পর্সোনেল, পব্লিক গ্রিভান্সেস অমসুং পেন্সন মন্ত্রালয়গী দিপার্তমেন্ত ওফ এদমিনিস্ত্রেতিব রিফোর্ম্স এন্দ পব্লিক গ্রিভান্সেস (DARPG)না ২০২৬গী এপ্রিল ২১, লৈবাকপোকপা নুমিত্তা ১৮শুবা সিবিল সর্বিসেস দে পাংক্লগনি। ভারতকী ইকাই খুম্নরবা উপ রাস্ত্রপতি, শ্রী সি. পি. রাধাকৃষ্ণননা ন্যু দিল্লীগী ভিজ্ঞান ভৱনদা পাংথোক্কদৌরিবা থৌরম অদুদা অথোইবা মীথুংলেন ওইনা শরুক য়াগনি। মহাক্না কীনোত এদ্রেস পীরগনি।

সিবিল সর্ভিসেস দে অসি ভারত শিনবা থুংনা লৈরিবা সিবিল সর্ভেন্তশিংনা মীয়ামগীদমক অমুক্কা হন্না থাজবা পীনবা অমসুং মীয়ামগী সেবা অমসুং মখোয়গী থবকশিংদা মগুন লৈনবা মখোয়গী ফিরেপ নৌহৌনা লৌনবা থৌরম অমা ওইনা চহি খুদিংগী পাংথোক্লি। ১৯৪৭কী ঙসিগী নুমিত্তা সরদার বল্লবভাই পতেলনা ওল ইন্দিয়া এদমিনিস্ত্রেতিব সর্বিসকী প্রোবেস্নরশিংদা ৱা ঙাংখি। মহাক্না সিবিল সর্ভেন্তশিংবু ভারতকী স্তীল ফ্রেমনি হায়না ফোঙদোকখি। থৌরম অসিনা সিবিল সর্ভেন্তশিংদা সিতিজন-সেন্ত্রিক এদমিনিস্ত্রেসনগীদমক মখোয়গী অচেৎপা ফিরেপ অমুক হন্না পীনবগী খুদোংচাবা পীরি। ২০২৬কী সিবিল সর্বিসেস দেগী থিমদি “ভিক্সিত ভারত: সিতিজন-সেন্ত্রিক গবর্নান্স অমসুং দিবেলপমেন্ত এত দ লাস্ত মাইল” হায়বসিনি। মসিনা ভিক্সিত ভারত ২০৪৭গী মঙলানগা মরী লৈনৈ অমসুং মসিনা লাস্ত মাইল দেলিভরী অমসুং ইনক্লুসিব দিবেলপমেন্ত অকনবা মিৎয়েং থমদুনা ত্রান্সপরেন্ত, একাউন্তেবল অমসুং সিতিজন-সেন্ত্রিক ওইবা গবর্নান্সকীদমক সরকারগী অচেৎপা ফিরেপ অদু ময়েক শেংনা উৎলি।

হৌদোকপগী সেসন অদুদা ইকাইখুম্নরবা পার্সোনেল, পব্লিক গ্রিভান্সেস অমসুং পেন্সন মন্ত্রালয়গী রাজ্য মন্ত্রী, দোক্তর জিতেন্দ্র সিংনা ৱা ঙাংগনি অমসুং কেবিনেত সেক্রেতরী, দা. তি.ভি. সোমানাথননা ৱেলকম এদ্রেস পীরগনি। অহৌবগী সেসন অদুগী মতুংদা “সিবিল সর্ভিসশিংগী রোল অমসুং ইফেক্তিবনেস - এক্সতর্নেল পর্সপেক্তিব” হায়বা পান্দমদা পেনেল দিস্কসন অমা পাংথোক্কনি। মসিদা গবর্নমেন্ত, ইন্দস্ত্রী অমসুং পোলিসী ইনস্তিত্যুসনশিংগী শক্নাইরবা মীওইশিংনা গবর্নান্সতা একাউন্তেবিলিতী, ইন্নোবেসন অমসুং সর্ভিস দেলিভরী হেঙ্গৎহন্নবা খন্ন-নৈনগনি।

