ভারতকী প্রধান মন্ত্রী, শ্রী নরেন্দ্র মোদী অমসুং রিপব্লিক ওফ কোরিয়া (ROK)গী হিস এক্সেলেন্সি লি জে ম্যুংনা ২০২৬কী এপ্রিল ২০দা ভারতকী রাজ্য খোংচৎকী থৌরমদা, নাকল অনিমক্না মখোয়গী সরকারগী এজেন্সীশিং অমসুং প্রাইভেত এন্তিতীশিংগী মরক্তা শিপ বিল্দিং, শিপ্পিং অমসুং মেরিতাইম লোজিস্তিক্সতা পার্তনরশিপকীদমক ম্যুচেল বেনিফিয়েল কোওপরেসনগী মতাংদা কান্নগদবা মওংদা অমসুং কুপ্না খন্ন-নৈনখি।

ভারত অমসুং রিপব্লিক ওফ কোরিয়া অনিমক অসি সমুদ্রগী চৎনবী মরাং কায়না লৈবা লৈবাকশিংনি অমসুং মেরিতাইম ইন্দস্ত্রীশিংগী লমদা পাক চাউবা কমন ইন্তরেস্ত অমসুং কম্প্লিমেন্তরী স্ত্রেন্তশিং লৈ। ভারতকী য়াম্না থুনা চাউখৎলক্লিবা শেন্মিৎলোন অমসুং শেন্মিৎলোনবু মালেমগী থাক্তা পুখৎপগা লোইননা, মেরিতাইম সেক্তর অসি ভারতকী সেক্যুরিতী অমসুং চাউখৎপদা য়াম্না মরু ওই।

মেরিতাইম অমৃত কাল ২০৪৭ ভিজনগী মখাদা ভারতকী মেরিতাইম এম্বিশনশিংনা মরুপ ওইরিবা লৈবাক অমা ওইরিবা অমসুং শিপ বিল্দিং অমসুং মেরিতাইম কেপেবিলিতীশিংদা মকোক থোংবা লৈবাক অমা ওইরিবা ROKগা লোয়ননা মতম শাংনা থবক তৌমিন্নবগী খুদোংচাবা কয়া লৈরে হায়না নাকল অনিনা য়ানখি। শিপ বিল্দিং, পোর্ত দিবেলপমেন্ত অমসুং মেরিতাইম লোজিস্তিক্সতা মতেং পীনবা অসিনা ভারত-ROK স্পিসিয়ল স্ত্রেতেজিক পার্তনরশিপ অসি লৈবাক অনিমক্কীদমক প্রাক্তিকেল বেনিফিৎ অমসুং ইকোনোমিক ভেল্যু ওইহল্লগনি। মসিনা মখোয়গী মীয়ামগী মরক্তা হেন্না চেৎশিল্লবা ৱাখল্লোন অমসুং পার্তনরশিপ শেমগৎকনি।

লৈবাক অসিদা অচৌবা গ্রীনফিল্দ শিপ বিলদিং ক্লস্তরশিং লিংখৎনবগী খুদোংচাবশিং অমসুং ভারত সরকারগী শিপ বিলদিং দিবেলপমেন্ত স্কিমগী মখাদা ফংলিবা ইন্সেন্তিবশিং অদুগা মরি লৈনবা রাজ্য সরকারশিং অমসুং ভারতকী ফাইনান্সিয়েল ইনস্তিত্যুসনশিংনা পীরক্লিবা ইন্সেন্তিবশিংগী মতাংদা ভারতকী মায়কৈদগী ROKগী মায়কৈদা পাউদমখি। দিজাইন, প্রদক্সন ইঞ্জিনীয়রিং, এদভান্স মেন্যুফেকচরিং, ক্বালিতী অমসুং সেফতী ফ্রেমৱার্ক অমসুং ওপরেসনদা এক্তিব ওইনা শরুক য়াদুনা ভারতনা কোরিয়াগী শক্নাইরবা শিপ বিল্দরশিংবু হায়রিবা ক্লস্তরশিং অসিগী তেক্নিকেল অমসুং স্ত্রেতেজিক এঙ্করশিং ওইনা কৌখি। ROKগী মাইকৈদগী বিজিনেস সেক্তর শরুক য়াবদা য়ুম্ফম ওইবা মতেং পীনবা অসি খুমাং চাউশিল্লগনি হায়না থাজবা ফোংদোকখি।

মসিগীদমক্তা, নাকল আনিমক্না কোরিয়াগী ইন্দস্ত্রীশিং অমসুং ভারতকী মরকক্তা খুৎশম্ননা থবক তৌমিন্নবগী মতাংদা য়াম্না ফনা ফোংদোকখি, খুদম ওইনা খা থংবা ভারত্তা চাউরবা গ্রীনফীল্দ শিপয়ার্দ অমা পুন্না শেমগৎমিন্ননবা, ফাইনান্স তৌবা, ইমপ্লিমেন্ত তৌবা অমসুং ওপরেত তৌনবগীদমক্তা কোরিয়াগী শিপ বিল্দর HD কোরিয়া শিপ বিলদিং এন্দ ওফশোর ইঞ্জিনীয়রিং কো., লিমিতেদ (HD KSOE), মশক খঙদোক্লবা ক্লস্তর দিবেলপর অমসুং ফেসিলিতেতর অমসুং কেপিতেল পীরিবা মেরিতাইম দিবেলপমেন্ত ফন্দ (MDF)গী মরক্তা নন-বাইন্দিং MOU অমা খুৎয়েক পীনবা। মখোয়না প্রোজেক্ত অসি অথুবা মতমদা পায়খৎপা পাম্মি।

ভারতনা ইন্দিয়া মেরিতাইম ৱিক ২০২৫গী মনুংদা লুপা কোতি লাখ ২.২ (দোল্লর বিলিয়ন ২৫)গী লাক্কদবা তুংলমচতকীদমক্তা ভারতকী পব্লিক এজেন্সীশিংনা ভারত খক্তদা জহাজ ৪০০ হেন্না লৌশিনবগী থৌরাং লাউথোকখ্রে। ভারত সরকারনা লোকেল মেনুফেকচরিংদা প্রদক্সনদা য়ুম্ফম ওইবা ফাইনান্সিয়েল সপোর্ত পীরক্লিবা অসি পল্লদুনা, নাকল অনিমক্না ভারত অমসুং ROKদগী মরী লৈনবা ইন্দস্ত্রীশিংগী মরক্তা তেংবাং পীনবা অমসুং দিমান্দ অসি বাইলেতরেল পার্তনরশিপশিংদা চেনেল তৌনবা, সস্তেনেবল অমসুং রেজিলিয়েন্ত শিপ বিল্দিং ইন্দস্ত্রী হেনগৎহন্নবা ইফেক্তিব কোওপরেসন মেকানিজম অমা লিংখৎনবা শৌগৎখি।

ভারত সরকারনা ব্রাউনফিল্দ কেপাসিতী পাকথোক চাউথোকহনবদা শীজিন্নরিবা শিপয়ার্দশিংগীদমক পীরিবা শেলগী তেংবাং অদু খঙলদুনা, নাকল অনিমক্না অচৌবা অমসুং অখন্নবা জহাজশিং শানবগীদমক্তা অনৌবা দ্রাই দোক অমা শানবগীদমক্তা খা ভারত্তা শাবা ব্লোক ফ্যাব্রিকেসন ফেসিলিতী য়াওনা হৌজিক লৈরিবা ভারতকী শিপ্পয়ার্দশিং অসি অপগ্রেদ তৌনবা ভারত অমসুং ROKগী বিজিনেসশিংগী মরক্তা তেংবাং পীনবদা মতেং পাংখি।

