ভারত্তা ইন্সোলভেন্সী রিজোলুসনদা খুমাং চাওশিনবা        

নীংতম্বগী মতুংদা, ভারতকী কম্পেনীশিংনা মহৌশাগা মান্নবা ললোন-ইতিক্কী থবক থৌরমশিংদা মতেং পাংলিবা স্ত্রকচর তৌরবা লিগেল ফ্রেমৱার্কশিংগী মনুংদা থবক তৌখি। শেল-থুমগী অৱাবা লাকপা মতমদা, মখোয়না ৱারোইশিন পুরক্নবা তোঙান-তোঙানবা আইনগী মেকানিজমশিংদা থাজবা থমখি। মসিগী মনুংদা কম্পেনী লো, দেব রিকোভরী প্রোসেস অমসুং সিক্যোর তৌরবা ক্রেদিতর ফ্রেমৱার্কশিং য়াওরি। মেকানিজম খুদিংমক্না তোঙানবা ফোরমশিং অমসুং প্রোসিদ্যোরশিং ঙাক্না চৎলি। মসিনা কোওর্দিনেসন অসি অয়াম্বা মতমদা কমপ্লেক্স ওইহল্লি অমসুং মতম চংহল্লি।

মসিগী শিংনবশিং অসি থেংননবা সরকারনা ইন্সোলভেন্সী অমসুং বেঙ্ক্রপ্তসি কোদ, 2016 হৌদোকখি। মসিনা হৌজিক লৈরিবা আইনশিংবু সিস্তেম অমখক্তদা পুনশিনখি। কোদ অসিনা ক্রেদিতরশিং শরুক য়াবা হেনগৎহনখি অমসুং স্তেকহোল্দর পুম্নমক্কী ইন্তরেস্তশিংবু চাং মান্ননা য়েংলগা এসেত ভেল্যুবু খ্বাইদগী হেন্না হেনগৎহনবদা পান্দম থমখি।

সিস্তেম অসি চাউখৎলকপগা লোয়ননা, ইমপ্লিমেন্তেসন এক্সপরিয়েন্সনা ফগৎহনগদবা লমশিংবু ময়েক শেংলে। ইফিসিয়েন্সী অমসুং মহৈ-মশিং হেনগৎহন্নবা রিফাইনমেন্তশিং হৌদোকখি। লেপ্পা লৈতনা চৎথরিবা রিফোর্ম প্রোসেস অসিনা ইন্সোলভেন্সী অমসুং বেঙ্ক্রপ্তসি কোদ (এমেন্দমেন্ত) এক্ত, 2026, চৎনহনখি। মসিনা কন্সোলিদেসনগী মথংগী তাঙ্কক ওইখি।

 ইন্সোলভেন্সী অমসুং বেঙ্ক্রপ্তসি কোদ, 2016: ভারতকী প্রিন্সিপাল ইন্সোলভেন্সী লো            

 প্রি-IBC ফ্রেমৱার্ক অমসুং রিফোর্মগী মথৌ তাবা

ইন্সোলভেন্সী অমসুং বেঙ্ক্রপ্তসি কোদ, 2016 চৎনবা হৌদ্রিঙৈ মমাংদা, ভারত্তা ইন্সোলভেন্সী রিজোলুসন অসি মল্তিপল ওভরলেপিং লিগেল ফ্রেমৱার্কশিংগী খুত্থাংদা মথৌ তৌখি। শেল-থুমগী অৱাবা মায়োক্নরিবা কম্পেনীশিং অসি কম্পেনীজ এক্ত, দ সিক ইন্দস্ত্রীয়েল কম্পেনীজ এক্ত (SICA), দেব রিকোভরী মেকানিজমশিং অমসুং SARFAESI য়াওনা সিক্যোর ওইরবা ক্রেদিতর ফ্রেমৱার্কশিংগুম্বা তোঙান-তোঙানবা আইনশিংগী মখাদা য়েংশিল্লি। হায়রিবা থৌওংশিং অসি তোঙান-তোঙানবা ইনস্তিত্যুসনশিং অমসুং ফোরমশিংগী খুত্থাংদা পাংথোকই, অমসুং মসিগী মহৈ ওইনা থৌওংশিং অসি তোখায়-তোখায় থোকই অমসুং জুরিসদিক্সনশিং অমগা অমগা ওভরলেপ তৌই।

