পেন্সন ফন্দ রেগুলেতরী অমসুং দিবেলপমেন্ত ওথোরিতী (PFRDA)না চলাইরিবা ভারত সরকারগী মরুওইবা সোসিয়েল সেক্যুরিতী স্কিম অমা ওইরিবা অতল পেন্সন য়োজনা (APY)না 2026কী এপ্রিল 21দা অপুনবা গ্রোস এনরোলমেন্তগী মশিং করোর 9 হেনগত্তুনা পুৱারী ওইরবা মাইলস্তোন অমা ফংবা ঙম্লে।

স্কিম অসিগী পাকথোক চাউথোকপা অমসুং শাফু হেনগৎলক্লিবা অসিগী মখাতাবা খুদম অমা ওইনা, শেনবা চহি 2025–26দা অপুনবা এনরোলমেন্ত অসি সবস্ক্রাইবর করোর 1.35 হেনখ্রে, মসিনা স্কিম অসি হৌদোকখিবদগী হৌনা শেনবা চহি অমদা খ্বাইদগী ৱাংবা এনরোলমেন্ত ওইরি।

ভারত মচা পুম্নমক্কীদমক য়ুনিভর্সেল সোসিয়েল সেক্যুরিতী সিস্তেম অমা লিংখৎনবা ভিজনগা লোয়ননা মে 9, 2015দা হৌদোকখিবা, APY অসি মরুওইনা লায়রবশিং, শোত্থরবা মীওইশিং, অমসুং অনওর্গনাইজ সেক্তরদা থবক তৌরিবশিংদা মীৎয়েং থম্লিবা ভোলুন্তরী, কন্ত্রিব্যুতরী পেন্সন স্কিম অমনি। হৌখিবা চহী তরা অসিদা, স্কিম অসিনা বেঙ্কশিং (PSBশিং/ RRBশিং/ প্রাইবেৎ বেঙ্কশিং/ SFBশিং/ কোওপরেতিব বেঙ্কশিং), SLBCশিং/ UTLBCশিং/LDMশিং, পোস্ত দিপার্তমেন্ত (DoP) অমসুং ভারত সরকারদগী লেপ্তনা মতেং ফংদুনা মশক থোক্না চাউখৎলক্লি। PFRDAনা লৈবাক অসিগী রাজ্য অমসুং জিলা পুম্নমক্তা স্কিম অসিগী খোঙজং পাকথোক চাউথোকহনবদা অচৌবা থৌদাং অমা লৌরি। মসিগীদমক্তা মহাক্না পাক-শন্না থবক পায়খৎলি, কেপাসিতী শেমগৎপগী প্রোগ্রামশিং পায়খৎলি, লোন কয়াদা এৱেয়রনেস মেতিরিয়েলশিং, মীদিয়া কেম্পেনশিং অমসুং চাং নাইনা পাংথোক্লিবা থবকশিং য়েংশিল্লি।

APYনা মখাদা পীরিবা কান্নবা অহুম অসি ফংহন্দুনা ‘সম্পুর্ন সুরক্ষা কৱচ’ (মপুং ফাবা সেক্যুরিতী শিল্দ) অমা পীনবা শেম্লিবনি: - অহানবদা, সবস্ক্রাইবরশিংনা চহি 60 শুরবা মতুংদা থাগী পেন্সন লুপা 1000দগী লুপা 5000 ফাওবগী মনুংদা পীগনি, অনিশুবদা, সবস্ক্রাইবর অদু লৈখিদ্রবা মতুংদা লোয়নবীদা পেন্সন অদু লেপ্তনা পীগনি অমসুং অহুমশুবদা, মখোয় অনিগী লৈখিদ্রবা মতুংদা, চহি 60 ফাওবদা তুংশিল্লকপা কোর্পস অদু নোমিনিদা হন্দোক্কনি। স্কিম অসি চহি 18 অমসুং 40গী মরক্তা লৈবা ভারতকী নাগরিক পুম্নমক্তা, ইনকম তেক্স পীরিবা নৎত্রগা পীখিবা নত্তনা অতোপ্পশিংগীদমক্তা হাংলি।

“APY লৈরবদি, পুন্সিগী ঙাক-শেনবগী কৱচ লৈ”
(“एपीवाई का साथ है, तो जीवन का सुरक्षा कवच साथ है।”)

***