گورنمنٹ ای مارکیٹ پلیس (جی ای ایم)  اپنا یوم تاسیس 2026 منا رہی ہے، جس سے شفافیت، اثرانگیزی اور تکنالوجی کے تابع حکمرانی کے ذریعہ بھارت میں سرکاری خریداری میں اس کا پیہم کردار اجاگر ہوتا ہے۔

گورنمنٹ ای مارکیٹ پلیس اسپیشل پرپز وہیکل (جی ایم ایس پی وی)، وزارت تجارت کے تحت ایک سیکشن 8 غیر منافع بخش کمپنی، کمپنیز ایکٹ، 2013 کے تحت 17 مئی 2017 کو جی ای ایم پلیٹ فارم کی ترقی، انتظام اور دیکھ بھال کے لیے شامل کی گئی تھی۔ متعدد برسوں میں، جی ای ایم ایک بڑے ڈیجیٹل عوامی خریداری پلیٹ فارم کے طور پر ابھرا ہے، جس نے کاروبار کرنے میں آسانی اور ملک بھر میں فروخت کنندگان کے لیے وسیع تر مارکیٹ تک رسائی کو فروغ دیا ہے۔

آتم نربھار بھارت، ووکل فار لوکل اور وکست بھارت 2047 کے وژن سے ہم آہنگ، جی ای ایم مقامی صلاحیتوں کو سرکاری خریداری کے مواقع سے جوڑ کر گھریلو اداروں کی حمایت جاری رکھے ہوئے ہے۔ پلیٹ فارم نے کلاس 1 کے مقامی سپلائرز کی جانب سے فارماسیوٹیکل، نقل و حمل، تعمیراتی آلات، فرنیچر، ٹیکسٹائل اور طبی استعمال کی اشیاء جیسے شعبوں میں شرکت دیکھی ہے۔

آج، اس پلیٹ فارم پر 1.36 لاکھ سے زائد سرکاری خریدار اور تقریباً 25 لاکھ فروخت کنندگان اور خدمات فراہم کنندگان موجود ہیں، جن میں سے تقریباً 72 فیصد سرگرم فروخت کنندگان بہت چھوٹی اور چھوٹی صنعتی اکائیوں (ایم ایس ایز) پر مشتمل ہیں۔ مالی برس 2025-26 کے دوران، جی ای ایم پر موجود 11 لاکھ سے زائد ایم ایس ایز کو 2.36 لاکھ کروڑ روپے کے 51 لاکھ سے زائد آرڈر موصول ہوئے۔ خواتین کے زیر قیادت ایم ایس ایز نے 28000 کروڑ روپے سے زائد کے خریداری آرڈر حاصل کیے، جبکہ درج فہرست ذاتوں/ درج فہرست قبائل سے تعلق رکھنے والے صنعت کاروں کو 6000 کروڑ روپے سے زائد کے بقدر کے آرڈر موصول ہوئے۔ اس پلیٹ فارم پر موجود اسٹارٹ اپس نے 19000 کروڑ روپے سے زائد کے آرڈر حاصل کیے، جس سے صنعت کاری کی حمایت اور سرکاری خریداری کی رسائی میں اضافے میں جی ای ایم کے کردار کی عکاسی ہوتی ہے۔

جی ای ایم کے چیف ایگزیکیوٹیو آفیسر، جناب مہر کمار نے کہا، ’’ جی ای ایم کو حکومت اور اس کی ایجنسیوں کے لیے ایک شفاف، موثر اور جامع ڈیجیٹل خریداری پلیٹ فارم قائم کرنے کے وژن کے ساتھ وضع کیا گیا تھا۔ آج، جی ای ایم گھریلو کاروباری اداروں کو خریداری کے مواقع سے جوڑ کر آتم نر بھر بھارت اور ووکل فار لوکل کی حمایت جاری رکھے ہوئے ہے۔‘‘

یوم تاسیس کی تقریبات کے ایک حصے کے طور پر، جی ای ایم اسٹیک ہولڈر کی شمولیت اور علم کے اشتراک کے اقدامات کا ایک سلسلہ ترتیب دے رہا ہے۔ تقریبات کا آغاز 15 مئی 2026 کو جی ای ایم وینڈر اسیسمنٹ ورکشاپ کے ساتھ ہوا تاکہ وینڈر کی تشخیص کے عمل اور ممکنہ او ای ایمز کے لیے دستاویزات کے تقاضوں کی وضاحت کی جاسکے۔

مزید برآں، جی ای ایم 21 مئی 2026 کو "جی ای ایم منتھن" کی میزبانی کرے گا جس کا موضوع"جی ای ایم مارکیٹ پلیس کی افزودگی" کے تحت جی ای ایم ماحولیاتی نظام کو مضبوط بنانے پر بات چیت کی حوصلہ افزائی کرے گی۔ جی ای ایم 22 مئی 2026 کو دفاعی خدمات کے نمائندوں کے ساتھ غور و خوض کے سیشن کا بھی اہتمام کرے گا تاکہ عمل میں بہتری اور تکنیکی مداخلتوں پر غور کیا جا سکے جس کا مقصد دفاعی خریداری اور آپریشنل ضروریات کے ساتھ صف بندی کو مضبوط کرنا ہے۔

**********

 (ش ح –ا ب ن)

U.No:7146