মসিনা মরম ওইদুনা, রিজোলুসনগী থৌওংশিং অসি অয়াম্বা মতমদা শাংথবা অমসুং ময়েক শেংদবা ওইরকখি। চহী কয়াগী মমাংদগী কেসশিং অসি লেপ্তনা চত্থদুনা লাক্লি, অদুগা অৱাবা তারবা এসেতশিংগী ভেল্যু অসি মখা তানা হন্থরকখি। থিন্থবনা ক্রেদিতরশিংদা অৱাৎপা শেনফম লৌশিনবগী মতিক অদু হন্থহনখি অমসুং ললোন-ইতিক তৌবা য়াবা ললোন-ইতিকশিং অমুক হন্না হৌহন্নবগী ওইথোকপা য়াবশিং অদুসু হন্থহনখি। কন্সোলিদেতেদ অমসুং তাইম-বাউন্দ মেকানিজম অমত্তা লৈতবনা অপুনবা ক্রেদিত দিসিপ্লিন অমসুং ইনভেস্তরগী থাজবদসু অকায়বা পীখি।

স্ত্রকচরেল ওইবা শিংনবশিং অসিবু মশক খঙদোক্তুনা, সরকারনা কম্প্রিহেন্সিব রিফোর্ম অমা ওইনা ইন্সোলভেন্সী অমসুং বেঙ্ক্রপ্তসি কোদ, 2016 হৌদোকখি।

য়ুনিফাই তৌরবা অমসুং তাইম-বাউন্দ ওইবা ইন্সোলভেন্সী ফ্রেমৱার্ক অমা

ইন্সোলভেন্সী অমসুং বেঙ্ক্রোপসী কোদ, 2016না কম্পেনীশিং, পার্তনরশিপ ফর্মশিং অমসুং ইন্দিভিজুৱলশিংগী ইন্সোলভেন্সীগী ৱারোইশিন পুরক্নবা য়ুনিফাইদ ফ্রেমৱার্ক অমা শেম্লে। মসিনা ইন্সোলভেন্সীগী আইন কয়া অমত্তা ওইবা স্ত্রকচর অমদা পুনশিনখি, মসিনা হেন্না কোওর্দিনেত অমসুং প্রেদিক্তেবল ওইবা রিজোলুসন প্রোসেস অমা শেমখি।

কোদ অসিনা হৌদোকখিবা মরুওইবা পান্দমদি দিবতর-কন্ত্রোল তৌরিবা সিস্তেম অমদগী ক্রেদিতর-দ্রিভন রিজোলুসন ফ্রেমৱার্ক অমদা ওন্থোকপনি। মসিগী মরু ওইবা মীৎয়েং অসি রিকোভরী প্রোসীদিংশিংদগী হেন্দোক্তুনা মগুন হেনগৎহনবা, তৌবা য়াবা ললোন-ইতিক মখা চত্থবা অমসুং স্তেকহোল্দরশিংবু চপ মান্নবা মীৎয়েং অমদা য়েংবগী মাইকৈরোমদা চংশিনখি। কোদ অসিনা শেল-থুমগী অৱাবা অসি মতম শাংনা শাংদোক্তুনা এন্তর্প্রাইজ ভেল্যু মাংহন্দ্রিঙৈগী মমাংদা ঙন্না থেংননবা হোৎনখি।

