প্রধান মন্ত্রী শ্রী নরেন্দ্র মোদীনা ঙসি কর্নাতকাগী বেঙ্গালুরুদা দি আর্ত ওফ লিভিংগী ৪৫শুবা চহিগী থৌরমদা শরুক য়াখ্রে। থৌরম অদুগী অফবা মওং-মতৌ অদুগী মতাংদা পল্লদুনা, প্রধান মন্ত্রীনা অঙাংশিংনা বেদিক মন্ত্রশিংগী খুত্থাংদা তরাম্না ওকপা, ভগবান গনেশকী দর্শন, শ্রী শ্রী রবি শঙ্কর জীগী ৭০শুবা চহি অমসুং আর্ত ওফ লিভিংগী ৪৫শুবা চহিগী থৌরমশিংগা লোয়ননা অখন্নবা অয়ুক অদুগী মতাংদা শন্দোক্না তাকখি। শ্রী মোদীনা হায়খি, "মসি ঐহাক্না মতম পুম্নমক্তা নীংশিংদুনা লৈহৌগদবা মীকুপশিংনি।"

ঈশ্বরগী ওইবা অমসুং অচৌবা মেদিতেসনগী লাইশঙ অসি শঙ্গারদুনা প্রধান মন্ত্রীনা অসিগুম্বা অখন্নবা ইন্সতিত্যুসনশিংগী মরুওইবা অদু ফোংদোকখি অমসুং মখোয়গী অনৌবা লাইশঙ অসিগীদমক আর্ত ওফ লিভিংগী ইমুং-মনুং অসিদা য়াইফ-পাউজেল পীখি। "করিগুম্বা ৱারেপ অদু ময়েক শেংলবদি অমসুং থবক অদু সেবাগী ৱাখল্লোনগা লোয়ননা পাংথোক্লবদি, হোৎনরিবা পুম্নমক্না অফবা মহৈ অমা পীগনি" হায়না শ্রী মোদীনা ফোংদোকখি।

বেঙ্গালুরুগী অখন্নবা ফিভমগীদমক থাগৎপা ফোংদোক্লদুনা, প্রধান মন্ত্রীনা হায়খি মদুদি সহর অসি মালেমগী ওইনা সোফৱেয়র অমসুং সর্ভিসকীদমক্তা খক নত্তনা ভারতকী কলচরেল আইদেন্তিতী অমসুং স্পিরিচুএল কন্সয়সনেস হেনগৎহন্নবগীদমক্তসু শকখঙনরি। শ্রী মোদীনা হায়খি, “স্পিরিচুএলিতী অমসুং স্পিরিচুএল ওইবা ৱাখল্লোন অসিসু সহর অসিনা অনৌবা অৱাংবা থাক্তা পুখৎলে।"

ভারতকী ভেল্যুশিংগী মপুং ওইবা শরুক অমা ওইনা য়োগ, মেদিতেসন অমসুং প্রানায়ামগী অচেৎপা হৌরকফমশিং থিদোক্লদুনা প্রধান মন্ত্রীনা ভারতকী স্পিরিচুএল হেরিতেজকী মালেমগী ওইবা ইথিল অমসুং ইন্সতিত্যুসন কয়াদা ইথিল পীবগী মাগী থৌদাং অদু পনখি। “ঙসিদি মালেম পুম্বদা লৈরিবা মীওইশিংনা ভারতকী স্পিরিচুএল ভেল্যুশিংদগী ইথিল ফংলি অমসুং ভারতকী ইন্সতিত্যুসন কয়াসু অরিবা ভেল্যুশিং অসিদগী ইথিল লৌরি," হায়না শ্রী মোদীনা ফোংদোকখি।

অরিবা মতমগী স্পিরিচুএল ভেল্যুশিং অসিদগী ইথিল লৌরদুনা, প্রধান মন্ত্রীনা চহি ৪৫গী মমাংদা শ্রী শ্রী রবি শঙ্কর জীনা মতৌ করম্না আর্ত ওফ লিভিংগী মরু থাখিবগে হায়বদু নিংশিংখি। মসি হৌজিক অচৌবা খোঙনাং পাম্বী অমা ওইরক্লি। শ্রী মোদীনা হায়খি, "ঙসিদি মসি ঐখোয়গী মাংদা অচৌবা খোঙথাং পাম্বী অমা ওইনা লেপ্পী, মসিগী মশাগী লিশিং কয়ানা মালেম শীনবা থুংনা লৈরিবা মীওই কয়াগী পুন্সিদা য়ৌবা ঙমহল্লি,” হায়না শ্রী মোদীনা ফোংদোকখি।

ভারতকী লোলশিং, নাৎশিং, চৎনবীশিং অমসুং লাইনিং লাইশোনগী চৎনবীশিং য়াওনা ইনাক খুল্লবা শক্তম অদু পল্লদুনা প্রধান মন্ত্রীনা মসিগী ফজরবা মখল কয়া অসি পুনশিন্নরিবা অদুগী মরুওইবা ৱাহং অমা হংখি। শ্রী মোদীনা হায়খি, "মসিগী পাউখুমদি ইশাগীদমক হিংবা নত্তে, অতোপ্পশিংগীদমক হিংবনি।"

পুরানশিংদগী অরিবা মতমগী লৌশিং পল্লদুনা, প্রধান মন্ত্রীনা হায়খি মদুদি অতোপ্পদা মতেং পাংবা হায়বসি অফবা অমনি অদুগা অৱাবা পীবা হায়বসিদি পাপ অমনি। মহাক্না হায়খি মদুদি ভারতকী খুন্নাইদা মতেং পাংবা হায়বসি মহৌশাগী ওইবা থৌওংনি। শ্রী মোদীনা হায়খি, "সেবা পরমো ধর্মা অসি ঐখোয়গী খুন্নাইগী মহৌশাগী ওইবা মওংনি।"

ভারতকী স্পিরিচুএল মুভমেন্ত কয়ানা মীওইবা খুন্নাইগী সেবাগী খুত্থাংদা মশক তাক্লি হায়না পল্লদুনা, প্রধান মন্ত্রীনা আর্ত ওফ লিভিংগী হোৎনরিবা খুদিংমক্তা চপ মান্নবা ৱাখল্লোন অদু উবদা নুংঙাইবা ফোংদোকখি। আর্ত ওফ লিভিংগী খোঙচৎকা মরী লৈনবা ভোলুন্তিয়র খুদিংদা নুংঙাইবা ফোংদোক্লদুনা, প্রধান মন্ত্রীনা মখোয়গী থৌনা অমসুং সেবাগী ৱাখল্লোনবু থাগৎপা ফোংদোকখি।

খুন্নাইগী ওইবা থৌদাং অসি মিসন অমা হেক্তগী মাই পাকপগীদমক তঙাইফদবা অমনি হায়না পল্লদুনা প্রধান মন্ত্রীনা মরুওইবা পান্দমশিং ফংনবগীদমক খুন্নাইগী শক্তি হেনগৎহনবা অসি তঙাইফদবা অমনি হায়না অকনবা ৱাফম থমখি। রাজনীতিগী পথাপশিং অমসুং লৈঙাকশিংদগী খুন্নাইনা হেন্না শক্তি লৈ হায়বা মহাক্কী মতম শাংনা লৈরক্লবা থাজবা অদু মহাক্না ফোংদোকখি। অমসুং কম্ম্যুনিতীশিংনা নেসন-বিল্দিংদা এক্তিব ওইনা শরুক য়াদ্রবদি লৈঙাক অমত্তনা তশেংনা মায় পাকপা ঙম্লোই হায়না মহাক্না ফোংদোকখি। মহাক্না স্বচ্ছ ভারত মিসনবু খুদম অমনি হায়না পল্লদুনা হায়খি মদুদি সরকারগী খোঙথাং অমা ওইনা হৌরকখিবা অসি মীয়ামগী পুন্সিগী মহৌশাগী ওইবা শক্তম অমদা শাগৎলক্লি, হৌজিক্তি খুন্নাইগী মশাগী খোঙজেলনা মাংলোমদা চংশিল্লি। খুন্নাইগী শক্তিনা শরুক য়াবা মতমদা কেম্পেন অমা হেক্তদা মায় পাকপা ঙমগনি হায়না পল্লদুনা শ্রী মোদীনা হায়খি, "মসিগুম্বা মরুওইবা মিসন খুদিংমক্কীদমক খুন্নাইগী শক্তি পুথোকপা অসি য়াম্না মথৌ তাই।"

