প্রধানমন্ত্রীগী লোইশঙ
প্রধান মন্ত্রীনা এপ্রিল ১৩ দা ‘নারী শক্তি বন্দন সম্মেলন’ দা ৱা ঙাংগনি
সম্মেলন্দা তোঙান তোঙানবা হিরমশিংদা শক্নাইরবা মীওইশিং অমসুং মাইপাক্লবী নুপীশিং শরুক য়াগনি
বিকসিত ভারত ২০৪৭ গী মাইকৈদা চংশিল্লিবা খোঙচত্ত নুপীশিংনা মাংজিল থাবা চাউখৎপগী মাইকৈদা সরকারনা পায়খৎলিবা থবকশিং সম্মেলন্দা উৎকনি
ৱারেপ লৌবগী থবকশিংদা নুপীশিংগী মীহুৎশিং মশিং হেনগৎহনবগী মরুওইবা অদুনা সম্মেলন অসিনা পান্দম থম্লি
থাগৎখিবা:
12 APR 2026 4:43PM by PIB Imphal
প্রধান মন্ত্রী শ্রী নরেন্দ্র মোদীনা এপ্রিল ১৩, ২০২৬ গী অয়ুক পুং ১১ রোম তাবদা ন্যু দিল্লিগী বিজ্ঞান ভবন্দা জাতি থাক্কী ‘নারী শক্তি বন্দন সম্মেলন’ অমা শরুক য়াগনি। মহাক্না থৌরম অদুদা মীয়ামদসু ৱা ঙাংগনি।
থৌরম অদুদা তোঙান তোঙানবা হিরমশিংদা শক্নাইরবা মীওইশিং অমসুং মাইপাক্লবী নুপীশিং শরুক য়াগনি। মীফম অদুদা সরকার, লাইরিক-লাইশু, সাইন্স, শান্নবা, ওন্ত্রেপ্রেন্যুরসিপ, মেদিয়া, মীয়ামগী থবক তৌবা অমসুং নাৎগুম্বা তোঙান তোঙানবা হিরমশিংগী মীহুৎশিং পুনগনি।
সেপ্তেম্বর ২০২৩ দা, সংসদনা ‘নারী শক্তি বন্দন অধিনিয়ম’ পাস তৌখিবা অসি লেজিসলেতিপ বোদিশিংদা নুপী মীহুৎশিং মশিং হেনগৎহন্নবা মাইকৈদা থাংজিনবা মরুওইবা খোঙথাং অমনি। এক্ত অসিনা লোক সভা অমসুং রাজ্যগী লেজিসলেতিপ এশেমব্লিশিংদা নুপীশিংগী সিত শরুক অহুমথোকপগী শরুক অমা খাক্তুনা থম্লি। হৌজিক, লৈবাক শীনবা থুংনা নুপীশিং সিত খাকপা থবক ওইনা পায়খৎনবা অকনবা মীৎয়েং অমা থম্লদুনা, এপ্রিলন ১৬ দা সংসদকী মীফম অমা পাংথোক্লগনি।
ভারতকী চাউখৎপগী খোঙচত্ত নুপীশিং হেন্না শরুক য়াবা অমুক্ক হেনগৎহন্নবা মীফম অসি পাংথোক্কদবনি। মীফম অসিদা, পঞ্চয়তশিংদগী হৌরগা সংসদ ফাওবদা, লৈবাক ঙাকপা অমসুং লুচিংবা ওইবদা নুপীশিংগী থৌদাং হেনগৎলক্লিবা অসি ফোংদোক্কনি। ৱারেপ লৌবগী থবকশিংদা নুপীশিংগী মীহুৎশিং মশিং হেনগৎহনবগী মরুওইবা অদুনা সম্মেলন অসিনা পান্দম থম্লি।
বিকসিত ভারত ২০৪৭ গী মাইকৈদা নুপীশিংগী থৌদাং মীফম অসিদা ফোঙদোক্কনি। বিকসিত ভারত ২০৪৭ গী মঙলানগী মরুওইবা য়ুম্বী অমা ওইনা নুপীশিংনা মাংজিল থাবা চাউখৎপগী মাইকৈদা সরকারনা পায়খৎলিবা থবকশিং সম্মেলন্দা উৎকনি।
***
(রিলিজ আই.দি.: 2251337)
ভিজিতর কাউন্তর : 13
রিলিজ অসি মসিদা পাবীয়ু:
Malayalam
,
Bengali
,
Bengali-TR
,
Assamese
,
Gujarati
,
English
,
Urdu
,
Marathi
,
हिन्दी
,
Punjabi
,
Odia
,
Telugu
,
Kannada