ফ্রেমৱার্ক অসিগী খ্বাইদগী মরু ওইবা মীৎয়েং অসি কোর্পোরেত ইন্সোলভেন্সী রিজোলুসন প্রোসেস (CIRP)তা থম্মি, মসিনা কোর্পোরেত ইন্সোলভেন্সী রিজোলুসন তৌনবগী স্ত্রকচর তৌরবা মেকানিজম অমা পীরি। শেল-থুমগী ক্রেদিতরশিং য়াওবা ক্রেদিতরশিংগী কমিতীনা (CoC) রিজোলুসন প্লানশিং য়েংশিল্লি। মতুংদা মখোয়না স্ত্রেস তৌরিবা এন্তিতী অদুগী তুংলমচৎকী মতাংদা মরুওইবা কমর্সিয়ল দিসিজনশিং লৌই।

কোদ অসিনা রিজোলুসনগীদমক মতমগা মরি লৈনবা স্ত্রকচর অমসু হৌদোকখি। CIRP অসি অখন্নবা ফিভমশিংদা নুমিৎ 330 ফাওবা শাংদোকপা য়াবা নুমিৎ 180গী মনুংদা লোইশিন্নবা দিজাইন তৌখি। মতমগী মতুং ইন্না য়ুম্ফম ওইবা থৌওং অসিনা মতম শাংনা থেংথবা থীংনবা অমসুং খুদোংচাদবা ফীভমদা লৈবা বিজিনেসশিংগী শেন্মিৎলোনগী ভেল্যু ঙাক্তুনা থম্নবা পান্দম থম্লি। করিগুম্বা রিজোলুসন অদু প্রেস্ক্রাইব তৌরবা ফ্রেমৱার্ক অদুগী মনুংদা ফংদ্রবদি, এন্তিতী অদুনা কোদকী প্রোভিজনশিং অদুগী মতুং ইন্না লিক্বিদেসন তৌগনি।

 IBCগী মখাদা লৈবা ইনস্তিত্যুস্নেল স্ত্রকচর

IBC ফ্রেমৱার্ক অসিগী ইফেক্তিন ওইবগী চাং অসি কোদকী মখাদা লিংখৎপা রিগুলেতেদ ইনস্তিত্যুস্নেল ইকোসিস্তেম অমদা য়ুম্ফম ওই। ইন্সোলভেন্সী অমসুং বেঙ্ক্রপ্সী বোর্দ ওফ ইন্দিয়া (IBBI)না ইন্সোলভেন্সী প্রোসেসশিং, ইন্সোলভেন্সী প্রোফেস্নেলশিং (IPশিং) অমসুং ফ্রেমৱার্ক অসিগী মখাদা মরী লৈনবা ইন্সতিত্যুসনশিং য়েংশিন্নবা রেগ্যুলেতরী ওথোরিতী ওইনা মথৌ তৌই। মসিনা ইন্সোলভেন্সী ইকোসিস্তেমগী মথৌ পাংথোকপা ঙম্নবা রিগুলেসনশিং অমসুং স্তেন্দর্দশিংসু শেম্মি।

কোর্পোরেত ইন্সোলভেন্সীগী ৱাফমশিং অসি নেস্নেল কম্পনী লো ত্রাইব্যুনেল (NCLT) না য়েংশিল্লি, মসিনা ফ্রেমৱার্ক অসিগী মখাদা এদিসিয়িং ওথোরিতি ওইনা থবক তৌই। মসিগী ৱারেপশিংগী মায়োক্তা পীবা আপিলশিং অসি নেস্নেল কম্পনী লো আপিলেত ত্রাইব্যুনেল (NCLAT)না য়েংশিল্লি। ইন্সোলভেন্সী রিজোলুসনগীদমক্তা ভারতকী স্ত্রকচর তৌরবা, সুপরভাইজ তৌরবা অমসুং লিগেল্লী এনফোর্সিবল ওইবা মেকানিজম অমা ইন্সোলভেন্সীশিং অসিনা পুন্না শেম্মি।

