প্রধান মন্ত্রী শ্রী নরেন্দ্র মোদীনা মে ১৭, ২০২৬ তা গোথেনবর্গতা পাঙথোকপা য়ুরোপিয়ন রাউন্দ তেবল ফোর ইন্দস্ত্রী (ERT) দা ৱা ঙাংখ্রে। স্বিদেনগী প্রধান মন্ত্রী, হিস এক্সিলেন্সী উল্ফ ক্রিস্তর্সন, য়ুরোপিয়ন কম্মিসনগী প্রেজিদেন্ত হিস এক্সিলেন্সী মিস উর্সলা ভোন দর লেয়েন, সিনিয়র য়ুরোপিয়ন ইন্দস্ত্রী লুচিংবশিং অমসুং মরুওইবা য়ুরোপিয়ন অমসুং ভারতকী কম্পেনীশিংনা ভোলভো গ্রুপনা শীন্দুনা পাঙথোকখিবা ৱারী শানবগী থৌরমদা শরুক য়াখি।

মহাক্কী মরুওইবা ৱারোল পীবদা প্রধান মন্ত্রীনা ভারত অমসুং য়ুরোপকী মরক্তা মরুওইবা হীরম কয়াদা চৎমিন্নরক্লিবা খোঙচৎ অসিগী মতাংদা পনখি অমসুং হেন্না লুশিল্লক্লিবা অমসুং তম্বা ঙমদবা অকোইবগী পান্দমশিং হেনগৎলক্লিবা অসিদা থাজবা য়াবা মপাং অমা ওইনা চৎমিন্নরিবা অসিবুসু পনখি।

প্রধান মন্ত্রী মোদীনা ভারত-ইয়ু মরীনা হেন্না চেৎশিল্লক্লিবা অসিগী মতাংদসু পনখি, মসিদা মরুওইবা ভারত-ইয়ু ত্রেদ এগ্রীমেন্তকী য়ান ৱারোলগী মতাংদসু পনখি। মহাক্না য়ান ৱারোল অসি শেন্মিৎলোনগী অহোংবা পুরক্লিবা মপাং অমনি হায়রদুনা মসিনা লল্লোন ইতীক, পোৎচৈ পুথোকপা, সর্ভিস অমসুং রেজিলিএন্ত সপ্লাই চেন্দা অনৌবা খুদোংচাবশিং শেমগনি হায়খি। মহাক্না মসিমসু পনখি মদুদি কন্নেক্তিবিতী প্রোজেক্তশিং হায়বদি ভারত-মিদল ইস্ত-য়ুরোপ একনোমিক কোরিদোর (IMEC) না ভারত-য়ুরোপ লল্লোন ইতিক্কী মপাংদা অনৌবা ভেল্যু হাপচিল্লে হায়খি।

প্রধান মন্ত্রীনা হায়খি মদুদি ঙসি ভারতনা ইনভেস্তমেন্ত, ইন্নোভেসন অমসুং মেন্যুফেকচরিংদা মালেমগী অনৌবা খ্বাইদগী পাম্নরিবা মফম অমা ওইরক্লি হায়খি। মহাক্না ভারতকী খোঙজেল য়াঙখৎলক্লিবা শেনমিৎলোন, নেক্স জেনরেসন একনোমিক রিফোর্ম, লল্লোন ইতীক হেন্না লায়হনবা, পাকথোক চাউথোক্লক্লিবা দিজিতেল পব্লিক ইনফ্রাস্ত্রকচর, মখল য়াম্বা মেন্যুফেকচরিং ইকোসিস্তেম অমসুং খোঙজেল য়াঙনা হোংলক্লিবা ইনফ্রাস্ত্রকচর সেক্তরসু পনখি। মহাক্না মখা তারবদু ভারতকী "দিজাইন ফোর ইন্ডিয়া, মেক ইন ইন্ডিয়া অমসুং এক্সপোর্ত ফ্রোম ইন্দিয়া"গী মঙলানগী মতাংদসু হন্না পনখি অমসুং য়ুরোপিয়ন কম্পেনীশিংবু মখোয়না ভারতকা লৈনরিবা মরী অসি হেনা চেৎশিলহন্নবা অমসুং থাজনিংঙাই ওইবা লল্লোন ইতীক্কী পার্তনর অমা ওইমিন্নবা পুক্নিং চিংশিনখি।

প্রধান মন্ত্রীনা মরুওইবা থম্লদুনা পনখি মদুদি ভারত অমসুং য়ুরোপনা রেজিলিএন্ত লৈবা অমসুং পাক চাউবা সপ্লাই চেন অমা শাগৎনবা পুন্না হোৎমনিন্নগদবনি। মহাক্না পনখি মদুদি ভারতকী ইনফ্রাস্ত্রকচর অমসুং ইনর্জি ত্রান্সফোর্মেসন্দা লৈরিবা মঙলান অসি ত্রান্সপোর্ততা অচৌবা ইনভেস্তমেন্ত, লোজিস্তিক্স, রিন্যুএবল ইনর্জি, গ্রীন হায়দ্রোজেন অমসুং ন্যুক্লিয়র পাৱর য়াওনা লৈরিবা মঙলানশিং পনখি। মহাক্কনা য়ুরোপিয়ন ইন্দস্ত্রীগী লুচিংবশিংবু ভারতকা লোইননা তেলিকোম অমসুং দিজিতেল ইনফ্রাস্ত্রকচর; এ আই, সেমিকন্দক্তর, ইলেক্ত্রোনিক, অমসুং দীপ তেক মেন্যুফেকচরিং; গ্রীন ত্রাঞ্জিসন অমসুং ক্লিন ইনর্জি; ইনফ্রাস্ত্রকচর, মোবিলিতী অমসুং অর্বান ত্রান্সফোর্মেসন; অমসুং হেল্থকেয়র অমসুং লাইফ সাইন্সকী হীরমশিংদা মপাং ওইমিন্ননবা ইনভাইত তৌখি।

প্রধান মন্ত্রী মোদীনা ভারত য়ুরোপকী মরক্তা তেলেন্ত মোবিলিতী, এজুকেসন অমসুং স্কিল পার্তনরশিপ ওইমিন্নবগী মরুওইবসু ফোঙদোকখি। মহাক্না ভারতকী নহাশিং অমসুং স্কিল লৈরবা ৱার্কফোর্সশিংগী মতাংদা পনখি, মসিনা মালেমগী শেন্মিৎলোন চাউখৎনবা অমসুং মীয়ামগী মরক্তা হেন্না মরী চেৎশিলহন্নবা হোৎনগনি হায়খি।

প্রধান মন্ত্রীনা ভারত য়ুরোপ সি ই ও রাউন্দ তেবল অসি চহি খুদিংগী পাঙথোপীনবা পুখৎখি অমসুং ইন্ডিয়া দেস্ত অমা ই আর তিদা শেমগৎনবা ফোংদোকখি। ৱারী ৱাতাই অদুনা ভারত-য়ূরোপ শেন্মিৎলোন অমসুং ইন্দস্ত্রিএল কোওপরেসন হেন্না মপাঙ্গল কন্নবা অমসুং ভারত অমসুং য়ুরোপকী মরক্তা তুং কোইনা চৎপা য়াবা তেক্নোলোজিগী মপাং অমসুং মপাঙ্গল কনবা মালেমগী পার্তনরশিপ অমা শেমগৎনবগী মতাংদা মরুওইবা ৱাখল্লোনশিং পুখৎনখি।

 ***