প্রধানমন্ত্রীগী লোইশঙ
প্রধান মন্ত্রীনা স্বিদেন্দা রোয়ল ওর্দর ওব দি পোলর স্তার, দিগ্রী কম্মান্দর গ্রান্দ ক্রোস ফংখ্রে
থাগৎখিবা:
17 MAY 2026 11:13PM by PIB Imphal
গোথেনবোর্গতা পাংথোকপা অখন্নবা থৌরম অমদা, স্বিদেনগী ক্রাউন প্রিন্সেস ভিক্তোরিয়ানা প্রধান মন্ত্রী শ্রী নরেন্দ্র মোদীদা ১৮শুবা চহি চাদা হৌদোকখিবা স্বিদেনগী খ্বাইদগী লিরবা অমদি খ্বাইদগী শক্নাইরবা মনাশিংগী মরক্তগী অমা ওইরিবা "রোয়ল ওর্দর ওব দি পোলর স্তার, দিগ্রী কম্মান্দর গ্রান্দ ক্রোস" পীখ্রে। এৱার্দ অসি স্বিদেনগা মরী মপাঙ্গল কনখৎহনবদা অখন্নবা পব্লিক সর্ভিস অমসুং কন্ত্রিব্যুসনগীদমক মপান লৈবাক্কী সরকারগী মকোকশিংদা পীবা স্বিদেনগী খ্বাইদগী ৱাংবা ইকাই খুম্নবা অমনি।
থৌরম অদুদা ৱা ঙাংলদুনা, প্রধান মন্ত্রী মোদীনা ইকাই খুম্নবা উৎপীরিবা অসিগীদমক্তা রোয়ল হাইনেস ক্রাউন প্রিন্সেস ভিক্তোরিয়া অমসুং স্বিদেনগী মীয়ামদা মহাক্কী মফমদগী থাগৎপা ফোংদোকখি। মহাক্না এৱার্দ অসি ভারতকী মীওই বিল্লিয়ন ১.৪ অমসুং ভারত অমসুং স্বিদেনগী মরক্তা লৈনরিবা অচেৎপা মরুপ মপাং ওইবগী মরী অসিদা কৎথোকখি। রোয়ল ওর্দর ওব পোলর স্তার পীবা অসি ভারত অমসুং স্বীদেনগী মরক্তা লৈরিবা পুৱারী ওইরবা মরীশিং অমসুং সিভিলাইজেস্নেল বোন্দশিংবু অমুক হন্না শৌগৎপা অমনি অমসুং মসিনা লৈবাক অনিগী মীয়াম্বু পুনশিন্নরিবা নুংশিবা অমসুং চান চিনবা অসিদা ইকায় খুম্নবা উৎপনি হায়না প্রধান মন্ত্রী মোদীনা ফোংদোকখি। (প্রধান মন্ত্রী মোদী অসি এসিয়াদগী লুচিংবা অমা ওইনা এৱার্দ অসি ফংখিবা অহানবা মীশকনি)
এৱার্দ অসিবু লান্থোকখিবা অসিনা ভারত-স্বীদেন স্ত্রেতেজিক পার্তনরশিপকী মাইলস্তোন অমা ওইরে অমসুং লৈবাক অনিগী মরক্তা নাকল অনিগী ওইবা তেংবাং পীনবা হেনগৎহন্নবা অমসুং মালেমগী শান্তি অমসুং নুংঙাই-য়াইফবদা মতেং পাংনবা লৈবাক অনিগী অপাম্বা অদু উৎলি।
***
(রিলিজ আই.দি.: 2262827)
ভিজিতর কাউন্তর : 4
রিলিজ অসি মসিদা পাবীয়ু:
Malayalam
,
English
,
Urdu
,
हिन्दी
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada