ਭਾਰਤ ਸਰਕਾਰ ਨੇ ਵਾਧੂ 25 ਲੱਖ ਮੀਟ੍ਰਿਕ ਟਨ (LMT) ਕਣਕ ਦੇ ਨਿਰਯਾਤ ਨੂੰ ਮਨਜ਼ੂਰੀ ਦਿੱਤੀ ਹੈ, ਜਿਸ ਨਾਲ ਕਿਸਾਨਾਂ ਲਈ ਲਾਹੇਵੰਦ ਕੀਮਤਾਂ ਨੂੰ ਯਕੀਨੀ ਬਣਾਉਣ ਪ੍ਰਤੀ ਆਪਣੀ ਵਚਨਬੱਧਤਾ ਨੂੰ ਮਜ਼ਬੂਤ ਕੀਤਾ ਗਿਆ ਹੈ, ਨਾਲ ਹੀ ਘਰੇਲੂ ਬਜ਼ਾਰਾਂ ਵਿੱਚ ਸਥਿਰਤਾ ਬਣਾਈ ਰੱਖਣ ਦਾ ਵੀ ਧਿਆਨ ਰੱਖਿਆ ਗਿਆ ਹੈ। ਇਹ ਫੈਸਲਾ ਮੌਜੂਦਾ ਉਤਪਾਦਨ, ਸਟਾਕ ਦੀ ਉਪਲਬਧਤਾ ਅਤੇ ਕੀਮਤਾਂ ਦੇ ਰੁਝਾਨਾਂ ਦੀ ਵਿਆਪਕ ਸਮੀਖਿਆ ਤੋਂ ਬਾਅਦ ਲਿਆ ਗਿਆ ਹੈ।

ਰਬੀ 2026 ਦੇ ਸੀਜ਼ਨ ਦੌਰਾਨ ਕਣਕ ਦਾ ਰਕਬਾ ਵਧ ਕੇ ਲਗਭਗ 334.17 ਲੱਖ ਹੈਕਟੇਅਰ ਹੋ ਗਿਆ ਹੈ, ਜਦਕਿ ਪਿਛਲੇ ਸਾਲ ਇਹ 328.04 ਲੱਖ ਹੈਕਟੇਅਰ ਸੀ। ਇਹ ਵਾਧਾ ਕਣਕ ਦੀ ਕਾਸ਼ਤ ਪ੍ਰਤੀ ਕਿਸਾਨਾਂ ਦੇ ਮਜ਼ਬੂਤ ​​ਵਿਸ਼ਵਾਸ ਨੂੰ ਦਰਸਾਉਂਦਾ ਹੈ, ਜਿਸ ਨੂੰ ਯਕੀਨੀ ਘੱਟੋ-ਘੱਟ ਸਮਰਥਨ ਮੁੱਲ (MSP) ਅਤੇ ਮਜ਼ਬੂਤ ​​ਖਰੀਦ ਵਿਧੀਆਂ ਦੁਆਰਾ ਸਮਰਥਨ ਪ੍ਰਾਪਤ ਹੈ, ਅਤੇ ਇਹ ਇੱਕ ਹੋਰ ਸ਼ਾਨਦਾਰ ​​ਫ਼ਸਲ ਦੀ ਸੰਭਾਵਨਾ ਨੂੰ ਦਰਸਾਉਂਦਾ ਹੈ।

ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਦੁਆਰਾ 10 ਮਾਰਚ 2026 ਨੂੰ ਜਾਰੀ ਕੀਤੇ ਗਏ ਦੂਜੇ ਐਡਵਾਂਸ ਅਨੁਮਾਨਾਂ ਦੇ ਅਨੁਸਾਰ, ਸਾਲ 2025-26 ਲਈ ਕਣਕ ਉਤਪਾਦਨ ਦਾ ਅਨੁਮਾਨ 1202 ਐੱਲਐੱਮਟੀ ਲਗਾਇਆ ਗਿਆ ਹੈ। ਉਤਪਾਦਨ ਦ੍ਰਿਸ਼ਟੀਕੋਣ ਦੇ ਅਨੁਕੂਲ ਹੋਣ ਅਤੇ ਉੱਚ ਸਟਾਕ ਉਪਲਬਧਤਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਵਾਧੂ ਨਿਰਯਾਤ ਦੀ ਮਨਜ਼ੂਰੀ ਦੇਣਾ ਉਚਿਤ ਮੰਨਿਆ ਗਿਆ ਸੀ।

