ঙসি প্রধান মন্ত্রী শ্রী নরেন্দ্র মোদীনা লুচিংবা কেবনিতে কম্মিনিতি ওন ইকোনোমিক এফেয়ার্সনা লুপা করোর ২৩,৪৩৭ গী রেলৱেজ মিনিষ্ট্রিগী প্রোজেক অহুম অয়াবা পীরে। প্রোজেকশিং অদুদা য়াওরিবদি:

a)     নাগদা-মথুরা ৩শুবা অমসুং ৪শুবা লাইন

b)     গুনতাকাল-ৱাদি ৩শুবা অমসুং ৪শুবা লাইন

c)     বুরহৱাল-সিতাপুর ৩শুবা অমসুং ৪শুবা লাইন

লাইন হেনগৎলকপা অসিনা চৎথোক-চৎশিন শিংথাবা য়ানা ফগৎহনগনি, মসিনা ভারত রেলৱেজগী থবক ফজনা পাংথোকপা হেনগৎহনগনি। থবকশিং ফজনা পাংথোক্নবা অমসুং চিনবা হন্থহন্নবা ত্রেক মশিং য়ামখৎহন্নবা থবক পায়খৎলকপনি। মীয়াম থবক ফংবা/মশানা মশাবু থবক পীজনবগী খুদোংচাবশিং হেনগৎহন্দুনা লমদম অসি অপুনবা ওইনা চাউখৎহন্দুনা লমদম অসিগী মীয়াম অত্মনির্ভর ওইনবা প্রধান মন্ত্রী শ্রী নরেন্দ্র মোদীগী পান্দমগী শরুক অমা ওইনা প্রোজেকশিং অসি পায়খৎলকপনি।

অপুনবা ওইনা থৌরাং তৌবা অমসুং মরী লৈনবশিং খন্ন-নৈনবগী খুৎথাংদা মল্তি-মোদাল কন্নেক্তিবিতি অমসুং লোজিষ্টিক্স হেনগৎহন্নবা মীৎয়েং থমদুনা প্রোজেকশিং অসি পি.এম-গাতি শক্তি নেসনেল মাষ্টর প্লান্দা থৌরাং তৌবনি। প্রোজেকশিং অসিনা মীয়াম, পোৎ-চৈশিং অমসুং থবকশিং অপনবা লৈতনা চৎথোক-চৎশিন য়াহনগনি।

প্রোজেক অহুম অসিনা মধ্য প্রদেস, রাজস্থান, উত্তর প্রদেস, কর্নাতকা, অন্ধ্র প্রদেস অমসুং তেলঙ্গানা রাজ্যশিংগী জিলা ১৯ রোম কোনশিন্দুনা ভারত রেলৱেজগী হৌজিক লৈরিবা নেতৱার্কশিং কিমি ৯০১ রোম হেনগৎহনগনি।

পায়খৎকদৌরিবা মল্তি-ত্রেক্কিং প্রোজেক অসিনা অপুনবা মীশিং লাখ ৮৩ রোম লৈবা খুঙ্গং ৪,১৬১ রোমগী চৎথোক-চৎশিন ফগৎহনগনি। 

পায়খৎকদৌরিবা প্রোজেক অসিনা মহাকালেশ্বর, রণথম্ভোর নেসনেল পার্ক, কুনো নেসনেল পার্ক, কেওলাদেও নেসনেল পার্ক, মথুরা, বৃন্দাবন, মন্ত্রালয়ম (শ্রী রাঘবেন্দ্র স্বামী মঠ), শ্রী নেত্তিকান্তি অঞ্জনেয়া স্বামী ভারি মন্দির (কাসাপুরম), শ্যামনাথ মন্দির, নৈমিষারণ্য (নীমসার) য়াওনা লৈবাক শীনবা থুংবগী মরুওইবা লমকোয়ফমশিংদা রেল য়ৌবা হেনগৎহনগনি।

পায়খৎকদৌরবা প্রোজেকশিং অসিনা কয়লা, চীঞ্জাকশিং, বিলাতিমাতি, পি.ও.এল, য়োৎ অমসুং ষ্টিল, কন্তেন্নর, হার, চিনি, কেমিকেল সোল্তশিং, সুনু নুঙগুম্বা পোৎ-চৈশিং পুথোক-পুশিনগী তঙাইফদবা লম্বীশিং ওইরগনি। রেলৱেজগী কেপাসিতি হেনগৎহনগদবা থবক অসিনা ৬০ এম.তি.পি.এগী অহেনবা ফ্রেদ ত্রাফিক পুবা ঙমহনগনি। রেলৱেজনা মহৌশাগী অকোয়বগী ফিবম শোকহন্দবা অমসুং ইনর্জি য়াম্না চঙহন্দবা ত্রান্সপোর্তেসন মখল ওইবনা, মসিনা মপান লৈবাক্তগী থাউ লিতির করোর ৩৭ পুশিল্লকপা হন্থহনগনি, উ পাম্বী করোর ৭ থাবগা মান্নবা কার্বোনদাইওক্সাইদ থাদোকপা (কেজি করোর ১৮৫) হন্থহন্দুনা লৈবাক অসিগী ক্লাইমেত গোলশিং ফংবা অমসুং পোৎ-চৈ পুথোক-পুশিন্দা চঙবা শেনফম হন্থহনবদা মতেং পাংগনি।

***