প্রধান মন্ত্রী শ্রী নরেন্দ্র মোদীনা লোকমাতা অহিল্যবাই হোল্করগী মপোক কুমওন্না লাকপদা মহাক্কী মফমদা ইকায় খুম্নবা উৎখ্রে।

শ্রী মোদীনা হায়খি মদুদি লৈবাক পুম্বনা লোকমাতা অহিল্যাবাই হোল্করবু মহাক্কী লৌশিং, মীনুংশি অমসুং মীয়ামগী য়াইফনবা অচেৎপা থৌদাংগীদমক ইকাই খুম্নবগা লোয়ননা থম্মোয় শেংনা ইকাই খুম্নবা উৎলি।

প্রধান মন্ত্রীনা হায়খি মদুদি মহাক্কী পুন্সি অসি অফবা লৈঙাক, লৈবাক নুংশিবা অমসুং নাৎকীদমক চাউথোকচবগী খুদম অমনি। মহাক্না হায়খি মদুদি মহাক্না মতম পুম্নমক্তা থৌনা অমসুং থৌদাংগী মপাঙ্গল লৈবা ৱাখল্লোনগা লোয়ননা লুচিংখি।

পুম্নমক্কীদমক ৱায়েল-পথাপ অমসুং য়াইফ-থৌরাং ফংহন্নবা চাউনা শরুক তমখিবা লোয়ননা লৈবাক শিনবা থুংনা লৈরিবা শেংলবা লাইশঙ অমসুং লাই খুরুমফমশিং অমুক হন্না শেমগৎনবগী মাইকৈদা মহাক্না হোৎনখিবা অদু প্রধান মন্ত্রীনা পনখি। মহাক্কী থবক্না ভারতকী চৎনবীগী ৱাখল্লোনবু হেন্না মপাঙ্গল কনখৎহনখি হায়না মহাক্না ফোংদোকখি।

প্রধান মন্ত্রীনা হায়খি মদুদি লোকমাতা অহিল্যবাই হোল্করনা খুন্নাই, নাৎ অমসুং লৈবাক শেমগৎপদা কত্থোকপা অসিনা লৈবাক অসিগী মীরোল খুদিংদা ইথিল পীদুনা লৈহৌরগনি।

প্রধান মন্ত্রীনা এক্সতা ইখি;

“মহাক্কী মপোক কুমওননা লাকপদা লোকমাতা অহিল্যবাই হোল্কর জীদা ঐহাক্না ইকায়খুম্নবা উৎচরি! লৈবাক শীনবা থুংনা মহাকপু মহাক্কী লৌশিং, মীনুংশি অমসুং মীয়ামগী য়াইফনবা লেপ্পা লৈতনা হোৎনবগীদমক ইকায় খুম্নবগা লোয়ননা নীংশিংলি। মহাক্কী পুন্সি অসি অফবা লৈঙাক, লৈবাক নুংশিবা অমসুং নাৎকীদমক চাউথোকচবগী ফিদম্নফম ওইরবা খুদম অমনি। মহাক্না মতম পুম্নমক্তা থৌনা অমসুং থৌদাংগী মপাঙ্গল লৈবা ৱাখল্লোনগা লোয়ননা লুচিংখি। মহাক্না লৈবাক শীনবা থুংনা লৈরিবা লাইশঙশিং অমসুং লাই খুরুমফমশিং অমুক হন্না শাগৎপদগী হৌরগা মীপুম খুদিংমক্কীদমক ৱায়েল-পথাপ অমসুং য়াইফ-থৌরাং ফংহন্নবা হোৎনবদা থোইদোক হেন্দোকপা থৌদাং লৌখি। মহাক্না ভারতকী চৎনবীগী ৱাখল্লোনবু হেন্না মপাঙ্গল কনখৎহনখি। খুন্নাই, নাৎ অমসুং লৈবাক শেমগৎপদা মাইকৈদা কত্থোকপগী মহাক্কী ৱাখল্লোন অসিনা লৈবাক অসিগী মীরোল খুদিংদা ইথিল পীদুনা লৈহৌরগনি।”

लोकमाता अहिल्याबाई होल्कर जी को उनकी जयंती पर कोटि-कोटि नमन! बुद्धिमत्ता, करुणा और जनकल्याण के प्रति अटूट निष्ठा को लेकर पूरा देश उन्हें आदर और सम्मान के साथ स्मरण करता है। उनका जीवन सुशासन, राष्ट्रभक्ति और सांस्कृतिक गौरव का एक उत्कृष्ट उदाहरण है। उन्होंने सदैव साहस और…

— Narendra Modi (@narendramodi) May 31, 2026

***