नवी दिल्‍ली, 1 जून 2026

1. भारतीय निवडणूक आयोगाने (ईसीआय) तीन राज्यांतील विधान परिषदांच्या (आमदारांतर्फे होणाऱ्या) द्वैवार्षिक पक्षीय आणि पोटनिवडणुकांसह राज्यसभेच्या 27 जागांसाठी निवडणूक कार्यक्रम जाहीर केला आहे. 

2. कार्यक्रमाचे तपशील खालील तक्त्यात दिले आहेत:

राज्ये: आंध्रप्रदेश, गुजरात, झारखंड, मध्यप्रदेश, मणिपूर, मेघालय, राजस्थान, अरुणाचल प्रदेश, कर्नाटक आणि मिझोरम

3. निवडणूक आयोगाने निवडणूक कार्यक्रमाबद्दल अधिसूचना जारी केली आहे आणि निवडणूक अधिकारी तसेच सहाय्यक निवडणूक अधिकारी (द्वैवार्षिक निवडणुका आणि पोटनिवडणुका या दोन्हींसाठी) यांची नेमणूक केली आहे. नेमणुकांचे तपशील भारतीय राजपत्र/राज्य राजपत्रात जाहीर करण्यात आले आहेत.

4. याबरोबरच आज दिनांक 01 जून 2026 रोजी सकाळी 11 वाजल्यापासून, वर उल्लेख केलेल्या सर्व निवडणुकांसाठी नामनिर्देशनपत्रे भरायची सुरुवात झाली. अर्ज सादर करण्याची मुदत 08 जून 2026 रोजी दुपारी 3 वाजता संपेल.

5. दिनांक 09 जून 2026 रोजी निवडणूक अधिकारी (आरओज) या सर्व निवडणुकांसाठी सादर झालेल्या अर्जांची छाननी करतील. अर्ज मागे घेण्याची शेवटची तारीख 11 जून 2026 आहे.

6. निवडणुका झाल्या तर त्यांचे मतदान दिनांक 18 जून 2026 रोजी सकाळी 8 वाजल्यापासून दुपारी 4 वाजेपर्यंत होईल आणि त्यानंतर दुपारी 5 वाजता या सर्व निवडणुकांसाठी मतमोजणी करण्यात येईल.

* * *

राधिका अघोर/संजना चिटणीस/दर्शना राणे

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai