نائب صدر جمہوریہ  جناب سی پی رادھا کرشنن نے آج نئی دہلی کے بھارت منڈپم میں ’’سائنس اور تکنالوجی کے استعمال سے قبائلی زندگیوں کا تغیر- زبان، عقیدے اور ثقافت کا تحفظ‘‘ کے موضوع پر ایک کانفرنس کا افتتاح کیا۔

Vice President Shri C. P. Radhakrishnan inaugurated a conference titled “Transformation of Tribal Lives through Science and Technological Interventions - Preserving Language, Faith and Culture” at Bharat Mandapam, New Delhi today.

Addressing the gathering, the Vice President… pic.twitter.com/1WBRsH5ZPe

— Vice-President of India (@VPIndia) April 12, 2026

اس کانفرنس کا اہتمام حکومت ہند کے محکمہ سائنس اور ٹیکنالوجی نے نارتھ ایسٹ سینٹر فار ٹیکنالوجی ایپلی کیشن اینڈ ریچ (این ای سی ٹی اے آر) اور آئی ٹی آئی ٹی آئی دون سنسکرت اسکول، دہرادون کے اشتراک سے کیا ۔

اجتماع سے خطاب کرتے ہوئے نائب صدر نے روشنی ڈالی کہ کانفرنس نے روایتی علم کے ساتھ مل کر سائنسی مزاج اور تکنیکی ترقی کی طاقت کو خوبصورتی سے ظاہر کیا ہے۔ انہوں نے کہا کہ جب جدید سائنس زبان، عقیدے اور ثقافت کے ساتھ ہم آہنگی میں کام کرتی ہے تو یہ تحفظ اور اختیار دہی کے لیے ایک بڑی قوت بن جاتی ہے۔

قبائلی برادریوں کی اہمیت پر زور دیتے ہوئے نائب صدر نے کہا کہ ہندوستان میں تقریباً 1.4 لاکھ قبائلی گاؤں ہیں جو کہ ملک کی آبادی کا تقریباً 9 فیصد ہیں۔ انہوں نے اس بات پر زور دیا کہ قبائلی برادریوں کے پاس انمول روایتی علم ہے جو حیاتیاتی تنوع اور جنگلاتی وسائل کے پائیدار استعمال کی حمایت کرتا ہے۔ انہوں نے مزید کہا کہ صدیوں سے ان برادریوں نے ہندوستان کی قدیم ثقافت، عقیدے اور تہذیبی ورثے کو محفوظ رکھا ہے۔

نائب صدر جمہوریہ نے مشاہدہ کیا کہ قبائلی علاقے سبز معاشی ترقی کے بے پناہ امکانات پیش کرتے ہیں۔ انہوں نے ڈیزائن، ٹیکسٹائل اور رنگوں کے امتزاج میں قبائلی برادریوں کی غیر معمولی مہارتوں پر بھی تبصرہ کیا، جو نسل در نسل محفوظ ہیں۔

انہوں نے وکست بھارت @ 2047 کی تصوریت کا حوالہ دیا ، اور زور دیتے ہوئے کہا کہ جدید ترقی اور روایات کا تحفظ ایک دوسرے کے متضاد نہیں بلکہ ایک دوسرے سے ہم آہنگ ہیں، اس سلسلے میں انہوں نے ’’وکاس بھی، وراثت بھی‘‘ کو رہنما اصول بتایا۔

12ویں اور 13ویں لوک سبھا کے رکن کے طور پر اپنے دور کو یاد کرتے ہوئے نائب صدر نے کہا کہ انہوں نے چھتیس گڑھ، اتراکھنڈ اور جھارکھنڈ کی ریاستوں کے قیام کی حمایت کی تھی، جس نے قبائلی ترقی میں اہم کردار ادا کیا۔ انہوں نے قبائلی امور کی وزارت کے قیام کے لیے سابق وزیر اعظم جناب اٹل بہاری واجپئی کو خراج تحسین پیش کرتے ہوئے اسے قبائلی برادریوں کے لیے انصاف، وقار اور مواقع کے لیے اخلاقی وابستگی کے طور پر بیان کیا۔

نائب صدر جمہوریہ نے بھگوان برسا منڈا کی جائے پیدائش جھارکھنڈ کے اولیہاتو میں اپنے دوروں کے بارے میں بھی بات کی اور وزیر اعظم جناب نریندر مودی کی کوششوں کی تعریف کی، جن میں قبائلی آزادی کے جنگجوؤں کے تعاون کو قومی شعور کے سامنے لانے میں مدد ملی۔

اہم سرکاری پہل قدمیوں کو اجاگر کرتے ہوئے، انہوں نے پی ایم – جن من پروگرام کا حوالہ دیا جس کے تحت تقریباً 7300 کلو میٹر کی طوالت پر محیط 2400 سے زائد سڑکوں  اور 160 سے زائد پلوں کو منظوری دی گئی۔ انہوں نے دھرتی آبھا- جن جاتیہ گرام اُتکرش ابھیان کا بھی ذکر کیا، جو 63000 سے زائد قبائلی مواضعات پر احاطہ کرتا ہے، اور صاف ستھرے پانی، مکانات، تعلیم، حفظانِ صحت پائیدار روزی روٹی پر توجہ مرکوز کرتا ہے۔

جناب سی پی رادھا کرشنن نے شمال مشرقی خطہ میں بنیادی ڈھانچے اور کنیکٹیویٹی میں نمایاں ترقی کا ذکر کیااور جامع ترقی کے لیے حکومت کے عزم کا اعادہ کیا۔

آئی ٹی آئی ٹی آئی دون سنسکرت اسکول کو اس کے سلور جوبلی سال پر مبارکباد دیتے ہوئے، انہوں نے یاد دلایا کہ اس ادارے کا افتتاح 25 سال قبل سابق وزیر اعظم جناب اٹل بہاری واجپئی نے کیا تھا۔ انہوں نے  اتراکھنڈ، شمال مشرق اور لداخ  میں قبائلی بچوں کے لیے امید کی کرن کے طور پر ابھرنے کے لیے اسکول کی ستائش کی،  اور کہا کہ  2000 سے زائد قبائلی طلبا کو ادارے میں مفت کوالٹی تعلیم سے فائدہ حاصل ہوا ہے۔

اس موقع پر دہلی کے لیفٹیننٹ گورنر جناب ترنجیت سنگھ سندھو؛ اروناچل پردیش کے نائب وزیر اعلیٰ جناب چؤنا مین؛ سائنس و تکنالوجی کے محکمے کے سکریٹری پروفیسر ابھے کرندیکار؛ اور سابق رکن پارلیمنٹ اور آئی ٹی آئی ٹی آئی دون سنسکرت اسکول کے بانی ٹرسٹی، جناب ترون وجے بھی موجود تھے۔

**********

 (ش ح –ا ب ن)

U.No:5734

(ریلیز آئی ڈی: 2251248) وزیٹر کاؤنٹر : 16