্রধান মন্ত্রী শ্রী নরেন্দ্র মোদীনা ঙসি বিশাখাপত্নম স্তীল প্লান্তদা থোকখিবা খুদোংথিবা থৌদোক অদুদা নুংঙাইতবা ফোংদোকখ্রে। প্রধান মন্ত্রীনা লৈখিদ্রবশিংগী ইমুং মনুংগী অৱাবদা শরুক য়াখি অমসুং অশোকপশিং অথুবা মতমদা ফগৎলক্নবা থৌনিখি। মহাক্না হায়খি মদুদি লোকেল ওথোরিতীশিংনা শোকহল্লবা মীওইশিংদা য়ারিবা মতেং পুম্নমক পীরি।
প্রধান মন্ত্রীগী নেস্নেল রিলিফ ফন্দ (পি.এম.এন.আর.এফ.) দগী লৈখিদ্রবা মীওই খুদিংমক্কী নক্নবা ইমুং-মনুংশিংদা লুপা লাখ ২গী এক্স-গ্রেসিয়া পীগনি হায়না শ্রী মোদীনা লাউথোকখি। অশোকপশিংদা লুপা ৫০,০০০ পীগনি হায়না প্রধান মন্ত্রীনা মখা তাখি।
প্রধান মন্ত্রীনা এক্সতা পোস্ত তৌখি:
"বিশাখাপত্নম স্তীল প্লান্ততা থোকখিবা খুদোংথিবা থৌদোক অদু লাইবক থীবা অমনি। মখোয়গী লৈখিদ্রবশিংগী ইমুং মনুংগী মফমদা অৱাবা ফোংদোকচরি। অশোকপা মীওইশিং অথুবা মতমদা ফগৎনবা থৌনিজরি। লোকেল ওথোরিতীশিংনা অশোকপশিংদা অঙম্বা মতেং পুম্নমক পীরি।
লৈখিদ্রবা মীওই খুদিংমক্কী নক্নবা ইমুং-মনুংগী মীওইশিংদা পি.এম.এন.আর.এফ.তগী লুপা লাখ ২গী এক্স-গ্রেসিয়া পীগনি। অশোকপশিংদা লুপা লিশিং ৫০,০০০ গী তেংবাং পীরগনি। প্রধান মন্ত্রী @narendramodi"
***
(रिलीज़ आईडी: 2270538)
आगंतुक पटल : 11
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam