কেন্দ্রগী ন্যু অমসুং রিন্যুৱেবল ইনর্জী অমসুং কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী মন্ত্রী, শ্রী প্রলহাদ জোশীনা ঙসি ৱিন্দ ইন্দিপেন্দেন্ত পৱার প্রদ্যুসরস এসোসিয়েসন (WIPPA)গী ফাউন্দেসন দেদা ৱা ঙাংখি। মহাক্না ৱিন্দ ইনর্জী সেক্তরদা ভারতনা চাউনা খুমাং চাউশিল্লকপগী মতাংদা পনখি অমসুং লৈবাক অসিগী ক্লিন ইনর্জী ত্রাঞ্জিসনগী খোঙজেল য়াংখৎহন্নবা সরকারগী ফিরেপ অদু অমুক হন্না ফোংদোকখি।

শ্রী জোশীনা হায়খি মদুদি ভারতনা 2025–26গী মনুংদা ৱিন্দ ইনর্জী কেপাসিতিগী পুন্না 6.1 GWগী পুৱারী ওইরবা অহেনবা কেপাসিতিগা লোয়ননা ৱিন্দ ইনর্জী কেপাসিতিগী খ্বাইদগী ফবা চহি অমা রেকোর্দ তৌখ্রে। ভারত অসি হৌজিক্তি ৱিন্দ ইনর্জীদা মালেমগী ওইনা মরিশুবা মফমদা লৈরি। মসিগী ইনস্তোল তৌরবা কেপাসিতী অসি 56.1 GW হেনখ্রে অমসুং অহেনবা 28 GW অমা ইমপ্লিমেন্ত তৌরি।

সেক্তর অসিগী শীজিন্নদ্রিবা অচৌবা পোতেন্সিয়েল অদু পল্লদুনা, মন্ত্রীনা ফোংদোকখি মদুদি হব মীতর 150 ৱাংবা ভারতকী ৱিন্দ ইনর্জীগী পোতেন্সিয়েল অসি চাউরাক্না 1164 GW ওইরগনি। মহাক্না থাজবা ফোংদোকখি মদুদি লেপ্পা লৈতনা হোৎনবগা লোয়ননা লৈবাক অসিনা 2030 ফাওবদা ৱিন্দ কেপাসিতি 100 GW অমসুং 2036 ফাওবদা 156 GW ফংলগনি। মসিনা 2070 ফাওবদা নেত জিরোগী পান্দমদা চাউনা মতেং পাংগনি।

ভারতকী ইনর্জী সিস্তেম লেংদনা থম্বদা ৱিন্দ ইনর্জীনা মরুওইবা থৌদাং লৌরি হায়না মন্ত্রীনা ফোংদোকখি। মরুওইনা নুমিদাংৱাইরম অমসুং নুমিদাংগী মতমদা পিক জেনরেসন পীরকপনা মরম ওইদুনা, মসি দিমান্দ ৱাংনা লৈবা মতমগা চান্নৈ। মহাক্না হায়খি মদুদি ৱিন্দ ইনর্জী পুথোকপগী চাউরাক্না 45%দি পিক দিমান্দগী মতমদা থোকই, মসিনা সোলার ইনর্জীগী মরুওইবা কম্প্লিমেন্ত অমা ওইহল্লি।

পোলিসী ইন্তরভেন্সনশিং পল্লদুনা শ্রী জোশীনা হায়খি মদুদি সরকারনা রিন্যুৱেবল প্রোক্যুরমেন্ত ওব্লিগেসনশিংগী মখাদা অখন্নবা ৱিন্দ কম্পোনেন্ত অমা হৌদোক্লে। লেত পেমেন্ত সরচার্জগী কাংলোনশিং, ত্রান্সপরেন্ত বিদিং গাইদলাইনশিং অমসুং এপ্রুব তৌরবা লিস্ত ওফ মোদেলস এন্দ মেনুফেকচররশিং (ALMM)গী ইমপ্লিমেন্ত তৌবগুম্বা খোঙথাংশিংনা ইনভেস্তরশিংগী থাজবা হেনগৎহল্লি অমসুং দোমেস্তিক মেন্যুফেকচরিংবু প্রমোত তৌরি।

মহাক্না মখা তারদুনা হায়খি মদুদি ভারতনা চহীগী কেপাসিতি 24 GW হেনবা অমসুং 70–80%গী ইন্দিজেনাইজেসনগী থাক লৈবা মপাঙ্গল লৈবা দোমেস্তিক মেন্যুফেকচরিং ইকোসিস্তেম অমা শেমগৎলে। লৈবাক অসিনা ব্লেদশিং, তাৱরশিং, গিয়ারবোক্সশিং অমসুং অতৈ মরু ওইবা কম্পোনেন্তশিংদা মপাঙ্গল কনবা সপ্লাই চেনগী মতিকসু লৈ।

