মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়
ভারতনা 2026গী চিয়রশিপকী মখাদা BRICS MSME কোওপরেসন খুমাং চাউশিনহনখ্রে
MSME মন্ত্রালয়না “এনহান্সিং এক্সেস তু তেক্নোলোজী ফোর MSME” হায়বা থিম অসিগী মতাংদা BRICS পার্তNIR ত্রেককী মখাদা অনিশুবা SME ৱার্কিং গ্রুপকী মীফম মাইপাক্না পাংথোকখ্রে
BRICS মেম্বর লৈবাকশিংগী মরক্তা খন্ন-নৈনখিবা অদুদা “হারনেসিং ইন্নোবেসন্স এন্দ তেক্নোলোজী কম্মর্সিয়েলাইজেসন ফোর MSMEs” হায়বা অসিদা মীৎয়েং থমখি
থাগৎখিবা:
29 MAY 2026 1:15PM by PIB Imphal
অনৌবা ইন্দস্ত্রীয়েল রিভোলুসনগীদমক BRICS পার্তনরশিপ (PartNIR)কী মখাদা SME ৱার্কিং গ্রুপ অসি ভারত সরকারগী MSME মন্ত্রালয়না লুচিংলি। ভারতনা BRICS চেয়রশিপ 2026গী মখাদা মন্ত্রালয়না SME ৱার্কিং গ্রুপকী মীফম অহুম অমসুং BRICS MSME ফোরম হৌদোক্কনি। মরুওইবা হিরম অহুমদা মীৎয়েং থমগনি: MSMEশিংগীদমক শেল-থুম, তেক্নোলোজী এক্সেস অমসুং সস্তেনেবিলিতী ওরিয়েন্তেদ গ্রোথ ফংহনবা।
2026গী এপ্রিল 28দা পাংথোকখিবা অহানবা SME ৱার্কিং গ্রুপকী মীফমগী মতুংদা, MSME মন্ত্রালয়না মাই পাক্না 2026গী মে 26দা BRICS PartNIR ত্রেককী মখাদা “এনহান্সিং এক্সেস তু তেক্নোলোজী ফোর MSME”হায়বা থিমদা অনিশুবা SME ৱার্কিং গ্রুপকী মীফম পাংথোকখি। BRICS মেম্বর লৈবাকশিংগী মরক্তা খন্ন-নৈনখিবা অদুদি “হারনেসিং ইন্নোবেসন্স এন্দ তেক্নোলোজী কম্মর্সিয়েলাইজেসন ফোর MSMEs” অমসুং "স্কিলিং এন্দ দেবেলপমেন্ত ওফ ইন্দস্ত্রী-রেদী মেনপাৱর ফোর MSME তেক এদোপ্তশন” হায় অসিদা মীৎয়েং থমখি।
মীফম অদুদা BRICS মেম্বর লৈবাকশিংনা হকথেংননা শরুক য়াখি। মসিনা MSMEশিংগী শেনমিৎলোন চাউখৎহনবা, থবক পীবা, ইন্নোবেসন অমসুং ইনক্লুসিব দেবেলপমেন্ততা লৌরিবা থৌদাং অদুগী মতাংদশু পনখি। দিজিতেল ইন্তিগ্রেসন হেঙ্গৎহন্দুনা, ইন্নোবেসন কেপাসিতী মপাঙ্গল কনখৎহন্দুনা অমসুং MSMEশিংগী তেক্নোলোজী রেদিয়েন্স হেঙ্গৎহন্দুনা রিজনেল অমসুং গ্লোবেল ভেল্যু চেনশিংদা মখোয়বু পুন্সিন্নবদা মতেং পাংনবগীদমক তেক্নোলোজীগী খেন্নবা অদু কোকহন্নবা মল্তি-প্রোজেক্ত এপ্রোচ অমগী মথৌ তাই হায়না খন্ন-নৈনখি।
মীফম অদুদা BRICS ইকোনোমীশিংগী মরক্তা তেক্নোলোজী এক্সেস, ইন্নোবেসন ইকোসিস্তেম, অমসুং MSMEশিংগীদমক স্কিল দিবেলপমেন্তকী লমদা হেন্না কন্না খুৎশম্ননা থবক তৌমিন্নবগী মরুওইবা অদু অমুক হন্না পনখি। ৱারী শানখিবশিং অসিনা মান্নবা চাউখৎ-থৌরাংগী শিংনবশিং মায়োক্নরিবা লৈবাকশিংগী মরক্তা মমল য়াম্লবা পোলিসী একচেঞ্জ অমা পাংথোকহনখি অমসুং BRICS ইকোনোমীশিংদা রেজিলিয়েন্ত, ইনক্লুসিব, অমসুং মালেমগী থাক্তা কম্পিতিতিব ওইবা MSME সেক্তরশিং শেমগৎনবা শরুক য়ামিন্নবগী অচেৎপা ফিরেপ অদুবু হেন্না চেৎশিনহনখি।
মীফম অসি য়াম্না মায়পাকপা অমসুং কান্নবা ওইখি, মসিনা BRICS মেম্বর লৈবাকশিংগী মরক্তা তেক্নোলোজীগী খুদোংচাবা অমসুং MSMEশিংগী কেপাসিতী বিল্দিংগী খুমাং চাউশিলহন্নবা, BRICS মেম্বর লৈবাকশিংগী মরক্তা খুৎশম্ননা থবক তৌমিন্নববু হেন্না মপাঙ্গল কনখৎহনখি, অমসুং মমল য়াম্লবা ইনসাইতশিং পুথোকপা ঙমখি।
****
(রিলিজ আই.দি.: 2266651)
ভিজিতর কাউন্তর : 4