এক্তিব সোসাইতী এঙ্গেজমেন্তনা লৈবাক্কী খ্বাইদগী চাউবা শিংনবশিং অসিগী অপুনবা সোলুসনশিং ফংহল্লি হায়না পল্লদুনা, প্রধান মন্ত্রীনা আর্ত ওফ লিভিংবু মসিগী ইনিসিয়েতিবশিংদা খুন্নাইগী মপাঙ্গল অসি লেপ্পা লৈতনা শীজিন্নবগীদমক থাগৎখি। মহাক্না চাউখৎ-থৌরাংগী প্রোগ্রামশিংগী খুত্থাংদা ওর্গনাইজেসন অসিগী সোসিএল এপ্রোচকী থাগৎপা ফোংদোকখি। মসি উ থাবগী কেম্পেন, রুরেল স্মার্ত ভিলেজ সেন্তরশিং, নুপী অমসুং ত্রাইবেল এম্পাৱরমেন্ত ইনিসিয়েতিবশিং, নৎত্রগা জেলদা লৈবা মীওইশিংগীদমক মেন্তেল হেল্থ প্রোগ্রামশিং য়াওরি। শ্রী মোদীনা হায়খি, "মসিগুম্বা হোৎনরিবশিং অসিনা লৈবাক অমসুং খুন্নাইগী চাউখৎ থৌরাংগী খোঙচৎতা চাউনা মতেং পাংলি।"

নহারোলশিংবু মপাঙ্গল কনখৎহনবদা অখন্নবা মীৎয়েং থম্লিবা মীওই খুদিংমকপু থাগৎলদুনা প্রধান মন্ত্রীনা হায়খি মদুদি সাইন্তিফিক এদভান্সমেন্ত অমসুং ইন্নোবেসননা লমজিংবা ঙসিগী মালেমগী অঙকপা অহোংবশিং অসি য়েংলগা মীৎয়েং অসি য়াম্না মরু ওই। ভারত অসি অসিগুম্বা অহোংবশিং অসিদা শরুক য়াবতা নত্তনা সেক্তর কয়াদা লমজিংদুনা লাক্লি, দিজিতেল পেমেন্ত, ইনফ্রাস্ত্রকচর পাকথোক চাউথোকহনবা অমসুং স্তার্তঅপ ইকোসিস্তেমশিংদা অখন্নবা মাইপাকপা কয়া লৈরি হায়না মহাক্না ফোংদোকখি। ভারতকী নহারোলশিংনা স্পেস তেক্নোলোজীদা খুমাং চাউশিল্লি অমসুং অসিগুম্বা নেস্নেল মাইপাকপশিং অসিদা তেংবাংলি হায়না মহাক্না ফোংদোকখি। শ্রী মোদীনা হায়খি, "ভারত অসি অহোংবা অসিদা শরুক য়াবতা নত্তনা, লম কয়াদা লমজিংলি।" ভারতকী নহারোলশিংবু মসিগী মাইপাকপশিংগীদমক থাগৎপা ফোংদোক্লদুনা, প্রধান মন্ত্রীনা আর্ত ওফ লিভিংনা নহারোলশিংদা অনৌবা মতমগী শিংনবশিং অসিগী পাম্বৈ পুথোকপদা মতেং পাংলিবা অদু খঙখি।

তেক্নোলোজীনা অরাপ্পা মীওইশিংবু থুনা শম্নহন্নবগী শক্তি লৈ হায়বা খঙলদুনা, প্রধান মন্ত্রীনা মীয়ামগা মশাগা শম্নবগী মপাঙ্গল অদু কনখৎহনবগী তঙাইফদবা অদুদা অকনবা ৱাফম থমখি। মহাক্না হায়খি মদুদি ভারতকী চাউখৎলবা তুংলমচৎ অসি ৱাখল শান্তি লৈবা, খুন্নাইগী ওইবা থৌদাং লৌবা ঙম্বা অমসুং খুন্নাইগী মথৌ তাবশিংদা সেন্সিতিব ওইবা নহারোলশিং শেমগৎপদা মখা পোল্লি। মহাক্না স্পিরিচুএল ৱেলফেয়র, মেন্তেল হেল্থ, য়োগ অমসুং মেদিতেসনগী মতাংদা থবক তৌরিবা ইন্সতিত্যুসনশিংনা কলচরেল এন্দরস্তেন্দিংগী খুদোংচাবশিং ফংহন্দুনা কনেক্সন, বিলোংগিংনেস অমসুং কলেক্তিব রেস্পোন্সিবিলিতি হেনগৎহনবদা মরুওইবা থৌদাং লৌরি হায়না অকনবা ৱাফম থমখি। শ্রী মোদীনা হায়খি মদুদি, "মসিগুম্বা ৱাখলনা শান্তি লৈবা, খুন্নাইগী ওইবা থৌদাং লৌবা অমসুং খুন্নাইগীদমক্তা সেন্সিতিব ওইবা নহাশিংগী খুত্থাংদা ভিক্সিৎ ভারত অমা শেম্লগনি।"

নৌনা শঙ্গাখিবা মেদিতেসনগী লাইশঙ অসিনা মীওই লিশিং কয়াগীদমক শান্তি অমসুং হকচাং ফনা লৈনবা মফম অমা ওইগনি হায়না থাজবা থম্লদুনা প্রধান মন্ত্রীনা হায়খি মদুদি খুন্নাই অসিনা লৈবাক অসিগীদমক্তা মসিগী মথৌশিং অসি শিংথানিংঙাই ওইনা পাংথোক্লি। মহাক্না অপুনবা লৈবাক্কী চাউখৎ-থৌরাংগীদমক মরুওইবা আপিল কয়া অমা মখোয়গী মমাংদা থমখি।

ভারতকী অপুনবা চাউখৎ-থৌরাংগীদমক আর্ত ওফ লিভিংগুম্বা ওর্গনাইজেসনশিংনা লৌরিবা মরুওইবা থৌদাং অদু পল্লদুনা প্রধান মন্ত্রীনা লৌমীশিংবু মহৌশাগী ওইবা লৌউ-শিংউগী থবকশিংগা শম্নহনবদা অখন্নবা মীৎয়েং থম্নবা তকশিনখি। মহাক্না সস্তেনেবল এগ্রিকলচরবু আর্ত ওফ লিভিংগী মশক অমা ওইনা ফ্রেম তৌখি। কেমিকেলশিংদগী ইমা পৃথীবি ঙাকথোকপা হায়বসি স্পিরিচুএল প্রেক্তিস অমসুং এনভাইর্নমেন্তেল স্তেৱার্দশিপ অনিমক ওই হায়না মহাক্না ফোংদোকখি। শ্রী মোদীনা হায়খি, "নেচরেল ফার্মিং শিজিন্নবা অমসুং কেমিকেলশিংদগী ইমা পৃথীবি কনবা অসিসু পুন্সি মহিংগী আর্তনি।"

"এক পের মা কে নাম" কেম্পেন পাক-চাউনা শন্দোক্নবা পুক্নিং থৌগৎলদুনা, প্রধান মন্ত্রীনা অকোইবগী ফীভম ঙাক-শেনববু অফবা পুন্সি মহিংগী ফিলোসোফীগা হকথেংননা মরী লৈনহনখি। মহাক্না হায়খি, "মহৌশাগী অকোয়বগী ফিভম ঙাক শেনবা অসিসু হিংবগী কলা অমনি।" মহাক্না মিসন অসিগীদমক নৌনা থৌদাং লৌনবা হায়খি।

"প্র দ্রোপ, মোর ক্রোপ" ইনিসিয়েতিবকী খুত্থাংদা লৌমীশিংগী মরক্তা ঈশিং মেনেজমেন্তগী থবকশিং ফগৎহন্নবা প্রধান মন্ত্রীনা ফোংদোকখি। মহাক্না হায়খি মদুদি খুন্নাইগী ওইবা মতেং পীনবনা ফল হেনগৎহনগনি। লাক্কদৌরিবা নোংজু থা অসি য়েংলগা হায়রিবা থবক অসি য়াম্না তঙাই ফদবা অমনি হায়না মহাক্না ফোংদোকখি। মসিনা ঈশিং য়োকশিনবগী মতাংদা মীয়ামদা খঙহনবগী খ্বাইদগী ফবা মতম অমা ওইরি। শ্রী মোদীনা হায়খি মদুদি “ঈশিং মরি খুদিংমক য়োকশিনবা অসিসু পুন্সিগী কলা অমনি”।

ইলেক্ত্রিসিতী কঞ্জার্বেসন, সিঙ্গল য়ুজ প্লাস্তিক মুত্থৎপা অমসুং লোকেল ওইনা পুথোকপা পোৎলমশিং প্রমোৎ তৌবা অসি য়াওহন্দুনা রেস্পোন্সিবল লিভিংগী ভিজন অসি পাকথোক চাউথোকহন্দুনা, প্রধান মন্ত্রীনা হায়রিবা থবকশিং অসি আর্ত ওফ লিভিং ফিলোসোফীগা শম্নখি। মহাক্না সরকারগী মিসন লাইফ ইনিসিয়েতিবকী মতাংদা পনখি। মসিনা মহৌশাগা হরমোনিদা লৈহন্দুনা হেন্না থৌদাং লৈনা অমসুং এৱারনেস লৈনা হিংবদা মতেং পাংই। শ্রী মোদীনা হায়খি, "মসিগুম্বা মহৌশাগী ফিভমগা চুনবা পুন্সি মহিং অসিসু হিংবগী কলা অমনি।"

লাক্কদৌরিবা নুমিৎশিংদা ওর্গনাইজেসন অসিনা অসিগুম্বা মরুওইবা হীরমশিং অসিদা অহেনবা প্রাইওরিতী পীগনি হায়না থাজবা থম্লদুনা প্রধান মন্ত্রীনা ৱারোইশিন পীখি।

Speaking at the 45th anniversary celebrations of The Art of Living in Bengaluru. @ArtofLiving https://t.co/AX7Z2T0gXY

— Narendra Modi (@narendramodi) May 10, 2026

बेंगलुरू का माहौल...यहां का वातावरण...कुछ अलग ही होता है।

ये शहर software और services के लिए दुनिया भर में जाना जाता है।

लेकिन भारत की सांस्कृतिक पहचान... Spirituality...आध्यात्मिक चेतना को भी इस शहर ने नई ऊंचाई दी है: PM @narendramodi

— PMO India (@PMOIndia) May 10, 2026

सेवा परमो धर्मः ...ये हमारे समाज का स्वाभाविक चरित्र है: PM @narendramodi

— PMO India (@PMOIndia) May 10, 2026

हमारा स्वच्छ भारत अभियान... ये सिर्फ सरकारी कार्यक्रम नहीं है बल्कि ये लोगों के जीवन का स्वाभाविक हिस्सा बन चुका है।

अब ये समाज की शक्ति से ही आगे बढ़ रहा है: PM @narendramodi

— PMO India (@PMOIndia) May 10, 2026

विकसित भारत का निर्माण ऐसे युवाओं से ही होगा... जो मानसिक रूप से शांत हों, जो सामाजिक रूप से जिम्मेदार हों, जो समाज के प्रति संवेदनशील हों: PM @narendramodi

— PMO India (@PMOIndia) May 10, 2026

***