PIB Backgrounder
ভিক্সিৎ ভারত-জি রাম জি এক্ত, ২০২৫
“তোইনা হংবা ৱাহংশিং”
থাগৎখিবা:
11 MAY 2026 12:19PM by PIB Imphal
- ভিক্সিৎ ভারত-জি রাম জি এক্ত, ২০২৫ হায়বসি করিনো?
ভিক্সিৎ ভারত-জি রাম জি এক্ত, ২০২৫ অসি খুঙ্গংগী থবক পীবা অমসুং চাউখৎ-থৌরাংগী আইন অমনি। মসিগী পান্দমদি খুঙ্গংগী চাউখৎ-থৌরাংবু ভিক্সিৎ ভারত @ ২০৪৭গী মঙলানগা চুনহন্নবা খুঙ্গংগী ইমুংশিংদা নুমিৎ ১২৫নিগী অনস্কিল ৱেজকী থবক পীবগী স্তেত্যুতরী গেরেন্তী পীবা অমসুং প্রদক্তিব রুরেল এসেতশিং শেমগৎপদা মতেং পাংবা অসিনি।
- ভিক্সিৎ ভারত জি রাম জি এক্ত অসি করম্বা মতমদগী চৎনবা হৌগদৌরি?
ভিক্সিৎ ভারত – গরেন্তী ফোর রোজগার এন্দ অজীভিকা মিসন (গ্রামিন): ভি.বি.-জি রাম জি এক্ত, ২০২৫ অসি কেন্দ্র সরকারনা থোকখিবা চেরোলগী মতুং ইন্না ০১/০৭/২০২৬তগী চৎনবা হৌদুনা লৈবাক অসিগী খুঙ্গংগী মফম পুম্নমক্তা চৎনবা হৌগনি।
- মহাত্মা গান্ধি এন.আর.ই.জি.এ. করম্বা মতমদা রিএল তৌগনি?
মহাত্মা গান্ধি এন.আর.ই.জি.এ. অসি কেন্দ্র সরকারনা খঙহনখিবগী মতুং ইন্না ০১/০৭/২০২৬দগী হৌদুনা রিপিল তৌরগনি।
- ভিক্সিৎ ভারাত- জি রাম জি এক্ত অসি রাজ্য পুম্নমক্তা অমুক্তংদা ইমপ্লিমেন্ত তৌগদ্রা?
হোয়, ভিক্সিৎ ভারত-জি রাম জি অসি লৈবাক শিনবা থুংবদা কেন্দ্র সরকারনা খঙহনখিবগী মতুং ইন্না ০১/০৭/২০২৬তগী ইমপ্লিমেন্ত তৌরগনি।
- এক্ত অসিগী মখাদা নুমিৎ কয়ানিগী থবক গরেন্তী তৌবগে?
এক্ত অসিনা স্কিল লৈতবা শিন্মীগী থবক তৌনবা চহি শুরবা মীওইশিংনা খুঙ্গংগী ইমুং খুদিংদা শেনবা চহি অমদা নুমিৎ ১২৫গী থবক পীবগী গেরেন্তী পীরি।
- এক্ত অসিগী মখাদা রাজ্য সরকারশিংগীন স্কেমশিং শেম্বা মথৌ তাব্রা?
হোয়, রাজ্য সরকারশিংনা এক্ত অসি চৎনবা হৌরবা মতুংগী লেপ্লিবা মতমগী মনুংদা এক্ত অসিগী প্রোভিজনশিংগা চুনবা স্কিমশিং অদু নোতিফাই তৌগদবনি।
- মহাত্মা গান্ধি এন.আর.ই.জি.এ.গী হৌজিক চত্থরিবা থবকশিং অসি রিপিল তৌরবা মতুংদা করি তৌগনি?
