بھارتی فضائیہ کی معروف فضائی کرتب باز ٹیم، سوریا کرن قلاباز ٹیم نے 26 مئی 2026 کو ایئر فورس اسٹیشن بیدر میں اپنی 30ویں سالگرہ منائی۔ یہ موقع فضائی مہارت اور شاندار ہوابازی کے ذریعے قوم کو متاثر کرنے والی تین درخشاں دہائیوں کی یاد میں منایا گیا۔

تقریب میں فضائیہ کے سربراہ ایئر چیف مارشل اے پی سنگھ اور ایئر آفیسر کمانڈنگ اِن چیف، ٹریننگ کمانڈ، ایئر مارشل ایس شرینیواس نے شرکت کی۔ تقریب کی ایک خصوصی جھلک یہ رہی کہ چیف آف ایئر اسٹاف اور اے او سی اِن چیف نے یادگاری فضائی مظاہرے کے دوران ٹیم کے ساتھ پرواز کی۔

تقریب کے دوران ایک جذباتی ’’ہولو ڈائمنڈ‘‘ فارمیشن اُن بہادر اراکین کی یاد میں پیش کی گئی، جنہیں سوریا کرن ایروبیٹک ٹیم نے اپنے شاندار سفر کے دوران کھو دیا تھا۔ یہ خراجِ عقیدت ٹیم کی گہری رفاقت، جرأت اور ناقابلِ شکست جذبے کی عکاسی کرتا ہے۔

1996 میں بیدر میں اپنے قیام کے بعد سے ٹیم ہندوستان اور بیرونِ ملک 800 سے زائد فضائی مظاہروں کے ذریعے لاکھوں افراد کو مسحور کر چکی ہے، اور ہندوستانی فضائیہ کے وقار، مہارت اور پیشہ ورانہ صلاحیت کی علامت بن چکی ہے۔ اپنی مخصوص سرخ و سفید رنگت والے ہاک ایم کے-132 طیاروں کے ساتھ پرواز کرنے والی اس ٹیم نے اپنے نصب العین ’’سدیو سَروتّم‘‘ — ’’ہمیشہ بہترین‘‘ — کو برقرار رکھتے ہوئے نسلوں کو متاثر کرنا جاری رکھا ہوا ہے۔

***

ش ح۔ ش ا ر۔ ول

Uno-7648