وزیراعظم جناب نریندر مودی نے آج مہاتما جیوتی راؤ پھولے کی یومِ پیدائش کے موقع پر انہیں پُرخلوص خراجِ عقیدت پیش کیا اور انہیں ایک دور اندیش سماجی مصلح قرار دیا جنہوں نے اپنی پوری زندگی مساوات، انصاف اور تعلیم کے اصولوں کے لیے وقف کر دی۔

وزیراعظم نے کہا کہ مہاتما پھولے خواتین اور پسماندہ طبقات کے حقوق کے علمبرداروں میں سرِفہرست تھے اور ان کی کاوشوں سے تعلیم بااختیاری کا ایک مؤثر ذریعہ بنی۔ جناب مودی نے اس بات کی نشاندہی کی کہ اس سال اس عظیم مصلح کی 200 سالہ یومِ پیدائش کی تقریبات کا باضابطہ آغاز ہو رہا ہے۔ اس موقع کی مناسبت سے وزیراعظم نے ایک مضمون تحریر کیا جس میں انہوں نے بیان کیا کہ مہاتما پھولے آج بھی بے شمار لوگوں کے لیے مشعلِ راہ ہیں اور تعلیم، علم اور فلاحِ عامہ پر ان کا زور آج کے دور میں بھی نہایت اہمیت رکھتا ہے۔ وزیراعظم نے دعا کی کہ ان کے افکار معاشرتی ترقی کی جستجو میں سب کی رہنمائی کرتے رہیں۔

ایکس (سابقہ ٹوئٹر) پر متعدد پیغامات میں وزیراعظم نے لکھا:

’’مہاتما جیوتی راؤ پھولے کی یومِ پیدائش پر، ایک ایسے دور اندیش سماجی مصلح کو خراجِ عقیدت پیش کرتا ہوں جنہوں نے اپنی زندگی مساوات، انصاف اور تعلیم کے اصولوں کے لیے وقف کر دی۔ وہ خواتین اور محروم طبقات کے حقوق کے علمبردار بھی تھے۔ ان کی کوششوں سے تعلیم بااختیاری کا ایک مؤثر ذریعہ بنی۔ اس سال ہم ان کی 200 سالہ یومِ پیدائش کی تقریبات منا رہے ہیں۔ خدا کرے کہ ان کے افکار معاشرتی ترقی کی راہ میں سب کی رہنمائی کرتے رہیں۔‘‘

’’مہاتما جیوتی راؤ پھولے کی یومِ پیدائش کے موقع پر میں اس دور اندیش سماجی مصلح کو خراجِ عقیدت پیش کرتا ہوں جنہوں نے مساوات، انصاف اور تعلیم کی اقدار کے لیے اپنی زندگی وقف کر دی۔ وہ خواتین اور محروم طبقات کے حقوق کی جدوجہد کا آغاز کرنے والوں میں بھی شامل تھے۔ ان کی کاوشوں کے باعث تعلیم بااختیاری کا ایک مضبوط اور مؤثر ذریعہ بن گئی۔‘‘

’’جب ہم مہاتما پھولے کی 200 سالہ یومِ پیدائش کی تقریبات کا آغاز کر رہے ہیں، تو میں نے چند خیالات قلم بند کیے ہیں کہ وہ کس طرح بے شمار لوگوں کے لیے مشعلِ راہ ہیں اور تعلیم، علم اور فلاحِ عامہ پر ان کا زور آج کے دور میں بھی کس قدر اہمیت کا حامل ہے۔‘‘

’’مہاتما پھولے کی یومِ پیدائش کے 200 ویں برس میں داخل ہونے کے پس منظر میں، میں نے اپنے قلم کے ذریعے چند خیالات تحریر کیے ہیں کہ وہ کس طرح بے شمار لوگوں کے لیے رہنمائی کا روشن مینار ثابت ہوئے ہیں، اور یہ کہ تعلیم، مطالعہ اور سب کی فلاح پر ان کا دیا گیا زور آج کے دور میں بھی کس قدر موزوں اور بامعنی ہے۔‘‘

’’عظیم سماجی مصلح مہاتما پھولے کی دو سو ویں یومِ پیدائش کے سال کی تقریبات کا آغاز ہو رہا ہے۔ انہوں نے اپنی پوری زندگی تعلیم، علم اور فلاحِ عامہ کے لیے وقف کر دی۔ وہ آج بھی کروڑوں اہلِ وطن کے لیے کس طرح سرچشمۂ ترغیب بنے ہوئے ہیں، اسی موضوع پر میں نے اس مضمون میں اپنے خیالات پیش کیے ہیں۔‘‘

******

ش ح۔ ش ا ر۔ ول

Uno- 5717