ચૂંટણી આયોગ
સ્પેશિયલ ઇન્ટેન્સિવ રિવિઝન – ફેઝ III
ઓડિશા, મિઝોરમ, સિક્કિમ અને મણિપુર રાજ્યો માટે ગણતરીનો તબક્કો (એન્યુમરેશન ફેઝ) શરૂ થયો
प्रविष्टि तिथि:
31 MAY 2026 3:08PM by PIB Ahmedabad
ભારતીય ચૂંટણી પંચે (ઇલેક્શન કમિશન ઓફ ઇન્ડિયા - ECI), ભારતના બંધારણની કલમ 324; લોકપ્રતિનિધિત્વ અધિનિયમ, 1950 (રિપ્રેઝન્ટેશન ઓફ ધ પીપલ એક્ટ, 1950) ની કલમ 21 અને અન્ય લાગુ જોગવાઈઓ હેઠળ પોતાની સત્તાઓનો ઉપયોગ કરીને, 14 મે 2026 ના રોજ 16 રાજ્યો અને 3 કેન્દ્રશાસિત પ્રદેશો (UTs) માં ખાસ સઘન સુધારણા (સ્પેશિયલ ઇન્ટેન્સિવ રિવિઝન - SIR) નો આદેશ આપ્યો છે.
ખાસ સઘન સુધારણા (SIR) નો મુખ્ય ઉદ્દેશ્ય એ છે કે - કોઈ પણ પાત્ર નાગરિક બાકી ન રહી જાય અને કોઈ પણ અપાત્ર વ્યક્તિનો મતદારયાદીમાં સમાવેશ ન થાય. દરેક વ્યક્તિ જે ભારતનો નાગરિક છે અને જે લાયકાતની તારીખે અઢાર વર્ષથી ઓછી ઉંમરનો નથી અને અન્યથા કોઈ પણ કાયદા હેઠળ ગેરલાયક ઠર્યો નથી, તે મતદારયાદીમાં નોંધણી કરાવવા માટે હકદાર રહેશે.
ECI ના તારીખ 14.05.2026 ના આદેશ અનુસાર, ઓડિશા, મિઝોરમ, સિક્કિમ અને મણિપુર રાજ્યો માટે ગણતરીનો તબક્કો (એન્યુમરેશન ફેઝ) 30.05.2026 ના રોજ શરૂ થયો છે. તમામ પાત્ર મતદારો જેમના ગણતરી ફોર્મ (એન્યુમરેશન ફોર્મ્સ) 28.06.2026 ના રોજ અથવા તે પહેલાં ઇલેક્ટોરલ રજિસ્ટ્રેશન ઓફિસર (ERO) ને મળી જશે, તેમનો ડ્રાફ્ટ મતદારયાદીમાં સમાવેશ કરવામાં આવશે.
જે મતદારો 28.06.2026 સુધીમાં તેમના ગણતરી ફોર્મ સબમિટ કરવામાં અસમર્થ છે, તેઓ દાવા અને વાંધાના સમયગાળા દરમિયાન નિર્ધારિત ડિક્લેરેશન ફોર્મ (જાહેરાત પત્ર) સાથે ફોર્મ 6 (Form 6) દ્વારા અરજી કરી શકે છે.
SIR ના ગણતરીના તબક્કા દરમિયાન, બૂથ લેવલ ઓફિસર્સ (BLOs) ઘરે-ઘરે જઈને મુલાકાત લે છે અને તમામ વર્તમાન મતદારોને ગણતરી ફોર્મ પૂરા પાડે છે. મતદારો યોગ્ય રીતે ભરેલું ફોર્મ BLO દ્વારા અથવા ઓનલાઇન સબમિટ કરી શકે છે. મહત્તમ કવરેજ સુનિશ્ચિત કરવા માટે, BLOs ફોર્મના વિતરણ, સંગ્રહ અને વેરિફિકેશન માટે દરેક ઘરની મુલાકાત લેશે.
ઘરે-ઘરે જઈને કરવામાં આવતી ગણતરી દરમિયાન, BLOs એ ઓછામાં ઓછા 30 કોરા ફોર્મ 6 (Form 6) અને તેની સાથે કોરા ડિક્લેરેશન ફોર્મ સાથે રાખવાના રહેશે, જેથી નવા મતદાર તરીકે નોંધણી કરાવવા ઈચ્છતી કોઈ પણ વ્યક્તિને તે આપી શકાય.
રાજકીય પક્ષોની વધુ ભાગીદારી સુનિશ્ચિત કરવાના હેતુથી, પંચે માન્યતા પ્રાપ્ત રાજકીય પક્ષોના બૂથ લેવલ એજન્ટ્સ (BLAs) ને જનતા પાસેથી દૈનિક 50 ફોર્મ્સ સુધી એકત્રિત કરવાની અને ડ્રાફ્ટ પ્રકાશન પહેલાં તેને BLO ને સોંપવાની મંજૂરી આપી છે. રાષ્ટ્રીય અને રાજ્ય સ્તરે માન્યતા પ્રાપ્ત રાજકીય પક્ષો SIR પ્રક્રિયાના સુચારુ અને અસરકારક સંચાલનમાં BLOs ને મદદ કરવા માટે વધુ BLAs ની નિમણૂક કરી શકે છે.
મતદારો, BLOs અને BLAs ની રાજ્યવાર વિગતો નીચે મુજબ પ્રસ્તુત છે:
|
State
|
Electors
|
Number of BLOs
|
Number of BLAs
|
|
1. Odisha
|
3,34,14,856
|
38,123
|
8,391
|
|
2. Mizoram
|
8,75,008
|
1,353
|
3,430
|
|
3. Sikkim
|
4,71,077
|
572
|
681
|
|
4. Manipur
|
20,92,140
|
2,996
|
5,003
|
તમામ પાત્ર મતદારોને વિનંતી કરવામાં આવે છે કે તેઓ SIR પ્રક્રિયામાં ભાગ લે અને ઘરે-ઘરે લેવાતી મુલાકાતો દરમિયાન ચૂંટણી અધિકારીઓને સહકાર આપે.
SM/BS/JD
(रिलीज़ आईडी: 2267244)
आगंतुक पटल : 27