ਇਸ ਤੋਂ ਪਹਿਲਾਂ DFPD ਨੇ ਜਨਵਰੀ 2026 ਵਿੱਚ 5 LMT ਕਣਕ ਉਤਪਾਦਾਂ ਦੇ ਨਿਰਯਾਤ ਨੂੰ ਮਨਜ਼ੂਰੀ ਦਿੱਤੀ ਸੀ। ਇਸ ਤੋਂ ਬਾਅਦ ਫਰਵਰੀ 2026 ਵਿੱਚ ਵਾਧੂ 5 LMT ਕਣਕ ਉਤਪਾਦਾਂ ਅਤੇ 25 LMT ਕਣਕ ਦੇ ਨਿਰਯਾਤ ਨੂੰ ਵੀ ਪ੍ਰਵਾਨਗੀ ਦਿੱਤੀ ਗਈ। ਨਵੀਨਤਮ ਪ੍ਰਵਾਨਗੀਆਂ ਨਾਲ ਹੁਣ ਕੁੱਲ 50 LMT ਕਣਕ ਅਤੇ 10 LMT ਕਣਕ ਉਤਪਾਦਾਂ ਦੇ ਨਿਰਯਾਤ ਦੀ ਮਨਜ਼ੂਰੀ ਦਿੱਤੀ ਜਾ ਚੁੱਕੀ ਹੈ।

ਵਾਧੂ 25 LMT ਕਣਕ ਦੇ ਨਿਰਯਾਤ ਦੀ ਮਨਜ਼ੂਰੀ ਦੇਣ ਦੇ ਇਸ ਨਵੀਨਤਮ ਫੈਸਲੇ ਨਾਲ ਬਜ਼ਾਰ ਦੀ ਤਰਲਤਾ ਵਿੱਚ ਵਾਧਾ, ਸਟਾਕ ਦੇ ਕੁਸ਼ਲ ਪ੍ਰਬੰਧਨ ਨੂੰ ਸਰਲ ਬਣਾਉਣ ਅਤੇ ਪੀਕ ਆਗਮਨ ਦੇ ਮੌਸਮ ਦੌਰਾਨ ਵਿਕਰੀ ਨੂੰ ਰੋਕਣ ਦੀ ਉਮੀਦ ਹੈ। ਇਹ ਘਰੇਲੂ ਕੀਮਤਾਂ ਨੂੰ ਸਥਿਰ ਰੱਖਣ ਅਤੇ ਕਿਸਾਨਾਂ ਦੀ ਆਮਦਨ ਨੂੰ ਮਜ਼ਬੂਤ ​​ਕਰਨ ਵਿੱਚ ਵੀ ਸਹਾਇਕ ਹੋਵੇਗਾ, ਨਾਲ ਹੀ ਦੇਸ਼ ਦੀ ਖੁਰਾਕ ਸੁਰੱਖਿਆ ਪੂਰੀ ਤਰ੍ਹਾਂ ਨਾਲ ਸੁਰੱਖਿਅਤ ਬਣੀ ਰਹੇਗੀ।

ਸਰਕਾਰ ਕਿਸਾਨਾਂ ਅਤੇ ਖਪਤਕਾਰਾਂ ਦੇ ਹਿਤਾਂ ਨੂੰ ਸੰਤੁਲਿਤ ਕਰਨ ਦੇ ਨਾਲ-ਨਾਲ ਖੇਤੀਬਾੜੀ ਖੇਤਰ ਵਿੱਚ ਟਿਕਾਊ ਵਿਕਾਸ ਨੂੰ ਉਤਸ਼ਾਹਿਤ ਕਰਨ ਲਈ ਸੰਤੁਲਿਤ ਅਤੇ ਸਮੇਂ ਸਿਰ ਉਪਾਅ ਅਪਣਾਉਣ ਲਈ ਵਚਨਬੱਧ ਹੈ।

************

ਆਰਟੀ/ਆਈਓ/ਏਕੇ