महिला आणि बाल विकास मंत्री अन्नपूर्णा देवी यांनी आज नवी दिल्लीतील जीपीओए (GPOA), ब्लॉक 3 येथील मंत्रालयाच्या कॉन्फरन्स रूममध्ये श्रीलंकेच्या महिला आणि बाल व्यवहार मंत्री सरोजा सावित्री पॉलराज आणि श्रीलंकेच्या महिला संसद सदस्यांच्या सत्ताधारी गटाची (Women Parliamentarians Caucus) भेट घेतली.

श्रीलंकेच्या महिला संसद सदस्यांच्या सत्ताधारी गटाचा  हा भारत दौरा, श्रीलंकेचे राष्ट्राध्यक्ष अनुरा कुमारा दिसानायके यांची डिसेंबर 2024 मध्ये भारत भेटीदरम्यान, पंतप्रधान नरेंद्र मोदी यांच्यासोबत झालेल्या चर्चेचा एक भाग आहे.

 

'महिलांच्या नेतृत्वाखालील विकासा'साठी  भारताने घेतलेल्या प्रमुख पुढाकारांची माहिती या बैठकीत श्रीलंकेच्या शिष्टमंडळाला देण्यात आली. भारत महिलांना केवळ कल्याणाचे लाभार्थी मानत नाही, तर त्यांना राष्ट्रीय विकासाचे सक्रिय घटक मानतो, असे मंत्री अन्नपूर्णा देवी यांनी अधोरेखित केले. महिला सक्षमीकरणासाठी भारताच्या वैधानिक, धोरणात्मक आणि संस्थात्मक कटिबद्धतेचा त्यांनी उल्लेख केला.

दोन्ही देशांनी समान हिताच्या विषयांवर सविस्तर चर्चा केली आणि दोन्ही मंत्रालयांमधील संस्थात्मक संबंध अधिक दृढ करण्याचा निर्धार व्यक्त केला.

 

या बैठकीचा समारोप श्रीलंकेच्या शिष्टमंडळाला स्मृतिचिन्ह देऊन करण्यात आला आणि त्यानंतर सामूहिक छायाचित्र घेण्यात आले.

***

शैलेश पाटील/वैभवी जोशी/परशुराम कोर

*** 

 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai

(Release ID: 2260834) अभ्यागत कक्ष : 10