વાઇસ એડમિરલ સંજય વત્સાયન, PVSM, AVSM, NM એ 30 મે 2026 ના રોજ મુંબઈ ખાતે યોજાયેલી એક ઔપચારિક પરેડમાં વેસ્ટર્ન નેવલ કમાન્ડના ફ્લેગ ઓફિસર કમાન્ડિંગ-ઇન-ચીફ તરીકેનો કાર્યભાર સંભાળ્યો હતો. આ નિમણૂક પહેલાં, તેઓ નેવલ હેડક્વાર્ટર, નવી દિલ્હી ખાતે વાઇસ ચીફ ઓફ ધ નેવલ સ્ટાફ તરીકે સેવા આપી રહ્યા હતા. કાર્યભાર સંભાળ્યા પછી, તેમણે નેવલ ડોકયાર્ડ, મુંબઈ ખાતે આવેલ ગૌરવ સ્તંભ પર રાષ્ટ્રની સેવામાં સર્વોચ્ચ બલિદાન આપનારા બહાદુર વીરોને શ્રદ્ધાંજલિ અર્પણ કરી હતી.

નેશનલ ડિફેન્સ એકેડેમી (NDA), ખડકવાસલા પુણેના ભૂતપૂર્વ વિદ્યાર્થી, ફ્લેગ ઓફિસરને 01 જાન્યુઆરી 1988 ના રોજ ભારતીય નૌકાદળ (ઇન્ડિયન નેવી) માં કમિશન કરવામાં આવ્યા હતા. ગનરી અને મિસાઇલ સિસ્ટમ્સના નિષ્ણાત, તેમણે ત્રણ દાયકા કરતાં વધુ લાંબી તેમની વિશિષ્ટ નૌકાદળ કારકિર્દી દરમિયાન દરિયામાં અને કિનારે (બંને સ્થળોએ) કમાન્ડ, ઓપરેશનલ, સ્ટાફ અને તાલીમ સંબંધિત વિવિધ પ્રકારની જવાબદારીઓ સંભાળી છે.

ફ્લેગ ઓફિસરે નૌકાદળના અગ્રણી યુદ્ધજહાજો પર સેવા આપી છે, જેમાં કોસ્ટ ગાર્ડ શિપ C-05, મિસાઇલ વેસેલ્સ INS વિભૂતિ અને નાશક, મિસાઇલ કોર્વેટ INS કુઠાર અને ગાઇડેડ મિસાઇલ ફ્રિગેટ INS સહ્યાદ્રીના કમાન્ડનો સમાવેશ થાય છે. ડિફેન્સ સર્વિસીઝ સ્ટાફ કોલેજ, વેલિંગ્ટન; નેવલ વોર કોલેજ, ગોવા અને પ્રતિષ્ઠિત નેશનલ ડિફેન્સ કોલેજ, નવી દિલ્હીના સ્નાતક એવા આ ફ્લેગ ઓફિસરે મુખ્ય વ્યૂહાત્મક અને નીતિ-લક્ષી સ્ટાફ ભૂમિકાઓમાં ઉત્કૃષ્ટ પ્રદર્શન કર્યું છે. તેમણે નેવલ હેડક્વાર્ટર ખાતે પર્સનલ અને પ્લાન્સ ડિરેક્ટોરેટમાં સ્ટાફની જવાબદારીઓ નિભાવી છે, જેમાં ફ્લેગ રેન્ક પર પ્રમોશન મળ્યા બાદ આસિસ્ટન્ટ ચીફ ઓફ નેવલ સ્ટાફ (પોલિસી એન્ડ પ્લાન્સ) નો પણ સમાવેશ થાય છે. ત્યારબાદ તેમણે ભારતીય નૌકાદળના ઇસ્ટર્ન ફ્લીટનું નેતૃત્વ કર્યું હતું, અને નેશનલ ડિફેન્સ એકેડેમીના ડેપ્યુટી કમાન્ડન્ટ તેમજ ઇસ્ટર્ન નેવલ કમાન્ડના ચીફ ઓફ સ્ટાફ તરીકે સેવા આપી હતી.

તેમણે HQIDS ખાતે ડેપ્યુટી ચીફ ઓફ ધ ઇન્ટિગ્રેટેડ ડિફેન્સ સ્ટાફ (DCIDS) - ઓપરેશન્સ અને DCIDS (પોલિસી, પ્લાન્સ એન્ડ ફોર્સ ડેવલપમેન્ટ) તરીકે પણ સેવા આપી છે, જેમાં તેમણે ત્રણેય સેનાઓમાં ઓપરેશન્સના સંકલન, એકીકરણ વધારવા, ફોર્સ ડેવલપમેન્ટ અને સ્વદેશીકરણને પ્રોત્સાહન આપતી નીતિઓ ઘડવામાં મહત્વની ભૂમિકા ભજવી છે.

વેસ્ટર્ન નેવલ કમાન્ડના ફ્લેગ ઓફિસર કમાન્ડિંગ-ઇન-ચીફ તરીકેનો કાર્યભાર સંભાળતા પહેલાં, ફ્લેગ ઓફિસર નૌકાદળના 47મા વાઇસ ચીફ ઓફ ધ નેવલ સ્ટાફ હતા, જેઓ ભારતીય નૌકાદળની ક્ષમતા વિકાસ અને ભવિષ્યની સજ્જતા માટે જવાબદાર હતા.

ફ્લેગ ઓફિસરને પરમ વિશિષ્ટ સેવા મેડલ (PVSM), અતિ વિશિષ્ટ સેવા મેડલ (AVSM) અને નૌસેના મેડલ (NM) એનાયત થયેલા છે.

 

SM/BS/JD

(રીલીઝ આઈડી: 2267093) મુલાકાતી સંખ્યા : 18