মহাত্মা গান্ধী এন.আর.ই.জি.এ.গী মখাদা হৌজিক পাইখৎলিবা থবকশিং অসি ভি.বি.জি. রাম জি. এক্তকী প্রোভিজনশিংগী মতুং ইন্না মখা তানা পাইখৎপা য়াই।
অসিগুম্বা থবকশিং অসি অপনবা লৈতনা মাইগ্রেৎ তৌগনি অমসুং লোইশিন্নবগীদমক প্রাইওরিতী পীগনি। মসিনা পব্লিক এসেৎশিং অসি মপুং ফাদনা থমদনবা হোৎনগনি অমসুং কম্ম্যুনিতীগী কান্নবশিং মখা তানা ফংহনগনি।
- ভিক্সিৎ ভারত-জি রাম জি এক্তকী ত্রাঞ্জিসনগী মতমদা মহাত্মা গান্ধী এন.আর.ই.জি.এ.গী মখাদা থবক পীবা মখা চত্থগদ্র?
হোয়, মহাত্মা গান্ধী এন.আর.ই.জি.এ.গী মখাদা থবক পীবা অসি ভি.বি.জি.রাম.জি. হৌরবা মতুংদা ফাওবা অপনবা লৈতবা মওংদা মখা চৎথগনি।
- থবক হৌদ্রিঙৈ মমাংদা লেপ্পা লৈতনা থবক ফংহনবগীদমক্তা করি খোঙথাংশিং লৌখৎপগে?
অপনবা লৈতবা থবক পীবগী খুদোংচাবশিং অমসুং মতম চানা খুৎশুমল ফংহন্নবগীদমক্তা থোরক্লিবা দিমান্দ পেত্তর্নশিং অমসুং ফিল্দগী মথৌ তাবশিংগা চুন্না রাজ্যশিং অমসুং য়ুনিয়ন তেরিতোরীশিংদা তঙাই ফদবা লেবর বজেৎ ফংহনখ্রে।
ত্রাঞ্জিসন মনুংদা অনৌবা থবক তৌগদ্রা?
হোয়, হৌজিক পাইখৎলিবা থবকশিং অসি থবক পীবগী মথৌ তাবশিং থুংহনবদা মতিক চাদ্রবদি, ভিক্সিৎ ভারত-জি রাম জি এক্তকী সেদ্যুল Iগী মতুং ইন্না থবকশিং অদুগী সেল্ফদগী অনৌবা থবকশিং লৌখৎপা য়াই।
- শিন্মীশিংনা মখা তানা অনৌবা এক্ত অসিগী মখাদা এমপ্লোইমেন্ত গরেন্তী ফংগদ্রা?
হোয়, খুঙ্গংগী য়ুমথোং খুদিংমক্তা মখোয়গী মীয়াই চল্লবা মীওইশিংনা স্কিল য়াওদবা থবকশিং তৌনবা মশা-মশানা থৌরাং তৌরবদি লেপ্পা লৈতনা লেম্না থবক ফংহনবগী অয়াবা পীগনি। গেরেন্তী অসি শেনবা চহি অমদা নুমিৎ ১০০দগী নুমিৎ ১২৫দা হেনগৎহনখ্রে।
- হৌজিক লৈরিবা জোব কার্দ/শিন্মীশিং অসি অদুমক চৎনখিগদ্রা?
হোয়, হৌজিক লৈরিবা এম.জি.এন.আর.ই.জি.এ. জোব কার্দশিং/ই-কে.ৱাই.সি. মপুং ফারবা শিন্মীশিংনা ভিক্সিৎ ভারত-জি.রাম জি. এক্ত, ২০২৫গী মখাদা প্রোভিজনশিং অসিগী মতুং ইন্না অনৌবা গ্রামিন রোজগর গেরেন্তী কার্দশিং ইসু তৌদ্রিবা ফাওবা চৎনবা য়াগনি।
- এক্ত অসিগী মখাদা কনানা এমপ্লোইমেন্তগীদমক ইলিজিবল ওইগনি?
খুঙ্গংগী য়ুমথোং খুদিংমক্তা চহি শুরবা মীওইশিংনা স্কিল য়াওদবা থবকশিং তৌনবগীদমক মশাগী ওইবা অয়াবা পীবা মীওই খুদিংমক্না এক্ত অসিগী মখাদা থবক পীবগীদমক ইলিজিবল ওইগনি।
- গ্রামিন রোজগার গরেন্তী কার্দকীদমক করম্না ইমুং অমনা রেজিস্তর তৌগনি?