 ইন্সোলভেন্সী অমসুং বেঙ্ক্রোপ্সী কোদকী মায়পাকপা                                         

ইন্সোলভেন্সী অমসুং বেঙ্ক্রপ্তসি কোদ, 2016 চৎনবা হৌরকপদগী ইন্সোলভেন্সী অমসুং ক্রেদিত ইকোসিস্তেমদা চাউনা মপাঙ্গল কনখৎহনখ্রে। ফ্রেমৱার্ক অসিনা রিকোভরি মেকানিজমশিং ফগৎহনখি, ক্রেদিতর দিসিপ্লিনবু মপাঙ্গল কনখৎহনখি অমসুং অৱাবা তারবা এন্তিতিশিংগীদমক্তা হেন্না স্ত্রকচর তৌরবা রিজোলুসন প্রোসেস অমা শেমখি।

কোদ অসিগী মখাদা মার্চ 2026 ফাওবদা CIRP 8,98 এদমিত তৌখ্রে। কোর্পোরেত দেবতের 1,419 এপ্রুব তৌরবা রিজোলুসন প্লানগী খুত্থাংদা রিজোলুসন তৌখ্রে। সেক্সন 12Aগী মখাদা সেতলমেন্ত, আপিল, রিভ্যু অমসুং রিতদ্রোৱলশিংগী খুত্থাংদা অতোপ্পা কেস কয়া অমা লোইশিনখি।

মার্চ 2026 ফাওবদা, IBCগী মখাদা অয়াবা পীরবা রিজোলুসন প্লানশিংগী খুত্থাংদা ক্রেদিতরশিংনা চাউরাক্না লুপা করোর লাখ 4.32 ফংখি। রিকোভরীশিং অসি লিক্বিদেসন ভেল্যুগী 116.85 অমসুং ফেয়র ভেল্যুগী 94.56% হেনখি।

ফ্রেমৱার্ক অসিনা বেঙ্কিং সেক্তরগীদমক রিকোভরীগী মহৈসু ফগৎহনখি। 2024-25গীদমক ভারত্তা বেঙ্কিংগী ত্রেন্দ অমসুং প্রোগ্রেসকী মতাংদা RBI গী রিপোর্ত (দিসেম্বর 29, 2025দা ফোংখিবা)না হায়রি মদুদি SCBশিংনা তোঙান-তোঙানবা চেনেলশিংগী খুত্থাংদা পুন্না লুপা করোর 1,04,099 রিকোভরী তৌখিবা অদুগী মনুংদা, IBC খক্তনা অপুনবা রিকোভরীশিংগী 52.4% ওইদুনা লুপা করোর 54,528 কন্ত্রিব্যুত তৌখি। মসিনা SARFAESI, দেব রিকোভরী ত্রিব্যুনেল অমসুং লোক অদালতকী খুত্থাংদা তৌখিবা রিকোভরীশিংদগী হেন্না ৱাংই।

