ڈیفنس ریسرچ اینڈ ڈیولپمنٹ آرگنائزیشن (ڈی آر ڈی او) اور ہندوستانی بحریہ نے اڈیشہ میں خلیج بنگال کے ساحل سے بحریہ کے ہیلی کاپٹر پلیٹ فارم سے نیول اینٹی شپ میزائل شارٹ رینج (این اے ایس ایم-ایس آر) کا پہلا سالوو لانچ کامیابی کے ساتھ انجام دیا ہے ۔  تجربے کے دوران ، ایک ہی ہیلی کاپٹر سے تیزی سے یکے بعد دیگرے دو میزائل داغے گئے ، جس سے یہ جدید ہوا سے داغے جانے والے اینٹی شپ میزائل سسٹم کا پہلا سالوو لانچ قرار پایا ۔

 

 

انٹیگریٹڈ ٹیسٹ رینج (آئی ٹی آر) چندی پور کے ذریعے تعینات راڈار ، الیکٹرو آپٹیکل سسٹم اور ٹیلی میٹری جیسے مختلف رینج ٹریکنگ آلات کا استعمال کرکے حاصل کردہ ڈیٹا کے مطابق ٹیسٹ کے تمام مقاصد کو مکمل طور پر پورا کیا گیا ۔  پیہم لانچ کی صلاحیت کو ثابت کرنے کے ساتھ ساتھ ، میزائلوں نے واٹر لائن ہٹ کی صلاحیت کا مظاہرہ کیا ۔  ڈی آر ڈی او کے سینئر سائنسدانوں ، ہندوستانی بحریہ اور ہندوستانی فضائیہ اور ڈیولپمنٹ-کم-پروڈکشن پارٹنر (ڈی سی پی پی) کے صارفین کے نمائندوں نے  ٹیسٹ لانچ کا مشاہدہ  کیا ۔

این اے ایس ایم-ایس آر میزائل ایک ٹھوس پروپلشن بوسٹر اور لانگ برن سسٹینر کا استعمال کرتا ہے ۔  تمام اہم ذیلی نظام جیسے سیکر ، انٹیگریٹڈ ایوینکس ماڈیول ، فائبر آپٹک گائروسکوپ پر مبنی انیرٹیل نیویگیشن سسٹم اور ریڈیو الٹی میٹر کا استعمال کرتے ہوئے ایڈوانسڈ نیویگیشن اور رہنمائی کے ساتھ ساتھ ایڈوانسڈ کنٹرول اور گائیڈنس الگورتھم ، ہائی بینڈوتھ ٹو وے ڈیٹا لنک اور جیٹ وین کنٹرول کو ڈی آر ڈی او اور ہندوستانی صنعتوں کی مختلف لیبارٹریوں نے مقامی طور پر تیار کیا ہے ۔

میزائل نظام کو حیدرآباد میں واقع ریسرچ سینٹر امرات نے ڈی آر ڈی او کی دیگر لیبارٹریوں یعنی ڈیفنس ریسرچ اینڈ ڈیولپمنٹ لیبارٹری ، حیدرآباد ؛ ہائی انرجی میٹریلز ریسرچ لیبارٹری ، پونے ؛ ٹرمینل بیلسٹک ریسرچ لیبارٹری ، چندی گڑھ اور آئی ٹی آر چندی پور کے تعاون سے تیار کیا ہے ۔  میزائل فی الحال ڈی سی پی پی کے ذریعے دیگر ہندوستانی صنعتوں اور اسٹارٹ اپس کی مدد سے تیار کیے جا رہے ہیں ۔

وزیر دفاع جناب راج ناتھ سنگھ نے پہلے سالوو لانچ کے کامیاب ہونے پر ڈی آر ڈی او ، ہندوستانی بحریہ ، ہندوستانی فضائیہ اور ڈی سی پی پی شراکت داروں سمیت صنعت کو مبارکباد دی ہے ۔  انہوں نے کہا کہ اس میزائل کی ترقی سے دفاعی افواج کی صلاحیتوں میں کافی حد تک اضافہ ہوگا ۔

محکمہ دفاع کے تحقیق و ترقی کے سکریٹری اور ڈی آر ڈی او کے چیئرمین ڈاکٹر سمیر وی کامت نے کامیاب سالوو لانچوں سے وابستہ ٹیموں کو مبارکباد دی ۔

****

ش ح۔ م ش ع۔ ج

Uno-6472

 

(ریلیز آئی ڈی: 2256770) وزیٹر کاؤنٹر : 12