এম.জি.এন.আর.ই.জি.এ. জোব কার্দ লৈতবা খুঙ্গংগী ইমুং অমা হেক্তনা গ্রাম রোজগার গেরেন্তী কার্দ ইসু তৌনবগীদমক গ্রাম পঞ্চায়ৎ অদুদা চহি শুরবা মীওই অমা হেক্তগী খুত্থাংদা ইমুং অদুগী মমীং, চহি অমসুং লৈফমগী অকুপ্পা মরোল পীদুনা রেজিস্ত্রেসনগীদমক এপ্লাই তৌবা য়াই।
- ইমুং অমনা করম্না থবক পীনবা হায়বা য়াগনি?
খুঙ্গংগী লমদমগী চহি শুরবা মীওইশিংনা গ্রাম পঞ্চায়ৎকী খুত্থাংদা থবক থিবা য়াগনি। গ্রাম পঞ্চায়ত, প্রোগ্রাম ওফিসর নত্ত্রগা ওথোরাইজ তৌরবা মীওই অমাহেক্তদা মমাংদা শিজিন্নরম্বা ফোর্ম 6৬ অদুগী খুত্থাংদা নত্ত্রগা দিজিতেল প্লেৎফোর্মশীংগী খুত্থাংদা এপ্লিকেসন অসি ওরেল ওইনা, অইবা ওইনা পীবা য়াই।
- নুমিৎ কয়ানিগী মনুংদা থবক পীগনি?
এপ্লিকেসনগী তাংদগী নুমিৎ ১৫নিগী মনুংদা থবক ফংহনগদবনি।
- করিগিম্বা থবক অদু নুমিৎ ১৫নিগী মনুংদা পীদ্রবদি করি তৌগনি?
অসিগুম্বা শিন্মীশিং অসি অনএমপ্লোইমেন্ত এলাৱেন্স ফংবগী হক লৈগনি।
- করিগুম্বা থবক পীদ্রবদা করম্বা অনএমপ্লোইমেন্ত এলাৱেন্স পীবা য়াবগে?
দিমান্দ তৌরিবা থবক অদুগী মতুং ইন্না পীখিবা মতমগী মনুংদা থবক ফংদ্রবদি, থবক ফংদ্রিবা মীওই অদুদা শেনবা চহি অদুগী অহানবা নুমিৎ কুনথ্রাগী মনুংদা নোতিফাই তৌরবা শেনফমগী শরুক মরি থোকপগী অমদগী হন্থদনা অমসুং লেমহৌরিবা মতম অদুদা নোতিফাই তৌরবা শেনফমগী শরুক অনি থোকপগী অমদগী হন্থদনা, থবক ফংদবগী এলাউন্সন অদু রাজ্য সরকারনা পীগনি।
- ভিক্সিৎ ভারত –জি রাম জি স্কিমগী মখাদা খুৎশুমলগী চাং হেনগৎকদ্রা?
হোয়, এক্ত অসিগী সেক্সন ১০গী প্রোভিজনশিংগী মতুংইন্না হেনগৎহল্লবা শেনফমগী রেৎশিং পীগনি। এক্ত অসিগী মখাদা অনৌবা খুৎশুমলগী রেৎশিং নোতিফাই তৌদ্রিবা ফাওবদা, হৌজিক লৈরিবা মহাত্মা গান্ধী এন.আর.ই.জি.এ.গী খুৎশুমলগী রেৎশিং অসি মখা তানা চৎনগনি।
- খুৎশুমলশিং অসি কয়াম তোইনা পীগনি?
খুৎশুমলশিং অসি চয়োলগী ওইনা পীগনি নত্ত্রগা করিগুম্বা ফিভম অমা হেক্তদা মস্তর রোল লোইরবা মতুং চয়োল অনিগী মনুংদা পীগনি।
- খুৎশুমলশিং অসি করম্না পীগনি?
