મહિલા અને બાળ વિકાસ મંત્રાલયે ભારતની બ્રિક્સ પ્રેસિડેન્સી હેઠળ 30 એપ્રિલ, 2026ના રોજ વર્ચ્યુઅલ મોડમાં બ્રિક્સ વિમેન્સ વર્કિંગ ગ્રુપની પ્રથમ પ્રારંભિક બેઠક બોલાવી હતી.

આ બેઠકમાં બ્રિક્સ સભ્ય દેશોના પ્રતિનિધિઓએ હાજરી આપી હતી. આ બેઠકમાં ભારત સરકારના વિવિધ મંત્રાલયો અને વિભાગો તેમજ યુએન વિમેન અને ફેડરેશન ઓફ ઈન્ડિયન ચેમ્બર ઓફ કોમર્સ એન્ડ ઈન્ડસ્ટ્રી (FICCI) સહિતના નોલેજ પાર્ટનર્સે પણ ભાગ લીધો હતો.

મહિલા અને બાળ વિકાસ મંત્રાલયના એડિશનલ સેક્રેટરી સુશ્રી કેરોલિન ખોંગવાર દેશમુખે તમામ પ્રતિનિધિઓનું સ્વાગત કર્યું અને ચર્ચાઓ માટેની રૂપરેખા તૈયાર કરી હતી.

ભારતની બ્રિક્સ અધ્યક્ષતાના વિષય: ‘બિલ્ડિંગ ફોર રિઝિલિયન્સ, ઇનોવેશન, કોઓપરેશન, એન્ડ સસ્ટેનેબિલિટી’ દ્વારા માર્ગદર્શિત, આ બેઠકમાં વૈશ્વિક સ્તરે મહિલાઓના મુખ્ય વિષયો અને સામાન્ય ચિંતાઓ પર સઘન ચર્ચાઓ કરવામાં આવી હતી, જેને ચાર પ્રાથમિક ક્ષેત્રોમાં વહેંચવામાં આવી છે. આમાં શાસન અને નેતૃત્વમાં મહિલાઓ; નાણાકીય અને ડિજિટલ સમાવેશન; મહિલા સાહસિકતા અને કૌશલ્ય વિકાસ; અને આબોહવા પરિવર્તન, ખાદ્ય સુરક્ષા અને પોષણમાં મહિલાઓની ભૂમિકાનો સમાવેશ થાય છે.

આ બેઠકે મહિલા સંચાલિત વિકાસને પ્રોત્સાહન આપવાની ભારતની પ્રતિબદ્ધતાને પુનરોચ્ચાર કર્યો હતો, જેમાં મહિલાઓને આર્થિક વૃદ્ધિ, શાસન અને સામાજિક પરિવર્તનના મુખ્ય ચાલક તરીકે ઓળખવામાં આવી હતી.

બ્રિક્સ સભ્ય રાષ્ટ્રોએ તેમના સંબોધનમાં, ભારતને તેની અધ્યક્ષતા બદલ અભિનંદન પાઠવ્યા હતા અને સહકાર તથા શીખવાની ભાવનાને આત્મસાત કરીને પ્રાથમિકતાના ક્ષેત્રોને આવકાર્યા અને સમર્થન આપ્યું હતું.

આ ચર્ચાઓ મુખ્ય પરિણામોમાં ફાળો આપશે જે 6–7 જુલાઈ 2026ના રોજ યોજાનારી બ્રિક્સ વિમેન વર્કિંગ ગ્રુપની બેઠક અને 8–9 જુલાઈ 2026ના રોજ કોચી, કેરળમાં યોજાનારી બ્રિક્સ વિમેન મિનિસ્ટરિયલ મીટિંગમાં પરિણમશે.

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com