مردم شماری 2027 کے پہلے مرحلے کے تحت مکانات کی فہرست سازی اور مکانات کی مردم شماری کے لیے فیلڈ آپریشنز پانچ ریاستوں اور مرکز کے زیر انتظام علاقوں یعنی راجستھان، میگھالیہ، مہاراشٹر، جھارکھنڈ اور دہلی این سی ٹی میں میونسپل کارپوریشن آف دہلی کے علاقے میں جاری ملک گیر مردم شماری کی مشق کے ایک حصے کے طور پر شروع ہو گئے ہیں۔

دریں اثنا، آندھرا پردیش، اروناچل پردیش، بہار، چندی گڑھ، چھتیس گڑھ، دادرا اور نگر حویلی اور دمن اور دیو، ہریانہ، مدھیہ پردیش، پنجاب، تلنگانہ اور اتراکھنڈ میں شمار کنندگان کے ذریعہ گھر گھر گھر فہرست سازی کی کارروائیاں جاری ہیں۔

خود گنتی کی سہولت آج گجرات، جموں و کشمیر، لداخ اور پڈوچیری میں شروع ہوئی ہے اور یہ 31 مئی 2026 تک دستیاب رہے گی۔ ان ریاستوں/مرکز کے زیر انتظام علاقوں میں متعلقہ مکانات کی فہرست سازی اور ہاؤسنگ مردم شماری فیلڈ آپریشن 1 جون سے 30 جون 2026 تک کی جائے گی۔

خود شماری  کی سہولت فی الحال اتر پردیش میں بھی چل رہی ہے اور یہ 21 مئی 2026 تک جاری رہے گی، جس کے بعدایچ ایل او فیلڈ آپریشن 22 مئی سے 20 جون 2026 تک چلائے جائیں گے۔

اس سے قبل، 16 اپریل سے 15 مئی 2026 تک گھر کی فہرست سازی اور مکانات کی مردم شماری کی کارروائیاں انڈمان اور نکوبار جزائر، لکشدیپ، میزورم، اڈیشہ اور سکم کی ریاستوں/ مرکز کے زیر انتظام علاقوں میں، این ڈی ایم سی کے علاقے اور دہلی کنٹونمنٹ بورڈ کے علاقے کے ساتھ قومی راجدھانی کے علاقے میں مکمل کی گئیں۔

مردم شماری کی کارروائیوں میں پہلی بار متعارف کرائی گئی خود شماری  سہولت کو عوام کی طرف سے حوصلہ افزا ردعمل موصول ہو رہا ہے۔ 1.44 کروڑ سے زیادہ گھرانوں نے پہلے ہی 25 ریاستوں/ مرکز کے زیر انتظام علاقوں میں سرکاری پورٹل

se.census.gov.in

 کے ذریعے خود گنتی مکمل کر لی ہے۔ یہ اقدام مردم شماری کے کاموں کی ڈیجیٹلائزیشن کی جانب ایک اہم قدم کی نشاندہی کرتا ہے اور رہائشیوں کو مردم شماری کے عمل میں حصہ لینے کے لیے ایک آسان اور محفوظ پلیٹ فارم فراہم کرتا ہے۔

جن رہائشیوں نے خود شماری مکمل کر لی ہے ان سے درخواست کی جاتی ہے کہ وہ اپنی تیار کردہ خود شماری تیار رکھیں اورایچ ایل اوکے عمل کو مکمل کرنے کے لیے فیلڈ وزٹ کے دوران اسے شمار کنندہ کے ساتھ شیئر کریں۔ جن گھرانوں نے خود گنتی کا انتخاب نہیں کیا ہے ان کا احاطہ شمار کنندگان کے گھر گھر دورہ کے دوران کیا جائے گا۔

سال 2027 کی مردم شماری پہلی بار ڈیجیٹل ٹولز کا استعمال کرتے ہوئے کی جا رہی ہے جبکہ روایتی گھر گھر شماری کے عمل کو برقرار رکھتے ہوئے جامع اور درست کوریج کو یقینی بنایا جا رہا ہے۔ فیلڈ وزٹ کے دوران، شمار کنندگان ایک مخصوص موبائل ایپلیکیشن کے ذریعے ڈیجیٹل طور پر ڈیٹا اکٹھا کر رہے ہیں۔ اس مرحلے کے دوران، مکانات کے حالات، گھریلو تفصیلات، دستیاب سہولیات اور گھرانوں کے پاس موجود اثاثوں سے متعلق معلومات کو 33 مطلع شدہ سوالات پر مشتمل ایک منظم سوالنامہ کے ذریعے جمع کیا جا رہا ہے۔ جمع کردہ ڈیٹا شواہد پر مبنی منصوبہ بندی اور فلاح و بہبود اور ترقیاتی پروگراموں کے نفاذ کے لیے ایک اہم بنیاد بناتا ہے۔

مردم شماری ایکٹ 1948 کے تحت اکٹھا کیا گیا تمام ڈیٹا سختی سے خفیہ رہتا ہے اور اسے مکمل طور پر شماریاتی مقاصد اور ترقیاتی منصوبہ بندی کے لیے استعمال کیا جاتا ہے۔ مطلع شدہ ریاستوں/ مرکز کے زیر انتظام علاقوں کے رہائشیوں سے درخواست کی جاتی ہے کہ وہ ہاؤس لسٹنگ آپریشنز کے دوران شمار کنندگان کے ساتھ مکمل تعاون کریں اور اس اہم قومی مشق میں بڑھ چڑھ کر حصہ لیں۔

***

(ش ح۔اص)

UR No 7165