বেঙ্ক নৎত্রগা পোস্ত ওফিসশিংদা শিন্মীশিংগী ইন্দিভিজুএল একাউন্তশিংদা দাইরেক্ত বেনিফিৎ ত্রান্সফরগী খুত্থাংদা হকথেংননা খুৎশুমল পীরি।
- করিগুম্বা খুৎশুমল পীবদা থিন্থরবদি করি তৌগনি?
করিগুম্বা খুৎশুমলশিং অদু মস্তর রোল লোইশিনখিবগী নুমিৎ ১৫নিগী মনুংদা পীদ্রবদি, খুৎশুমল থীরিবা মীওই অদুনা থিন্থরিবা নুমিৎ খুদিংগী পীদ্রবা খুৎশুমল অদুগী ০.০৫%গী চাংদা কম্পেন্সেসন ফংবা য়াই।
- অনৌবা এক্ত অসিগী মখাদা এতেন্দেন্স করম্না লৌগনি?
ৱার্কসাইতশিংদা লৈরিবা মীশিং অসি ফেস ওথেন্তিকেসনদা য়ুম্ফম ওইবা মীশিং য়েংবগী মেকানিজম অমগী মতেংনা লৌগনি। অদুম ওইনমক, সরকারনা পীবা গাইদলাইনশিংগী মতুং ইন্না নেৎৱার্ক কনেক্তিবিতী ফত্তবা নত্ত্রগা লৈতবা, তেক্নিকেল ইসুশিং, দিভাইসকা মরী লৈনবা প্রোব্লেমশিং নত্ত্রগা অতৈ অখন্নবা ফিভমশিংগুম্বা অশেংবা কেসশিংগীদমক্তসু অখন্নবা হেন্দলিং মেকানিজম অমা লৈগনি।
- শিন্মীশিংনা ৱার্কসাইত ফেসিলিতীশিং ফংগদ্রা?
হোয়, ৱার্কসাইত অদুদা ৱার্কসাইত ফেসিলিতীশিং লৈগদবনি। থবক শুফম অমদা থক্নবা ঈশিং, অঙাংশিংগীদমক মরুম অমসুং পোত্থাবগী মতম অমসুং ফার্স্ত এদ বোক্স অমা লৈগদবনি।
- লৌউ-শিংউগী পন্থাগী পীক মতমদা থবক মখা চৎথগদ্রা?
লৌউ-শিংউগী মরুওইবা মতমশিং হায়বদি মরু হুনবা অমসুং মহৈ-মরোং লোকপগী মতমশিংদা মতিক চাবা শিন্মী ফংহন্নবা, রাজ্য সরকারশিংনা এক্ত অসিগী মখাদা থবক পাইখৎকদবা পীক ওইবা লৌউ-শিংউগী মতমশিংগী মতম অমা খঙহনগনি।
- করিগুম্বা কিলোমিতর মঙাদগী হেন্না থবক তৌরবদি করি তৌগনি?
য়ারিবমখৈ, এপ্লিকেন্ত অদুগী খুঙ্গংগী কিলোমিতর ৫গী রেদিয়সতা থবক পীগনি। মদুদগী হেন্দোক্না পীবা তারবদি (অদুবু ব্লোক অদুগী মনুংদা), শিন্মীশিংদা ত্রান্সপোর্ত অমসুং হিংনবগী শেনফমগীদমক খুৎশুমলগী রেৎকী চাদা ১০গী অহেনবা পীরি।
- জিলাগী থাক্তা কনানা স্কিম ইমপ্লিমেন্ত তৌগনি?
দিস্ত্রিক্ত কল্লেক্তর নত্ত্রগা রাজ্য সরকারনা খল্লবা মান্নবা ওফিসর অদুনা দিস্ত্রিক্ত প্রোগ্রাম কোওর্দিনেতর (দি.পি.সি.) ওইনা মথৌ তৌগনি।
- প্রোগ্রাম ওফিসর ওইনা কনানা মথৌ তৌগনি?
ব্লোক দিবেলপমেন্ত ওফিসরগী থাক্তগী হন্থবা ওফিসর অমবু ব্লোক লেভেলদা প্রোগ্রাম ওফিসর ওইনা খল্লগনি।
- গ্রাম পঞ্চায়তশিংগী থৌদাং অসি করিনো?
