মাননীয় প্ৰধানমন্ত্ৰী শ্ৰী নৰেন্দ্ৰ মোদী ডাঙৰীয়াৰ  “সমবায়ৰে সমৃদ্ধি” মন্ত্ৰৰ জৰিয়তে এখন সমৃদ্ধিশালী আৰু স্বাৱলম্বী ভাৰত গঢ়ি তোলাৰ দৃষ্টিভংগীৰ সৈতে সংগতি ৰাখি  মাননীয় কেন্দ্ৰীয় গৃহমন্ত্ৰী তথা সমবায় দপ্তৰৰ  মন্ত্ৰী শ্ৰী অমিত শ্বাহৰ নেতৃত্বত সমবায়  মন্ত্ৰালয়ে আধুনিক আন্তঃগাঁথনি, প্ৰযুক্তি-সক্ষম ব্যৱস্থা আৰু কৃষককেন্দ্ৰিক পদক্ষেপৰ জৰিয়তে সমগ্ৰ দেশৰ সমবায় পৰিৱেশ তন্ত্ৰক শক্তিশালী কৰি তুলিছে। এই প্ৰচেষ্টাসমূহৰ অংশ হিচাপে মাননীয় কেন্দ্ৰীয় গৃহ আৰু সমবায় দপ্তৰৰ  মন্ত্ৰী শ্ৰী অমিত শ্বাহে ২০২৬ চনৰ ১৭ মে’ত গুজৰাটৰ গান্ধীনগৰৰ দশেলাত মধুৰ দুগ্ধ  গোট -২ নামৰ  স্বয়ংক্ৰিয় গাখীৰ প্ৰক্ৰিয়াকৰণ আৰু পেকেজিং প্ৰকল্প  উদ্বোধন কৰিব।

এই অনুষ্ঠানত গুজৰাটৰ মাননীয় মুখ্যমন্ত্ৰী শ্ৰীযুত ভূপেন্দ্ৰভাই পেটেল ডাঙৰীয়া, গুজৰাটৰ মাননীয় উপ-মুখ্যমন্ত্ৰী শ্ৰীযুত হৰ্ষ সংঘৱী ডাঙৰীয়া আৰু অন্যান্য বিশিষ্ট ব্যক্তিসকল উপস্থিত থাকিব।

এই নতুন দুগ্ধ  গোটৰ  উদ্বোধনে অঞ্চলটোত দুগ্ধ প্ৰক্ৰিয়াকৰণ আৰু পেকেজিং ক্ষমতা যথেষ্ট বৃদ্ধি কৰাৰ লগতে সমবায় দুগ্ধ নেটৱৰ্ক শক্তিশালী কৰি সমবায় খণ্ডৰে জড়িত গাখীৰ উৎপাদকসকলক উপকৃত কৰিব বুলি আশা কৰা হৈছে। এই পদক্ষেপে উন্নত প্ৰযুক্তি, গুণগত নিশ্চয়তা ব্যৱস্থা আৰু দক্ষ প্ৰক্ৰিয়াকৰণ আন্তঃগাঁথনিৰ জৰিয়তে দুগ্ধ সমবায় পৰিৱেশ তন্ত্ৰক আধুনিকীকৰণৰ দিশত চৰকাৰৰ দায়বদ্ধতাক প্ৰতিফলিত কৰিছে।

অনুষ্ঠানত  মাননীয় কেন্দ্ৰীয় গৃহ আৰু সমবায়  মন্ত্ৰী শ্ৰীযুত অমিত শ্বাহে মধুৰ দুগ্ধ গোট-২ উদ্বোধন  কৰাৰ লগতে গাখীৰ প্ৰক্ৰিয়াকৰণ কাৰখানা আৰু  গেলেৰীও পৰিদৰ্শন কৰিব।  মন্ত্ৰীগৰাকীয়ে নিয়ন্ত্ৰণ কক্ষৰ পৰা কাৰ্যকৰী ব্যৱস্থাসমূহ মুকলি কৰি উদ্যোগটো আনুষ্ঠানিকভাৱে উদ্বোধন কৰিব।

এই অনুষ্ঠানতে  দুগ্ধ সমবায়ৰ সৈতে জড়িত মহিলা দুগ্ধ  উৎপাদকসকলক ভাৰতৰ সমবায় দুগ্ধ আন্দোলনক শক্তিশালী কৰাৰ স্বীকৃতি স্বৰূপে মাননীয় মন্ত্ৰীগৰাকীয়ে  মধুৰ দুগ্ধ সামগ্ৰীৰ কিটৰ দ্বাৰা সন্মানিত কৰিব।

এই কাৰ্যসূচীত মাননীয় কেন্দ্ৰীয় গৃহ আৰু সমবায় দপ্তৰৰ  মন্ত্ৰীগৰাকীয়ে  গাখীৰ উৎপাদক সমিতিৰ প্ৰতিনিধিসকলক প্ৰমাণ পত্ৰ বিতৰণ কৰাৰ লগতে তৃণমূল পৰ্যায়ৰ দুগ্ধ সমবায়সমূহক শক্তিশালী কৰাৰ বাবে  প্ৰতিষ্ঠানিক সহায় তথা আধুনিক আন্তঃগাঁথনিৰ জৰিয়তে গাখীৰ উৎপাদকসকলক সবলীকৰণৰ বিষয়ত  চৰকাৰে দিয়া গুৰুত্বৰ কথা পুনৰ দৃঢ় কৰিব। 

মধুৰ দুগ্ধ গোট -২ উদ্বোধন কৰাৰ  ফলত সমবায় নেতৃত্বাধীন গ্ৰাম্য উন্নয়ন অধিক ত্বৰান্বিত হ’ব, দুগ্ধ পালকসকলৰ বাবে বৰ্ধিত জীৱিকাৰ সুযোগ সৃষ্টি হ’ব আৰু আধুনিক তথা বহনক্ষম সমবায় আৰ্হিৰ জৰিয়তে ভাৰতৰ দুগ্ধ মূল্য শৃংখল শক্তিশালী কৰাৰ দিশত অৰিহণা যোগাব পাৰিব  বুলি আশা কৰা হৈছে।

***

AK/DM