প্রধানমন্ত্রীগী লোইশঙ
প্রধান মন্ত্রীনা উপ রাষ্ট্রপতি সি.পি রাধাকৃষ্ণন জিদা মপোক নুমিৎকী য়াইফ পাউজেল পীখ্রে
থাগৎখিবা:
04 MAY 2026 8:21AM by PIB Imphal
ঙসি প্রধান মন্ত্রী শ্রী নরেন্দ্র মোদীনা উপ রাষ্ট্রপতি সি.পি রাধাকৃষ্ণন জিদা মপোক নুমিৎকী য়াইফ পাউজেল পীখ্রে।
প্রধান মন্ত্রীনা হায়খি মদুদি বিকসিত ভারত অমা শেমগৎনবা অপুনবগী মঙলান অমা মপাঙ্গল কনৎহন্নবা উপ রাষ্ট্রপতিনা থবক কয়া পায়খৎখি। সংসদকী থবকশিং কান্নবা ওইনবা অমসুং মপুংফানা পাংথোক্নবা মহাক্না লেপ্তনা হোৎনখিবশিং অদুদা গনতন্ত্রগী গুনশিংদা মহাক্না চেৎনা থাজবা অদুগী মমি তারে।
প্রধান মন্ত্রীনা মখা তানা হায়খি মদুদি লায়রবা অমসুং তোল্লবশিং লুম্না লৌদুনা অমসুং চপ মান্না ইথিল পীদুনা হিরম খুদিংমক্ত চাউখৎনবা উপ রাষ্ট্রপতিগী অচেৎপা পামজবা লৈরি। মহাক্কী মীয়ামগী থবক তৌবা অসি মখানা কৎথোকপা, থকশি-খাসি অমসুং নাখৈ শেংবা পান্দম অমনা লমজিংগনি। মহাক্কী হকচাং ফনবা, নুংঙাইনবা অমসুং লৈবাক থবক তৌনবা পুন্সি শাংনবা প্রধান মন্ত্রীনা থৌনিখি।
প্রধান মন্ত্রীনা এক্সতা হায়খি;
“উপ রাষ্ট্রপতি সি.পি রাধাকৃষ্ণন জিদা মপোক নুমিৎকী য়াইফ পাউজেল পীজরি। বিকসিত ভারত অমা শেমগৎনবা অপুনবগী মঙলান অমা মপাঙ্গল কনৎহন্নবা মহাক্না থবক কয়া পায়খৎখি। সংসদকী থবকশিং কান্নবা ওইনবা অমসুং মপুংফানা পাংথোক্নবা মহাক্না লেপ্তনা হোৎনখিবশিং অদুদা গনতন্ত্রগী গুনশিংদা মহাক্না চেৎনা থাজবা অদুগী মমি তারে। মদুদি লায়রবা অমসুং তোল্লবশিং লুম্না লৌদুনা অমসুং চপ মান্না ইথিল পীদুনা হিরম খুদিংমক্ত চাউখৎনবা মহাক্কী অচেৎপা পামজবা লৈরি। মহাক্কী মীয়ামগী থবক তৌবা অসি মখানা কৎথোকপা, থকশি-খাসি অমসুং নাখৈ শেংবা পান্দম অমনা লমজিংগনি। মহাক্কী হকচাং ফনবা, নুংঙাইনবা অমসুং লৈবাক থবক তৌনবা পুন্সি শাংনবা ঐনা থৌনিজরি”।
***
(রিলিজ আই.দি.: 2257714)
ভিজিতর কাউন্তর : 6