IIM অহ্মদাবাদকী স্তদী অমনা IBCগী মখাদা রিজোলুসন তৌরবা ফর্মশিংগী মরক্তা রিজোলুসন মতুংদা রিকোভরী হেন্না কন্না তৌরকপা উবা ফংখি। ক্রেদিতরশিংনা এদমিৎ তৌরবা ক্লেমশিংগী 32% অমসুং লিক্বেন্দিসন ভেল্যুগী 168% ফংখি। রিজোল্ব তৌরবা ফর্মশিংনা চাদা 76%গী চাংদা সেলস গ্রোথ হেনগৎখি, অহুমশুবা চহিদা ওপরেস্নেল ব্রেক-ইভিন ফংখি অমসুং থবক শুবশিংগী চাদা 50%গী চাংদা হেনগৎলকখি, মসিনা থবক শুবগী চাং হেনগৎলকখি। রিজোলুসন তৌরবা কম্পেনীশিংগী অপুনবা এসেত অসি 50% হেনগৎখি, কেপিতেল এক্সপেন্দিমেন্তনা 130% হেনগৎখি, অমসুং শেন্দোং লৈবগী চাং অসি ইন্দস্ত্রীগী বেঞ্চমার্কশিংগা মান্নখি। মার্কেত ভেল্যুৱেসন অসি লুপা করোর লাখ 2দগী লুপা করোর লাখ 6তা হেনগৎলকখি অমসুং লিক্বিদিতী অসি 80% হেনগৎখি। মসিগী মথক্তা, IIM বেঙ্গলোরগী স্তদী অমনা শেন্দোইগী মমলদা 3% হন্থরকপা অমসুং ইন্দিপেন্দেন্ত দাইরেক্তরশিং হেনগৎহন্দুনা গবর্নান্স ফগৎলকপা উৎলি। IBC প্রোসেসকী খুত্থাংদা রিজোলুসন তৌরিবা ফর্মশিংনা মখোয়গী ললোন-ইতিক, সেলস, শেংন্দোং, এসেত গ্রোথ, মার্কেত ভেল্যুৱেসন অমসুং লিক্বিদিতী য়াওনা মখোয়গী ললোন-ইতিক্কী হিরম কয়াদা মশক থোকপা মওংদা ফগৎলকপা উবা ফংই।

মসিগী মথক্তা, ক্রেদিৎ দিসিপ্লিনদা IBCগী ইম্পেক্ত অসি IIM বেঙ্গলোরনা পাংথোকপা পাক-চাউবা স্তদী অমনা ময়েক শেংলে। স্তদী অসিনা কোর্পোরেত লোন একাউন্ত, CIRP, ফর্ম-লেভেল ফাইনান্সিয়েল দেতা অমসুং NPA দেতা নৈনখি। স্তদী অসিনা  ফোংদোক্লি মদুদি IBCনা লোন লৌরিবশিংবু লেপ্লিবা লোন শিংদোকপগী মতম ঙাক্না চৎনবা পুক্নিং থৌগৎলি। রিভ্যু তৌরিবা মতম অসিগী মনুংদা, নৈনবা অসিদা, লুপাগী শেনফম অমসুং একাউন্ত মশিং অনিমক্কী ওইনা,  ‘ওভরদ্যু’  হায়না লৌনরিবা লোন একাউন্তশিংদা য়াম্না চাউনা হন্থরকপা উবা ফংলে। চপ মান্ননা, করপোরেতশিংগী ক্রেদিৎ কলচর ফগৎলকপগী মীৎয়েং অদু শৌগৎতুনা, ‘ওভরদ্যু’ কাংলুপতগী ‘নোর্মেল’ কাংলুপতা ত্রাঞ্জিসন তৌরকপা লোন একাউন্তশিংগী চহিগী চাংসু হেনগৎলক্লি। লোন একাউন্ত অমবু ‘ওভরদ্যু’ কেতেগোরীদা হন্দোক্ত্রিঙৈগী মমাংদা ‘নোর্মেল’ কেতেগোরীদা লৈহনবগী চাংচত্তা নুমিৎ 248-344দগী নুমিৎ 30-87দা হন্থখ্রে। মসিনা তাক্লি মদুদি দেবতর অমসুং ক্রেদিতর অনিমক্না অতেনবা মতমদা দেলিনক্বেন্সিশিং অসি লোইশিন্নবা হোৎনরি।

অমরোমদা, ওপরেস্নেল ওইবা শিংনবশিং অসি মখাতানা লৈখি। কেস কয়াদা রিজোলুসন তৌবদা চংবা মতমগী চাংচৎ অসি স্তেতুতরী লিমিৎ নুমিৎ 330 অদুদগী হেল্লি। ৱারেপ লৌবদা থেংথবা অমসুং মতম শাংনা চত্থরকপা লিতিগেসননা প্রোসিদিং খরদা ভেল্যু মেক্সিমাইজ তৌবদা শোকহল্লি।

