బ్రిక్స్‌ బృందానికి భారత్‌ అధ్యక్షత వహిస్తున్న నేపథ్యంలో మహిళా, శిశు సంక్షేమ మంత్రిత్వ శాఖ ఏప్రిల్ 30, 2026న ‘బ్రిక్స్ మహిళా వర్కింగ్ గ్రూప్’ మొదటి సన్నాహక సమావేశాన్ని వర్చువల్‌ విధానంలో నిర్వహించింది.

ఈ సమావేశంలో బ్రిక్స్ సభ్య దేశాల ప్రతినిధులు పాల్గొన్నారు. వీరితో పాటు కేంద్ర ప్రభుత్వంలోని వివిధ మంత్రిత్వ శాఖలు, విభాగాలు, ఐక్యరాజ్యసమితి మహిళా విభాగం, భారత వాణిజ్య, పరిశ్రమల మండలి సమాఖ్య (ఎఫ్‌ఐసీసీఐ) వంటి భాగస్వాములు కూడా ఈ భేటీకి హాజరయ్యారు.

మహిళా, శిశు  సంక్షేమ మంత్రిత్వ శాఖ అదనపు కార్యదర్శి శ్రీమతి కారోలిన్ ఖోంగ్వార్ దేశ్‌ముఖ్ ప్రతినిధులందరికీ స్వాగతం పలికి, చర్చలకు నాంది పలికారు.

భారత్‌ అధ్యక్షతన జరుగుతున్న ఈ బ్రిక్స్‌ సమావేశం, ‘స్థితిస్థాపకత, ఆవిష్కరణ, సహకారం, సుస్థిరత కోసం నిర్మాణం’ ఇతివృత్తం స్పూర్తితో సాగింది..ఈ సమావేశంలో ప్రపంచవ్యాప్తంగా మహిళలు ఎదుర్కొంటున్న ప్రధాన సమస్యలు, ఉ‍మ్మడి సవాళ్లపై విస్తృత చర్చలు జరిగాయి.  వాటిని నాలుగు ప్రాధాన్యత రంగాలుగా విభజించారు. అవి: 1. పాలన,  నాయకత్వంలో మహిళలు; 2. ఆర్థిక, డిజిటల్ సమ్మిళిత్వం; 3. మహిళా పారిశ్రామికవేత్తల ప్రోత్సాహం, నైపుణ్యాభివృద్ధి; 4. వాతావరణ చర్యలు, ఆహార భద్రత, పోషకాహారంలో మహిళల పాత్ర.

ఆర్థిక వృద్ధి, సుపరిపాలన, సామాజిక  మహిళలను కీలక శక్తిగా గుర్తిస్తూ... మహిళా నేతృత్వంలోని అభివృద్ధిని ప్రోత్సహించడంలో దేశ నిబద్ధతను ఈ సమావేశం పునరుద్ఘాటించింది.

బ్రిక్స్‌ సభ్య దేశాలు తమ ప్రసంగాల్లో... ఈ సమావేశానికి భారత్‌ అధ్యక్షత వహించడాన్ని అభినందించాయి. సహకారం, అభ్యాస స్ఫూర్తిని చాటుతూ భారత్‌ప్రతిపాదించిన ప్రాధాన్యతా రంగాలకు తమ మద్దతును ప్రకటించాయి.

ఈ చర్చలు కేరళలోని కొచ్చిలో జరగనున్న బ్రిక్స్ మహిళా వర్కింగ్ గ్రూప్ సమావేశం (6, 7 జూలై 2026), బ్రిక్స్ మహిళా మంత్రుల సమావేశంలో (8, 9 జూలై 2026) రూపుదిద్దుకోనున్న కీలక ఫలితాలకు దోహదపడనున్నాయి.