২০২৬গী মে ৩, ইন্তর্নেস্নেল সন দেনা লাকপদা ন্যু অমসুং রিন্যুএবল ইনর্জী মন্ত্রালয় (এম.এন.আর.ই.) না 'রন ফোর সন' মরাথোন পাংথোকখ্রে - মসিনা য়ুম মিলিয়ন কয়া অমসুং পুন্সি কয়াদা মঙাল পুরকখিবা অমসুং তুংগী মীরোনগীদমক্তা মখা তানা পুরক্কদবা সৌর শক্তিদা ইকায় খুম্নবা উৎলি।

থৌরম অদুদা সোলর ইনর্জীগী ইনস্তোল তৌরবা কেপাসিতি মেগাৱাৎ ১,৫০,০০০ হেনবা অমসুং পি.এম. সুর্য় ঘর: মুফ বিজলি য়োজনা (পি.এম.-এস.জি.এম.বি.ৱাই.) গী মখাদা অহোংবা পুরকপা ঙম্বগী পালন তৌখি, মসিগী মখাদা থা অমা খক্তদা সোলররুফ তোপ ইনস্তোলেসন লাখ ৩০ তৌখি লোয়ননা ২০২৬গী এপ্রিল থাদা ইনস্তোলেসন লাখ ২.৭ লোইশিনবা ঙমদুনা লৈবাক অসিগী ইমুং লাখ ৪৫ হেনবদা রুফতোপ সোলরগী কান্নবা ফংখি।

নোংচুপ থংবা এসিয়াদা ইনর্জীগী অকিবা হেনগৎলক্লিবা অসিগী মতাংদা, ভারতকী রিন্যুএবল ইনর্জী সেক্তর অমসুং অখন্ননা সোলর ইনর্জীনা আত্মানির্ভরতা অসি এস্পিরেসনদগী রিএলিতীদা ওন্থোকখ্রে। চহি অসিগী মার্চ ৩১ ফাওবদা, ভারতকী অপুনবা সোলার কেপাসিতি অসি ২০১৪দা ২.৮২ গিগাৱাৎ ওইরম্বা অদুদগী ১৫০ গিগাৱাৎ ওইখ্রে। মসি চহি ১২দা ৫৩গী চাংদা হেনগৎলকপনি। অরোইবা ৫০ জি.দবল্যু. অসি থা ১৫ খক্তদা হাপচিনখি, মসি ঐখোয়গী পুৱারীদা খ্বাইদগী থুনা হাপচিনখিবনি। ভারতকী ইনস্তোল তৌরবা ইলেক্ত্রিসিতী কেপাসিতীগী চাউরাক্না ৫০%দি হৌজিক্তি নন-ফোসিল ফ্যুল সোর্সশিংদগী লাক্লি। ২০৩০গী মতমগী মমাংদা পান্দম অসি ফংবা ঙম্লে। মসিনা ক্লিন ইনর্জী ত্রাঞ্জিসনদা মালেমগী লুচিংবা অমা ওইনা ভারতকী থাক অদু মপাঙ্গল কনখৎহল্লে।

"রন ফোর সন" অসিদা মেজর ধ্যান চান্দ নেস্নেল স্তেদিয়ম, নই দিল্লীদা কিলোমিতর ২ অমসুং কিলোমিতর ৫গী রেসশিং পাংথোকখি। মসিদা চহি কাংলুপ খুদিংমক্কী নাগরিকশিংনা থৱায় য়াওনা শরুক য়াখি। মসিনা ভারতকী ক্লিন ইনর্জী মিসনগীদমক মীয়াম্না হেন্না হেন্না খঙনরক্লিবা অদু উৎলি।

থৌরম অদুদা ৱা ঙাংলদুনা, ন্যু অমসুং রিন্যুএবল ইনর্জী মন্ত্রালয়গী সেক্রেতরী শ্রী সন্তোশ কুমার সরঙ্গিনা হায়খি মদুদি 'রন ফোর সন' অসি মরাথোন অমা খক্তা নত্তে, মসি হেন্না সস্তেনেবল অমসুং আত্মনির্ভর ভারত অমগী মায়কৈদা অপুনবা খোঙথাং অমনি। ভারতনা রিন্যুএবল ইনর্জীদা মালেমগী লুচিংবা অমা ওইনা মপাঙ্গল কনখৎলকপগা লোয়ননা পি.এম. সুর্য় ঘর: মুফ বিজলি য়োজনাগী খুত্থাংদা সোলর ইনর্জী ফংহনবদা মীৎয়েং চংলি হায়না মহাক্না অকনবা ৱাফম থমখি । মসিনা ক্লিন ইনর্জী ত্রাঞ্জিসনগী কান্নবা অসি ইমুং খুদিংদা ফংহনগনি হায়না মহাক্না ফোংদোকখি।

ভারত অসি হৌজিক্কী ওইনা ইনস্তোল তৌরবা রিন্যুএবল ইনর্জী কেপাসিতীগী মতাংদা মালেমগী ওইনা অহুমশুবা মফমদা লৈরি। 'রন ফোর সন' থৌরম অসিনা ভারতকী সোলর ইনর্জীগী খোঙচৎকী মগুন অদু ময়েক শেংহন্নবা অমসুং লৈবাক শিনবা থুংনা সোলর দিপ্লোইমেন্ত হেন্না য়াংশিন্নবগীদমক মাগী মোমেন্তম অসিদা য়ুম্ফম ওইরগা প্লেৎফোর্ম অমা ওইখি।

থৌরম অসিনা সোলর ইনর্জী খুমাং চাউশিলহন্নবা অমসুং পি.এম. সুর্য় ঘর: মুফ বিজলি য়োজনা – অমুক্তংদা রুফতোপ অমা, য়ুমথোং অমা, সুর্য় ঘর অমগী মখাদা সিতিজন-সেন্ত্রিক ক্লিন ইনর্জী ত্রাঞ্জিসন প্রমোৎ তৌনবা ভারতকী অচেৎপা ফিরেপ অদুগী অপুনবা ফিরেপ অমা ওইরি।

***