গ্রাম পঞ্চায়তশিংনা স্কিম অসি ইমুংশিং রেজিস্তর তৌবা, থবক ফংনবগীদমক্তা এপ্লিকেসনশিং লৌবা, থবকশিং পাংথোকপা, স্কিম অসিগা মরী লৈনবা রেকোর্দশিং থম্নবা অমসুং ভিক্সিৎ গ্রাম পঞ্চায়ত প্লানশিং (ভি.জি.পি.পি.শিং) শেম-শাবা য়াওনা স্কিম অসি ইমপ্লিমেন্ত তৌবদা মরুওইবা থৌদাং লৌগনি।
- কন্ত্রেক্তরশিং অয়াবা পীগদ্রা?
নত্তে, এক্ত অসিগী মখাদা শেল থাদরিবা থবকশিং অদু পাংথোক্নবগীদমক কন্ত্রেক্তরশিং এঙ্গেজ তৌবা য়াদে।
- হেভি মেছিনরী শীজিন্নবা য়াব্রা?
নত্তে, থবকশিং অসি খুৎনা শুগদবনি অমসুং য়ারিবমখৈ লেবর-দিস্প্লেসিং মেছিন অমত্তা শীজিন্নরোইদবনি।
- এক্ত অসিগী মখাদা ফন্দ শিয়রিং পেত্তর্ন অসি করিনো?
ফন্দ শিয়রিং পেত্তর্ন অসি মখাদা পীরি:
- অৱাং-নোংপোক অমসুং হিমালয়ান স্তেৎশিংগীদমক ৯০:১০;
- লেজিস্লেচর লৈবা অতোপ্পা রাজ্যশিং/য়ু.তি.শিংগী ওইনা ৬০:৪০,
- লেজিস্লেচর লৈতবা য়ু.তি.শিংগীদমক ১০০% সেন্ত্রেল ফন্দিং।
- এক্তকী মখাদা রাজ্য অমমমগী এল্লোকেসনশিং করম্না লেপ্পগে?
স্তেত-ৱাইস নোরমেতিব এল্লোকেসনশিং অসি এক্ত অসিগী মখাদা প্রেস্ক্রাইব তৌরিবা ওবজেক্তিব পেরামিতরশিংদা য়ুম্ফম ওইদুনা কেন্দ্র সরকারনা লেপথোক্কনি।
- মেতরিএল এক্সপেন্দিচরগী চাদা কয়া ফাওবা অয়াবা পীবগে?
এক্ত অসিগী মখাদা মেতিরিএল কম্পোনেন্তকী এক্সপেন্দিচর অসি দিস্ত্রিক্তকী থাক্তা ৪০%দগী হেল্লোই।
- ৱার্কসাইত্তা করম্না ত্রান্সপরেন্সী লৈহনগনি?
থবক মফম খুদিংমক্তা "জনতা বোর্দ" অমা থম্বা তাই, মসিদা থবকগী অকুপ্পা মরোলশিং, থবক তৌবগী চাং, পোৎ-চৈগী চাং, অমসুং পোৎ-চৈগী মমলশিং তাক্কদবনি।
- স্কিম অসিগী খুমাং চাউশিনবগী মতাংদা করম্না মীয়ামদা খঙহনগনি?
মরুওইবা মেত্রিক্সকী দিজিতেল অমসুং ফিজিকেল দিস্প্লেশিং, মস্তর রোলশিং, পেমেন্তশিং অমসুং সেঙ্কসনশিং য়াওনা চয়োলগী ওইবা পব্লিক দিসক্লোজর সিস্তেমশিং লৈ। গ্রাম পঞ্চায়তশিংনা চয়োল খুদিংগী পাউদম্নবগী মীফমশিং পাংথোক্কদবনি।
- ভিক্সিৎ গ্রাম পঞ্চায়ত প্লান (ভি.জি.পি.পি.) অসি করিনো?