শিংনবশিং অসি লৈজরবসু, ইন্সোলভেন্সী বেঙ্ক্রপসী কোদ অসি ভারতকী শেল-থুম অমসুং কোর্পোরেত রিজোলুসন ফ্রেমৱার্ককী মরুওইবা স্ত্রকচরেল রিফোর্ম অমনি। ইন্সোলভেন্সী অমসুং বেঙ্ক্রপ্তসী কোদ (এমেন্দমেন্ত) এক্ত, 2026 য়াওনা মখা তাবা এমেন্দমেন্তশিংনা মতমগী মতুং ইন্না, ইনস্তিত্যুস্নেল ইফিসিয়েন্সী অমসুং রিকোভরীগী আউৎকম হেন্না ফগৎহন্নবা হোৎনরি।

 ইন্সোলভেন্সী অমসুং বেঙ্ক্রপসী কোদকী লেজিস্লেতিব প্রোগ্রেসন                              

ইন্সোলভেন্সী অমসুং বেঙ্ক্রপসী কোদ (এমেন্দমেন্ত) এক্ত, ২০২৬তা য়ুম্ফম ওইবা রিফোর্ম অসি লেজিস্লেতিব এমেন্দমেন্ত কয়াগী খুত্থাংদা ইন্সোলভেন্সী ফ্রেমৱার্ক্তা লাক্লিবা অওনবশিং অদুদা য়ুম্ফম ওইরি।

2026কী মমাংদা হৌদোকখিবা মরুওইবা এমেন্দমেন্তশিংগী মনুংদা মখাগীসি চল্লি:

• 2018গী এমেন্দমেন্ত: রেজোলুসন ফ্রেমৱার্ক অসিদা এপ্লিকেসনশিং লৌথোক্নবা অমসুং ভোতিং থ্রেসহোল্দশিংদা অহোংবা পুরক্নবা প্রোভিজনশিং য়াওনা মরুওইবা রিফাইনমেন্তশিং হৌদোকখ্রে। মসিনা মখাতানা প্রিন্সিপাল এক্তকী সেক্সন 29Aগী মখাদা ক্রেদিতরশিংগী শরুক য়াবা হেনগৎহনখি অমসুং ইলিজিবিলিতী ক্রাইতেরিয়া শেমদোকখি।
• 2019গী এমেন্দমেন্ত: প্রোসেস অসি লোইশিনবগীদমক পুন্না নুমিৎ 330গী মতম লেপথোক্তুনা ইন্সোলভেন্সী রিজোলুসন ফ্রেমৱার্ক ফগৎহনখি।
• 2020গী এমেন্দমেন্ত: রিজোলুসনগী মতুংদা কোর্পোরেত দেবতরশিংগীদমক্তা ইম্ম্যুনিতী য়াওনা মরুওইবা সেফগার্দশিং হৌদোক্লে। COVID-19গা মরি লৈনবা অকক্নবা দিফোল্তশিংগীদমক্তা ইন্সোলভেন্সী প্রোসিদিংশিংসু সস্পেন্দ তৌখি।
• 2021গী এমেন্দমেন্ত: MSMEশিংগীদমক প্রি-পেক্কেজ ইন্সোলভেন্সী রিজোলুসন প্রোসেস হৌদোকখ্রে, মসিনা ক্রেদিতর সুপরভিজন অমসুং ওভর্সাইতকা লোয়ননা দেবতর-ইন-পোজেসন রিজোলুসন খোঙজেল য়াংনা পাংথোকহল্লি। মসিনা ইন্সোলভেন্সী প্রোসিদিংশিংদা এফিসিয়েন্সী অমসুং তাইমলাইনশিং ফগৎহন্নবা প্রোভিজনশিংসু য়াওরি।

