প্রধান মন্ত্রী, শ্রী নরেন্দ্র মোদীবু ঙসি রোমাগী FAO হেদক্বার্তর্সতা য়ুনাইতেদ নেসন্সকী ফুদ এন্দ এগ্রিকলচর ওর্গনাইজেসন (FAO) না ২০২৬কীদমক ইকাই খুম্নরবা এগ্রিকোলা মেদল পীখ্রে। ভারত অমসুং মালেমগী থাক্তা ফুদ সেক্যুরিতী, সস্তেনেবল এগ্রিকলচর অমসুং রুরেল দিবেলপমেন্তগী মতাংদা মহাক্কী থোইদোক-হেন্দোকপা  লুচিংবা অমা ওইবগীদমক এৱার্দ অসি পীখি।

এৱার্দ অসি প্রধান মন্ত্রীনা FAOগী দাইরেক্তর জেনরেল, দা. ক্যু দোংয়ুদগী ফংখি। মহাক্না ভারতকী অমসুং মালেমগী মীয়ামগীদমক ফুদ সেক্যুরিতী অমসুং ন্যুত্রিসন ফংহন্নবা অৱাবা খঙদনা হোৎনরিবা ভারতকী লৌমীশিং অমসুং ভারতকী লৌউ-শিংউগী সাইন্তিফিক কম্ম্যুনিতীদা কত্থোকখি। মহাক্না হায়খি মদুদি শকখঙবীবা অসি মীওইবগী য়াইফ-থৌরাং, ফুদ সেক্যুরিতী অমসুং তুং-কোইনা চৎনগদবা চাউখৎ-থৌরাংগীদমক ভারতনা লৌরিবা থৌদাং অদুগী ইকাই খুম্নবা অমনি। ভারত্তা লৌউ-শিংউগী পুন্সিগী মরুওইবা অদু পল্লদুনা প্রধান মন্ত্রীনা লৌউ-শিংউ অসি পৃথিবী ইমা অমসুং ভারতকী মীয়ামগী মরক্তা লৈরিবা শেংলবা মরি অমনি হায়না বাম্না মরুোইনা পনখি।

ভারতকী সাইন্তিফিক অমসুং ইন্নোবেসনদা য়ুম্ফম ওইবা ফার্মিংগী থৌওংনা তুং কোইনা চৎকদবা, ক্লাইমেৎ রেজিলিয়েন্ত অমসুং তুংলমচৎকীদমক শেম-শাবা ইকোসিস্তেম অমা শেমগৎলি হায়না প্রধান মন্ত্রীনা ফোংদোকখি। মহাক্না হায়খি মদুদি মসিগী মরুোইবা খোংথাং অসিদা, “পর দ্রোপ মোর ক্রোপ” অমসুং মাইক্রো-ইরিগেসন অমসুং প্রিসিজন ফার্মিংদা মিসনদা য়ুম্ফম ওইবা এপ্রোচ অসি লৌউ-শিংউগী পোলিসীশিংদা লমজিং-লমতাক্লি। তেক্নোলোজীদা য়ুম্ফম ওইবা ফার্মিং সোলুসনশিংগী মতাংদা মহাক্না হায়খি মদুদি দিজিতেল পব্লিক ইনফ্রাস্ত্রকচর, AIদা য়ুম্ফম ওইবা এদভাইজরী সিস্তেমশিং, দ্রোনশিং, রিমোৎ সেন্সিং তেক্নোলোজীশিং অমসুং সেন্সরদা য়ুম্ফম ওইবা মেছিনরীশিং অসিনা ভারতকী লৌমীশিংবু মরাং কায়না মহৈ-মরোং ফংবা অমসুং লৌমীশিংগী ইনকম হেনগৎহনবদা মতেং পাংলি। মহাক্না হায়খি মদুদি হৌখিবা চহি ১০দা, ভারতনা মহৈ-মরোংশিংগী ক্লাইমেত রেজিলিয়েন্ত ওইবা মহৈ-মরোং মখল ৩,০০০ রোম শেমগৎলে। প্রধান মন্ত্রীনা হায়খি মদুদি ভারতকী সাইন্স দ্রিবন এগ্রিকলচরনা মালেমগী মরুওইনা গ্লোবেল সাউথকী লৈবাকশিংগী ফুদ সেক্যুরিতী মপাঙ্গল কনখৎহল্লি।

FAOগী ফাউন্দর মেম্বর অমা ওইনা মালেমগী ওইনা ফুদ সেক্যুরিতী, সস্তেনেবল এগ্রিকলচর অমসুং অনাবা য়াওদবা মালেম অমা শেমগৎনবা FAOগা লোয়ননা থবক তৌমিন্নবগী খুদোংচাবা ভারতনা ফংলি হায়না প্রধান মন্ত্রীনা পনখি। মহাক্না ইন্তর্নেস্নেল য়্যর ওফ মিল্লেৎকী থৌরমগী খুত্থাংদা ভারতকা লোয়ননা হকচাং ফনা চানবা চিঞ্জাক পুথোকপদা মতেং পাংবগীদমক FAOবু থাগৎপা ফোংদোকখি।

প্রধান মন্ত্রী, মোদীগী FAO  হেদক্বার্তরগী খোংচৎ অসি হৌখিবা চহি ৩০দা ভারত সরকারগী মকোক থোংবা মীওই অমনা চৎখিবা অহানবা খোঙচৎনি।

***