থৌরম অদুগী মনুংদা পাংথোক্কদবা ব্রেকঅৱে সেসন মরি অদুদা মরুওইবা গবর্নান্স প্রাইওরিতিশিংদা মীৎয়েং থম্বা থিমেতিক দেলিবরেসনশিং য়াওগনি। ‘পি.এম. বিশ্বকর্মাগী খুত্থাংদা সস্তেনেবল লাইবলিহুদ’কী মতাংদা পাংথোক্কদবা সেসন অদু মাইক্রো, স্মোল অমসুং মেদিয়ম ইন্তর্প্রাইজেসকী মন্ত্রী, শ্রী জিতন রাম মাঞ্জিনা ময়াই তাংবল লৌগনি। ‘ভারত্তা নন-কম্যুনিকেবল দিজিজশিং থেংননবা: প্রিভেন্তিবতগী কেয়র ফাওবা’ হায়বা সেসন অদু হকশেল অমসুং য়াইফ-য়ুম্বালগী মন্ত্রী, শ্রী জগৎ প্রকাস নদ্দানা ময়াই তাংবল লৌগনি। ‘KCC অমসুং অতোপ্পা অনৌবা থৌরাংশিংগী খুত্থাংদা লৌমীশিংগী শেল-থুমগী রিস্ক হন্থহনবা’ হায়বা সেসন অদু লৌউ-শিংউ অমসুং লৌমীশিংগী য়াইফ-থৌরাংগী ইকাই খুম্নরবা মন্ত্রী, শ্রী শিবরাজ সিং চৌহাননা ময়াই তাংবল লৌরগনি। ‘পি.এম. সুর্য় ঘর মুফত বিজলী য়োজনাগী খুত্থাংদা ভারতকী নেত-জিরো পাথ খোংজেল য়াংখৎহনবা’ হায়বা অখন্নবা সেসন অমা পাংথোক্কনি। সেসনশিং অসিনা সেনিয়র ওফিসিয়েলশিং, এক্সপর্তশিং অমসুং স্তেকহোল্দরশিংবু কুপ্না খন্ন-নৈনবগীদমক অমসুং সিতিজন-সেন্ত্রিক গবর্নান্স মপাঙ্গল কনখৎহন্নবা অমসুং লাস্ত-মাইল সর্বিস দেলিভরী ফগৎহন্নবা খ্বাইদগী ফবা থৌওংশিং এক্সচেঞ্জ তৌনবগীদমক পুনশিনগনি। থৌরম অদু কেবিনেত সেক্রেতরীনা ‘সিবিল সর্বিসশিংদা এথিক্স অমসুং এফিসিয়েন্সী’ হায়বা হীরমদা ৱা ঙাংদুনা লোইশিনগনি।

ভারত সরকারগী সেক্রেতরীশিং, এদিস্নেল সেক্রেতরীশিং, জোইন্ত সেক্রেতরীশিং, দিপুতি সেক্রেতরীশিং, এসিস্তেন্ত সেক্রেতরীশিং অমসুং চীফ সেক্রেতরীশিং, এদিস্নেল চীফ সেক্রেতরীশিং, প্রিন্সিপাল সেক্রেতরীশিং অমসুং সেন্ত্রেল ত্রেনিং ইনস্তিত্যুসনশিংগী হেদশিং, রেসিদেন্ত কম্মিস্নরশিং, সেন্ত্রেল সর্বিসশিংগী ওফিসিয়েলশিং অমসুং দিস্ত্রিক্ত কলেক্তরশিং য়াওনা রাজ্য সরকারশিংগী সেনিয়র ওফিসিয়েলশিংনা নোংমগী ওইবা থৌরম অসিদা শরুক য়ারগনি।

***