પ્રધાનમંત્રીનું કાર્યાલય
પ્રધાનમંત્રીએ સ્વીડનમાં 'રોયલ ઓર્ડર ઓફ ધ પોલર સ્ટાર, ડિગ્રી કમાન્ડર ગ્રાન્ડ ક્રોસ' મેળવ્યો
પોસ્ટેડ ઓન:
17 MAY 2026 11:13PM by PIB Ahmedabad
ગોથેનબર્ગમાં આયોજિત એક વિશેષ સમારોહમાં, સ્વીડનના ક્રાઉન પ્રિન્સેસ વિક્ટોરિયાએ પ્રધાનમંત્રી શ્રી નરેન્દ્ર મોદીને ‘રોયલ ઓર્ડર ઓફ ધ પોલર સ્ટાર, ડિગ્રી કમાન્ડર ગ્રાન્ડ ક્રોસ’ (Royal Order of the Polar Star, Degree Commander Grand Cross) એનાયત કર્યો હતો, જે 18મી સદીમાં સ્થાપિત સ્વીડનના સૌથી જૂના અને સૌથી પ્રતિષ્ઠિત સન્માનોમાંનું એક છે. આ પુરસ્કાર વિદેશી સરકારોના વડાઓને અસાધારણ જાહેર સેવા અને સ્વીડન સાથેના સંબંધોને મજબૂત કરવા માટેના યોગદાનની માન્યતા રૂપે આપવામાં આવતું સ્વીડનનું સર્વોચ્ચ સન્માન છે.
આ અવસર પર પ્રધાનમંત્રી મોદીએ આ સન્માન બદલ ક્રાઉન પ્રિન્સેસ વિક્ટોરિયા અને સ્વીડનના લોકો પ્રત્યે ઊંડી કૃતજ્ઞતા વ્યક્ત કરી હતી. તેમણે આ પુરસ્કાર ભારતના 1.4 અબજ (140 કરોડ) લોકોને અને ભારત તેમજ સ્વીડન વચ્ચેની કાયમી મિત્રતાને સમર્પિત કર્યો હતો. પ્રધાનમંત્રી મોદીએ નોંધ્યું હતું કે રોયલ ઓર્ડર ઓફ ધ પોલર સ્ટાર એનાયત થવો એ ભારત અને સ્વીડન વચ્ચેના ઐતિહાસિક સંબંધો અને સાંસ્કૃતિક બંધનોની પુનઃપુષ્ટિ છે, અને બંને દેશોના લોકોને એકસાથે લાવતી હૂંફ અને સ્નેહ પ્રત્યેની એક શ્રદ્ધાંજલિ છે. (પ્રધાનમંત્રી મોદી આ એવોર્ડ મેળવનારા પ્રથમ એશિયન નેતા છે.)
આ એવોર્ડ એનાયત થવો એ ભારત-સ્વીડન વ્યૂહાત્મક ભાગીદારીમાં એક સીમાચિહ્નરૂપ છે અને દ્વિપક્ષીય સહયોગને આગળ વધારવા તેમજ વૈશ્વિક શાંતિ અને સમૃદ્ધિમાં યોગદાન આપવા માટે બંને દેશોની સહિયારી પ્રતિબદ્ધતાને પ્રતિબિંબિત કરે છે.
IJ/DK/GP
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(રીલીઝ આઈડી: 2262146)
મુલાકાતી સંખ્યા : 12