ইন্দস্ত্রীগী ৱাফমশিং অদু পল্লদুনা মন্ত্রীনা হায়খি মদুদি সরকারনা অহেনবা ৱিন্দ তেন্দরশিং থাদোক্নবা থবক পায়খৎলি। গ্রিদ ইফিসিয়েন্সী হেনগৎহন্নবগীদমক হাইব্রিদ অমসুং রাউন্দ-দ-ক্লোক (RTC) প্রোজেক্তশিংসু প্রমোত তৌরি। দিভিয়েসন সেতলমেন্ত মেকানিজম (DSM)গী পেনালতিশিং, ককথৎপা অমসুং ত্রান্সমিসন থেংথবগা মরী লৈনবা ইসুশিং অসি এক্তিব ওইনা য়েংশিল্লি, অমসুং চুনবা অমসুং প্রেক্তিকেল ওইবা সোলুসনশিং পুরক্নবা হোৎনরি।

মন্ত্রীনা ইন্দস্ত্রীশিংনা রিন্যুৱেবল পাৱর হকথেংননা ফংহন্নবা গ্রীন ইনর্জী ওপন এক্সেস রুলশিং, অরিবা ৱিন্দ তর্বাইনশিং অমুক হন্না পাৱর তৌহনবা অমসুং গ্রীন ইনর্জী কোরিদোরগী মখাদা ত্রান্সমিসন ইনফ্রাস্ত্রকচর পাকথোক চাউথোকহনবা অসিনচিংবা খোংথাংশিং অদুসু পনখি।

মহাক্না হায়খি মদুদি সরকার অসিনা ব্লেন্দ ফাইনান্সিং অমসুং ক্রেদিত এনহান্সমেন্ত ফ্রেমৱার্কশিংগুম্বা ইন্নোবেতিব মেকানিজমশিংগী খুত্থাংদা অশাংবা মতমগী, মমল হোংবা ফাইনান্সিং পুথোক্নবা থবক পায়খৎলি। কন্ত্রেক্তস ফোর দিফরেন্স (CfD) মোদেলগী মখাদা হন্দক্তা হৌদোকখিবা 500 MWগী পাইলোৎ অসিনা রেভেন্যুগী সর্তেন্তি ফংহল্লগনি অমসুং কৈথেলগী স্তেবিলিতী ফগৎহল্লগনি হায়না পানরি।

শ্রী জোশীনা হায়খি মদুদি মালেমগী ওইনা হোংলক্লিবা ফিভম অসিনা ভারতপু ৱিন্দ ইনর্জী সেক্তরদা থাজবা য়াবা মালেমগী মেন্যুফেকচরিং অমসুং সপ্লাই পার্তনর অমা ওইনা থোরক্নবা মরুওইবা খুদোংচাবা অমা পীরি, মরু ওইনা লৈবাকশিংনা সপ্লাই চেনশিং দাইভর্সিফাই তৌনবা হোৎনরি।

ৱিন্দ ইনর্জী ইন্দস্ত্রীগী থাজবা য়াবা ৱাঙাং অমা ওইবগীদমক WIPPAবু থাগৎপা ফোংদোক্লদুনা মন্ত্রীনা হায়খি মদুদি এসোসিয়েসন অসিনা পোলিসী দাইলোগ শেমগৎপদা, সেক্তরগী ওইবা শিংনবশিং থেংনবদা অমসুং ভারতকী রিন্যুৱেবল ইনর্জীগী এম্বিসনশিং শৌগৎপদা মরুওইবা থৌদাং লৌরি।

মহাক্কী ৱারোল লোইশিল্লদুনা, মন্ত্রীনা অমুক হন্না হায়খি মদুদি লাক্কদৌরিবা দিকেদ অসিদা 156 GWগী চাউরবা পান্দম অসি ময়েক শেংবা পোলিসী দিরেক্সন, মপাঙ্গল কনবা ইনস্তিত্যুস্নেল বেকিং অমসুং ইন্দস্ত্রীনা শরুক য়াদুনা ফংবা ঙম্লগনি। মহাক্না থাজবা য়াবা অমসুং তুং কোইনা চৎকদবা ইনর্জীগী তুংলমচৎ অমা লৈহন্নবা ৱিন্দ, সোলর অমসুং স্তোরেজ পুনশিন্নবা ইন্তিগ্রেতেদ হাইব্রিদ সিস্তেমশিংদা অহেনবা মীৎয়েং চংনবা হায়খি।

থৌরম অদুদা ন্যু অমসুং রিন্যুৱেবল ইনর্জী মন্ত্রালয়গী সেক্রেতরী, শ্রী সন্তোশ সরঙ্গি অমসুং অতৈশিংসু শরুক য়াখি।

***