 2026 ইন্সোলভেন্সী অমসুং বেঙ্ক্রপসী কোদ (এমেন্দমেন্ত) এক্ত, 2026 খঙদোকপা             

2026কী এমেন্দমেন্ত এক্ত অসি দেকেদ অমরোম চৎহল্লবা মতুংদা থেংনরকপাশিং অদুগী মতুংদা ইনসোলভেন্সী অমসুং বেঙ্ক্রপসী কোদ, 2016দা য়ুম্ফম ওইদুনা শেমখিবনি। মসিনা ইন্সোলভেন্সী রিজোলুসন অমসুং লিক্বিদেসন প্রোসিদিংশিংগী মনুংদা প্রোসিদ্যোর থেংথরকপশিং, লিগেল এম্বিগ্বিতীশিং অমসুং ওপরেস্নেল চেলেঞ্জশিংদগী থোক্লকপা লিতিগেসনশিং কোকহন্নবা হোৎনরি।

এক্ত অসিনা ইন্সোলভেন্সী প্রোসেসকী তোঙান-তোঙানবা তাঙ্ককশিংদা রিফোর্মশিং হৌদোক্লি। মসিনা কেসশিং এদমিসন অমসুং এপ্রুব তৌনবগী মতম অদু মপাঙ্গল কনখৎহল্লি। মসিনা লিক্বিদেসনগী মতমদা CoCগী থৌদাং পাকথোক চাউথোকহল্লি। মসিনা সেক্যুরিতী ইন্তরেস্তশিং, এভোইদেন্স ত্রাঞ্জেক্সনশিং অমসুং রিজোলুসন প্লানশিংগা মরী লৈনবা প্রোভিজনশিংসু ময়েক শেংহল্লি।

এমেন্দমেন্ত অসিনা অয়াবা পীরবা রিজোলুসন প্লানশিং ইমপ্লিমেন্ত তৌনবগীদমক সেফগার্দশিং হৌদোক্লি। মসিগী মনুংদা অকক্নবা কেসশিংদা লাইসেন্সশিং, পর্মিৎশিং অমসুং রেগুলেতরী এপ্রুভলশিং মখাতানা পীবা য়াওরি। মসিনা লল্লোন-ইতিক অমসুং অরানবা ত্রেদিংগা মরী লৈনবা প্রোভিজনশিংসু মপাঙ্গল কনখৎহল্লি।

অহোংবা অসিগী মরুওইবা মগুন অমা হায়রগদি কোর্পোরেত দেবতরশিংগী অকক্নবা কাংলুপশিংগীদমক ক্রেদিতরনা হৌদোকপা ইন্সোলভেন্সী রিজোলুসন প্রোসেস অমা হৌদোকপা অসিনি। এক্ত অসিনা লিক্বিদেসন অমসুং দিজোলুসন প্রোসিদিংশিংগীদমক হেন্না স্ত্রকচর তৌরবা তাইমলাইনশিংসু হৌদোক্লি।

মমাঙদা: অয়াবা পীরবা মতুংদসু রিজোলুসন প্লানশিং অসি লাইসেন্সশিং, রেগ্যুলেতরী অয়াবাশিং, অমসুং মমাংদা লৈরম্বা দায়ত্বশিংগা মরী লৈনবা শিংনবশিং অমসুং ইসুশিং থেংনখি।

https://www.icsi.edu/ccgrt/research/bare-acts/corporate-laws/

OTHERS

https://www.newsonair.gov.in/parliament-passes-insolvency-and-bankruptcy-code-bill-2026/ https://www.mygov.in/group-issue/interim-recommendations-bankruptcy-law-reforms-committee-blrc/?page=0%2C10#:~:text=A%20Committee%20was%20formed%20under,%E2%80%A2 https://www.ey.com/en_in/insights/strategy-transactions/nine-years-of-ibc-transforming-india-s-insolvency-landscape

PIB Research