ভিক্সিৎ গ্রাম পঞ্চায়ত প্লান অসি ভিক্সিৎ ভারত @২০৪৭গা মরী লৈননা গ্রাম পঞ্চায়তশিংনা শরুক য়াবা অমসুং ইভিদেন্সতা য়ুম্ফম ওইবা প্লানিংগী খুত্থাংদা শেম-শারবা কনভর্জেন্সতা য়ুম্ফম ওইবা, তুংলমচৎকীদমক শেম-শারবা লোকেল দিবেলপমেন্ত প্লান অমনি।
- ভি.জি.পি.পি. অসি করিগীদমক মরু ওইরিবনো?
ভিক্সিৎ গ্রাম পঞ্চায়ত প্লান (ভি.জি.পি.পি.) অসি য়াম্না মরু ওই মরমদি এক্ত অসিগী মখাদা থবক পুম্নমক অসি গ্রাম পঞ্চায়তনা শেম্বা ভি.জি.পি.পি.শিংদগী হৌগদবনি অমসুং গ্রাম সভানা শরুক য়াবা পাম্বৈ অমগী খুত্থাংদা অয়াবা পীগদবনি। মসিনা মথৌ তাবা মতুং ইন্না, কনভর্জেন্স-ওরিএন্তেদ অমসুং সেচুরেসন-ফোকস তৌরবা রুরেল দিবেলপমেন্ত প্লানিংগী খুদোংচাবা ফংহল্লি।
- এক্ত অসিগী মখাদা করম্বা মখলগী থবকশিং অয়াবা পীবগে?
এক্ত অসিনা সস্তেনেবল অমসুং রেসিলেন্ত রুরেল দিবেলপমেন্ত প্রমোৎ তৌনবা পান্দম থম্লিবা মরুওইবা থীমেতিক দোমেন মরিগী মখাদা থবকশিং পাংথোকপদা অয়াবা পীরি:
• ঈশিংগী সেক্যুরিতীগী থবকশিং
• কোর রুরেল ইনফ্রাস্ত্রকচর
• হিংনবগী লম্বীগা মরী লৈনবা ইনফ্রাস্ত্রকচর
• এক্সত্রিম ৱেদর মিতিগেসন ৱার্কশিং
- অতোপ্পা স্কিমশিংগা লোয়ননা কনভর্জেন্স তৌগদ্রা?
হোয়, এক্ত অসিনা সেন্ত্রেল, স্তেৎ অমসুং লোকেল স্কিমশিংগা পুনশিন্নদুনা 'সিঙ্গল প্লান, মল্তি-ফন্দিং' এপ্রোচ অমা প্রোমোৎ তৌরি।
- পি.এম.এ.ৱাই.-জিগী থবকশিং অসি পর্সন-দেস ৱেজ সপোর্ত ৯০/৯৫ ফাওবা চংবা য়াব্রা?
হোয়, হাউজিং পি.এম.এ.ৱাই.-জি.গী থবকশিং অসি চৎনবা য়াবা গাইদলাইনশিংগী মতুং ইন্না পর্সন-দেস ৱেজ সপোর্ত ৯০/৯৫গী প্রোভিজনগীদমক এক্ত অসিগী মখাদা লৌখৎপা য়াগনি।
- মহৌশাগী ওইবা খুদোংথিবশিংগী মনুংদা রিলেক্সেসনশিং লৈব্রা?
হোয়, সেন্ত্রেল গবর্নমেন্তনা মহৌশাগী ওইবা খুদোংথীবা নত্ত্রগা অখন্নবা ফিভমগী মতমদা রাজ্য সরকারগী রিকমেন্দেসনগী মতুং ইন্না অয়াবা পীরবা থবকশিং পাকথোক-চাউথোকহনবা, লেম্না থবক পীবা হেনগৎহনবা অমসুং দোক্যুমেন্তেসনগী চৎন-কাঙলোনশিং কোমথোকপা অসিনচিংবা অখন্নবা কোমথোকপশিং পীবা য়াই।
রিফরেন্স
রুরেল দিবেলপমেন্ত মন্ত্রালয়
পি.দি.এফ. ওইনা য়েংনবা মসিদা নম্বীয়ু
****
(রিলিজ আই.দি.: 2259866)
ভিজিতর কাউন্তর : 10