ভারত সরকারনা ভারতকী শিপ বিল্দিংগীদমক পীরিবা পোলিসী অমসুং ফিক্সেল সপোর্ত অসিনা শিপ বিল্দিংগী অমসুং এন্সিলরী ইন্দস্ত্রীশিংদা শিজিন্নরিবা কম্পোনেন্তশিংগী অহেনবা দিমান্দ পুথোক্কনি হায়না নাকল অনিমক্না থাজবা থম্লি। মসিনা কোরিয়ন শিপ বিল্দিংগী কম্পোনেন্ত মেনুফেকচররশিংদা লোকেল প্রদক্সনগী খুত্থাংদা মখোয়গী ব্যুজিনেস পাকথোক চাউথোকহন্নবা য়াম্না পুক্নিং চিংশিন্নিংঙাই ওইরবা কৈথেল অমা ফংহল্লগনি। মসিগীদমক্তা, মখোয়না মুম্বাইদা কোরিয়া মেরিন এক্যুপমেন্ত এসোসিয়েসন (KOMEA)গী ব্রাঞ্চ অমা হাংদোকপা অমসুং কোরিয়া মেরিন এক্যুপমেন্ত রিসর্স ইনস্তিত্যুত (KOMERI)না মরী লৈনবা কোওপরেসনগীদমক পুক্নিং চিংশিনখিবা অদু তরাম্না ওকখি। ভারতকী শিপ বিলদিং ইকোসিস্তেম চাউখৎহনবদা মতেং পাংনবা লৈবাক অনিমক্কী মরী লৈনবা ইনস্তিত্যুসনশিং অমসুং ইন্তরপ্রাইজশিংগী মরক্তা তেংবাং পীনবা হেনগৎনবগী মতাংদা মখোয়না য়ানখি।

কোরিয়া ইন্তরনেস্নেল কোওপরেসন এজেন্সী (KOICA)না ভারতকী পোর্তস, শিপ্পিং অমসুং ৱাতরৱেজ মন্ত্রালয় (MoPSW)গা খুৎশম্নদুনা পায়খৎকদবা প্রোজেক্ত অমগী খুত্থাংদা ভারতকী শিপ বিল্দিং সেক্তরদা স্কিল ত্রেনিংদা মতেং পীননবা নাকল অনিমক্না য়ানখি। প্রোজেক্ত অসিনা লৈবাক অনিগী মরক্তা দিবেলপমেন্ত কোওপরেসন অমসুং পব্লিক-প্রাইভেত পার্তনরশিপকী খুত্থাংদা ভারতকী শিপ বিল্দিংগী পান্দমগীদমক মথৌ তাবা কেপাসিতী বিল্দিংদা মতেং পাংগনি হায়না মখোয়না পনখি।

ভারতকী মাইকৈদগী কোমথোক্লবা ওনরশিপ স্তরকচরদগী কান্নবা ফংনবা অমসুং লৈরিবা ফাইনান্সিয়েল ইন্সেন্তিবশিং ফংনবা কোরিয়াগী শিপ ওন্নরশিংবু ভারত্তা ফ্লেগ তৌবা জহাজশিংদা ভারতকী GIFT IFSCA অমসুং E-সমুদ্রা শীজিন্ননবা ভারতনা পুক্নিং থৌগৎখি।

ভারতকী য়াম্না থুনা হেনগৎলক্লিবা সিফ্যরর পুল (নুপী সিফ্যররশিংগী মশিং য়াম্না হেনগৎলদুনা চাউরাক্না ৩২০,০০০ হেন্না)না কোরিয়াগী শিপ-ওনরশিংদা কোরিয়াগী ফ্লেগ ওপরেসনশিংদা মতেং পাংনবা মীওইশিং লৌবা য়াহল্লি হায়না পনখি।

ভারতকী MoPSW অমসুং কোরিয়াগী সমুদ্র অমসুং ঙা য়োকপগী মন্ত্রালয়গী মরক্তা পোর্ত দিবেলপমেন্তকীদমক তেংবাং পীননবা MOU অমা খুৎয়েক পীনখ্রে, মসিনা ইনফরাস্ত্রকচর দিবেলপমেন্ত, নোলেজ শিয়রিংনচিংবা কয়াদা তেংবাং পীনরগনি। মসিনা কোরিয়াগী পোর্ত দিবেলপরশিং অমসুং তর্মিনেল ওপরেতরশিংদা মথংগী চহি ৫দা চাউরাক্না দোল্লর বিল্লিয়ন ১৩.৩ ওইগদবা ভারতকী মপাঙ্গল লৈরবা PPP মেকানিজেসন পাইপলাইনদা শরুক য়াবগী খুদোংচাবা ফংহল্লি। মসিগী মনুংদা TEU মিলিয়ন ২৩গী ৱাধৱান কন্তেনর পোর্ত (মহারাস্ত্রা), বাহুদা (ওরিশা)দা  MTPA ১৫০ মল্তিপর্পোস তর্মিনেল, MTPA ১৩৫কী দীনদয়াল পোর্ত (গুজরাত)কী মোদর্ন তর্মিনল য়াওরি।

ভারতকী ভারত আর্থ মোভর্স লিমিতেদ, HD কোরিয়া শিপ বিল্দিং অমসুং ওফশোর ইঞ্জিনীয়রিং কো., লিমিতেদ (HD KSOE) অমসুং ROKগী HD হ্যুনদাই সামহো কো., লিমিতেদকী মরক্তা ভারতকী মথংগী জেনরেসনগী কনভেন্সনেল অমসুং ওতোনোমস মেরিতাইম অমসুং পোর্ত ক্রেনশিং পুন্না দিজাইন তৌবা, পুথোকপা অমসুং সপোর্ত তৌনবা MOU অমা খুৎয়েক পীনখ্রে।

নাকল অনিমক্না ইন্দিয়ন মেরিতাইম য়ুনিভর্সিতী (IMU) অমসুং কোরিয়া মেরিতাইম এন্দ ওসীন য়ুনিভর্সিতী (KMOU)গী মরক্তা হৌজিক চত্থরিবা খন্ন-নৈনবগী মতাংদা পুক্নিং থৌগৎখি অমসুং মেরিতাইম এজুকেসন, রিসর্স অমসুং ইন্নোবেসনদা স্ত্রেতেজিক পার্তনরশিপ অমা ফাইনেল তৌনবা মখোয়বু পুক্নিং থৌগৎখি। মসিদা নেভেল আর্কিতেকচর, মেরিন ইঞ্জিনীয়রিং অমসুং পোর্ত মেনেজমেন্তদা জোইন্ত প্রোগ্রামশিংগা লোয়ননা গ্রীন শিপ্পিং তেক্নোলোজীশিং, ওতোনোমস ভেসেলশিং অমসুং ক্রেন ওতোমেসনদা কোলাবোরেতিব R&D, অমসুং স্তুদেন্ত এক্সচেঞ্জ, ফেকলতী কোলাবোরেশনশিং অমসুং ভারত অমসুং ROK ব্যুজিনেসশিংনা শরুক য়াবা ইন্দ্সত্রীগা মরী লৈনবা প্রোজেক্তশিং য়াওরি।

নাকল অনিমক্না লৈবাক অনিগী মেরিতাইম হেরিতেজশিংগী অরিবা হৌরকফমশিংবুসু চাউথোকচবা ফাওদুনা নিংশিংখি। মালেমগী খ্বাইদগী চাউবা মেরিতাইম কমপ্লেক্স অমা ওইনা নেস্নেল মেরিতাইম হেরিতেজ কমপ্লেক্স (NMHC)বু মালেমগী ক্বাইদগী চাউবা মেরিতাইম কমপ্লেক্স ওইনা ভারতকী গুজরাত রাজ্যগী লোথলদা শেমগৎলি। নাকল অনিমকক্না আর্তিফেক্তশিং এক্সচেঞ্জ তৌনবা অমসুং ইনফোর্মেসনশিং শেয়র তৌনবা, তেক্নোলোজিকেল সপোর্ত, জোইন্ত এক্তিবিতীশিং, য়ুনিভর্সিতীশিং, ম্যুজিয়মশিং অমসুং ইন্সতিত্যুসনশিংগা কোলাবোরেসন তৌবদা মাতেং পাংনবা মেরিতাইম হেরিতেজকী লমদা মতেং পীননবা য়ানা ৱারোল অমা খুৎয়েক পীনখিবা অসিদা নাকল অনিমক্না তরাম্না ওকখি।

প্রধান মন্ত্রী, মোদী অমসুং প্রসিদেন্ত লিনা ভারত অমসুং ROKগী মরক্তা শিপ বিল্দিং, শিপ্পিং অমসুং পোর্তশিংগী লমদা পুন্না থবক তৌমিন্নবগী মাইকৈ অমসুং হীরমদা নুংঙাইবা ফোংদোক্নখি। লাক্কদৌরিবা চহিশিংদা ভারত-ROK পার্তনরশিপ অসিনা লৈবাক অনি অমসুং মালেম পুম্বদা কান্নবা পীগনি হায়না মখোয়না থাজবা থমখি।

***