শেনমিৎলোন্দা মন্ত্রীমন্দলগী মীফম (সি.সি.ই.এ.)
কেবিনেতনা গুজরাতকী অহমদবাদ জিলাগী ওইগদবা অনৌবা প্রোজেক্ত অমা অয়াবা পীখ্রে মসিনা ইন্দিয়ন রেলৱেগী লম্বেল হেন্না পাকথোক চাউথোকহল্লগনি
প্রোজেক্ত অসিগী অপুনবা চংবা য়াবা শেনফম অসি লুপা করোর ২০,৬৬৭ (চাউরাক্না) নি অমসুং ২০৩০-৩১ ফাওবদা লোইশিনগনি
থাগৎখিবা:
13 MAY 2026 3:34PM by PIB Imphal
প্রধান মন্ত্রী শ্রী নরেন্দ্র মোদীনা তাংবল লৌদুনা ফমখিবা কেবিনেত কম্মিতী ওন একনোমিক এফিয়র্সকী মীফম্না ঙসি রেলৱে মন্ত্রালয়গী অহমদবাদ (সর্খেজ) – ধোলেরা সেমি হায়-স্পীদ দবল লাইন প্রোজেক্ত অসি লুপা করোর ২০,৬৬৭ গা (চাউরাক্না) লোইননা অয়াবা পীখ্রে। মসিনা ইন্দিয়ন রেলৱেগী লমদম অসিদা শাজবা তেক্নোলোজীগা লোইননা শেম্বা অহানবা সেমি হায় স্পীদ প্রোজেক্ত ওইরগনি।
প্রোজেক্ত সেক্সন অসিনা লাক্কদবা ধোলেরা এয়রপোর্ত অমসুং লোথাল নেসনেল এরিতাইম হেরিতেজ কমপ্লেক্স (NHMC), অহমদবাদ, ধোলেরা SIRগী মরক্তা হেন্না থুনা চত্থোক চৎ-শিন তৌবা য়াহল্লগনি। অহমদবাদকা ধোলেরাগা শম্নহনবনা নোংমদা হঙ্গৎ হন্দা চৎপা য়াহনবগা লোইননা পেসেঞ্জরশিংনা চৎপগী মতম হন্থহল্লগনি। সেমি হায় স্পীদ রেলৱে অসিনা শহর অনিবু হেন্না নকশিন্নহনবদা নত্তনা কিলোমিতর চামগী মথক্তা লৈবা মীয়াম হেন্না নকশিন্নহল্লগনি।
ভারতকী অহানবা সেমি হায় স্পীদ রেল প্রোজেক্ত অমা ওইনা প্রোজেক্ত অসিনা লৈবাক অসিদা সেমি হায় স্পীদ রেলগী তাংকক নাইনা পাকথোক চাউথোকপগী রিফরেন্স মোদেল অমা ওইরগনি।
অনৌবা লাইন প্রোপোজেল অসিনা শম্নবা হেনগৎহল্লগনি অমসুং চত্থোক-চৎশিন ফগৎহল্লগনি, মসিনা খুদোংচাবা হেনগৎহন্দুনা ইন্দিয়ন রেলৱেগী সর্ভিসশিং হেন্না থাজবা হেনগৎহল্লগনি। প্রোজেক্ত অসি ইকাইখুম্নজরিবা প্রধান মন্ত্রী শ্রী নরেন্দ্র মোদীগী লমদম অসিগী মীয়াম্বু "আত্মম্নির্ভর" ফংহন্নবা হোৎনরিবা অনৌবা ভারত অমগী মঙলান অসিগা তুননা চৎলি, মসিনা থবক পীবা/মশানা মশাবু থবক পীজবা হেনগৎহল্লগনি।
প্রোজেক্ত অসি ইন্তিগ্রেতেদ প্লানিং অমসুং স্তেকহোল্দরশিং তান্নরগা মলতি-মোদেল কন্নেক্তিবিতী অমসুং পোৎচৈ পুথোক পুশিন হেনা নুংঙাইহন্নবগী পান্দমদা মীৎয়েং থম্বগা লোইননা পি.এম. গতি শক্তি নেসনেল মাস্তর প্লানদা থৌরাং তৌবনি। প্রোজেক্ত অসিনা মীয়াম, পোৎচৈ অমসুং সর্ভিসশিং পীবদা হেন্না নুংঙাইহল্লগনি।
গুজরাতকী অহমদবাদ জিলা থুংগদবা প্রোজেক্ত অসিনা ইন্দিয়ন রেলৱেগী হৌজিক লৈরিবা নেৎৱর্কশিং অসি 134 km রোম হেন্না পাকথোক চাউথোকহল্লগনি।
হৌদোক্লিবা প্রোজেক্ত অসিনা মীওই লাখ ৫ রোম লৈবা খুঙ্গং ২৮৪ রোমদা লম্বী থোং শম্নহল্লগনি।
রেলৱেনা অকোইবদা অকায়বা পীদবা মওংদা ইনর্জি য়াম্না শীজিন্নদনা চত্থোক চৎশিন তৌহল্লি, মসিনা ক্লাইমেতগোল অমসুং লৈবাক অসিগী লোজিস্তিক্সতা চঙবা শেল হন্থহন্নবগী পান্দম ফংহল্লি, থাউ পুশিল্লকপগী চাং (০.৪৮ করোর লিতর) হন্থহল্লি উ পাম্বী লাখ ১০ (তরা)গা মান্নরিবা CO2 থাদোকপা (করোর kg ২) চাং হন্থহল্লি।
***
(রিলিজ আই.দি.: 2260888)
ভিজিতর কাউন্তর : 17
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam