২০২৬ দা ব্রিক্সগী চিয়ার লৌবগা লোয়ননা, ন্যু ইন্দষ্ট্রিয়েল রিভোলুসনদা ব্রিক্স পার্তনরশিপকী মখাদা এম.এস.এম.ই মতেং পাংনবগীদমক ভারতনা অনৌবা এজেন্দা অমা পুথোক্লি। ভারতনা চিয়ারসিপ লৌরিঙৈ মনুংদা, এস.এম.ই ৱার্কিং গ্রুপ মীফম অহুম অমসুং ব্রিক্স এম.এস.এম.ই ফোরম হৌদোক্নবা এম.এস.এম.ই মিনিষ্ট্রিনা ৱারেপ লৌরে।

“এম.এস.এম.ইশিংদা শেন থাদবা” হায়বদা মীৎয়েং চঙদুনা এপ্রিল ২৪,২০২৬ দা মাইপাক্না অহানবা এস.এম.ই ৱার্কিং গ্রুপ মীফম (ৱেবিনার) পাংথোকখ্রে। “ফাইনান্সিএল ইনক্লুসন, লিতেরেসি অমসুং ক্রেদিদ রেদিনেসগী খুৎথাংদা এম.এস.এম.ইদা শেন্থং পীবা ৱাৎলিবা অসি মেনখৎপা” অমসুং “এস.এম.ই ক্রেদিদ হেনগৎহনবা অমসুং মালেমগী ললোন-ইতিক্কী শেন পীনবগী থবকশিং ফগৎহনবা” হায়বা থিমশিংদা ব্রিক্স মেম্বর লৈবাকশিংগী মরক্ত খন্ন-নৈনখি।

ৱেবিনার অদুদা ব্রিক্স মেম্বর লৈবাকশিং থৱায় য়াওনা শরুক য়াখিঅমসুং এম.এস.এম.ইদা শেন থাদবদা থেংনরিবা খুদোংচাবশিং অমসুং খুদোংচাবশিংগী মতাংদা খ্বাইদগী ফবা থবকশিং পীথোক-পীশিন তৌন্নবা মরুওইবা মফম অমা ওইরে। শেন-থুম চাউখৎনবা, থবক পীনবা, ইন্নোবেসন অমসুং পুন্না চাউখৎনবা এম.এস.এম.ইশিংনা লৌরিবা মরুওইবা থৌদাংশিং খন্নখি অমসুং মতম চানা অমসুং মরাংকাইনা শেন্থং পীবদা থেংনরিবা খুদোংচাদবশিং পনখি। খুদিংমক শেন-থুমগী কান্নবা ফংহন্দুনা অমসুং শেন-থুমগী থবকশিংগী মতাংদা খঙবা হেনগৎহন্দুনা অমসুং এম.এস.এম.ইশিংগী ক্রেদিদকী থবক ফগৎহন্দুনা অৱাৎপশিং মেনখৎনবা মাইথোং য়াম্বা থৌরাং অমা দরকার ওইরে হায়না খন্ন-নৈনবা অদু তকশিনখি।

ইন্সতিতুসনশিংগী কেপাসিতি হেনগৎহন্নবা, অনৌবা শেন-থুমগী থবকশিং য়োকখৎনবা অমসুং এম.এস.এম.ই ফাইনান্সকী অফবা ফিবম অমা শেমগৎনবা ব্রিক্স ইকোনোমিশিংগী মরক্ত পুন্না থবক তৌমিন্নবা হেনগৎহনবগী মরুওইবা অদু মীফম অদুদা মখা তানা খন্নখি। চপ মান্নবা চাউখৎ-থৌরাংগী খুদোংচাদবশিং মায়োক্নরিবা ব্রিক্স মেম্বর লৈবাকশিংগী মরক্ত মমল য়াম্লবা থৌশিলশিং পীথোক-পীশিন তৌনবা অমসুং ব্রিক্স ইকোনোমিশিং শীনবা থুংনা মালেমগী ওইনা চাংদম্নবা ঙম্লবা এম.এস.এম.ই সেক্তরশিং ফগৎহন্নবা অমুক হন্না অচেৎপা থাজবা থমখি।

***