ভারতকী শহরশিং, সহরশিং অমসুং খুঙ্গংশিংদা, অপীকপা ইন্ত্রপ্রিনর মিলিয়ন কয়ানা মফম অদুগী শেন্মিৎলোনশিংবু অকক্নবা ইন্তর্প্রিনরশিংগী খুত্থাংদা লেপহন্নরি। মখোয়না য়ুম্লোন্নবগী দুকানশিং অমসুং মেরামত তৌবগী থবকশিংদগী হৌরগা অপীকপা থাক্কী মেন্যুফেকচরিং অমসুং ত্রান্সপোর্তকী থবকশিং ফাওবা পায়খৎলি।হায়রিবা মাইক্রো-ইন্তর্প্রাইজেসশিং অসিনা হিংনবগী লম্বী পুথোকপতা নত্তনা কম্ম্যুনিতীগী থাক্তা থবক পীবা অমসুং তঙাই ফদবা সর্ভিসশিংবুসু সপোর্ত তৌই। অদুম ওইনমক, চহি কয়াগী মমাংদগী, মখোয়গী গ্রোথ অসি বেঙ্ক ক্রেদিৎ ফংহনবদা অকক্নবা থাক লৈবনা মরম ওইদুনা থিংদুনা লাক্লি। মখোয় অয়াম্বনা ইন্সতিত্যুসনশিংনা মথৌ তাবা কোলাতরেল অমসুং ফোর্মেল ফাইনান্সিএল রেকোর্দশিং লৈতবনা মরম ওইদুনা মরুপ-মপাং, ইমুং-মনুং, নৎত্রগা মফম অদুগী শেল থাদবা মীওইশিংদগী লোন লৌবদা থাজৈ।

২০১৫গী এপ্রিল ৮দা প্রধান মন্ত্রী মুদ্রা য়োজনা (পি.এম.এম.ৱাই.) হৌদোকপা অসিনা মসিগী অৱাবা অসি কোকহন্নবা ৱারেপ লৌবা য়াবা খোঙথাং অমা ওইখি। 'ফন্দিং দি অনফন্দিং'গী ভিজনগা লোইননা, স্কিম অসিনা ক্রেদিৎ এক্সেস ফগৎহল্লি অমসুং কোলেতরেল য়াওদনা লুপা লাখ ২০ ফাওবগী লোন ফংহল্লি। লোন লৌরিবশিংগী মনুংদা মেনুফেকচরিং, ত্রেদ, সর্ভিস অমসুং মরী লৈনবা লৌউ-শিংউগী থবকশিংদা য়াওরিবা নন-কোর্পোরেৎ, নন-ফার্ম মাইক্রো অমসুং অপীকপা ইন্তর্প্রাইজেসশিং য়াওরি।

২০২৬গী মার্চ ২৭ ফাওবদা, স্কিম অসিনা একাউন্ত করোর ৫৭ হেনবদা লুপা করোর লাখ ৪০.০৭গী লোন পীখ্রে। মসিগী মথক্তা, একাউন্ত করোর ১২+ অসি অনৌবা ওন্ত্রপ্রিনরশিংগীনি। মসিনা মখোয়বু ফোর্মেল ফাইনান্সিএল সিস্তেমদা পুরকপদা পি.এম.এম.ৱাই.গী থৌদাং অদু উৎলি।

হৌখিবা চহী তরা অসিদা, পি.এম.এম.ৱাই.না শক্তি পীবা অমসুং এস্পিরেসনগী মপাঙ্গল লৈবা খুৎলাই অমা ওইরক্লি। মসি পাংথোকপদা, মসিনা গ্রাসরুৎ এন্ত্রিপ্রেন্যুওরশিপবু মপাঙ্গল কনখৎহল্লে, ফাইনান্সিএল ইনক্লুজনবু হেন্না চেৎশিলহল্লে, অমসুং ভারতকী লোকেল ইকোনোমীশিংগী লেপ্পা লৈতনা চাউখৎলকপদা মতেং পাংলি।

পি.এম.এম.ৱাই.না মাইক্রো য়ুনিৎ দিবেলপমেন্ত অমসুং রিফাইনান্স এজেন্সী লিমিতেদ য়াওনা থাক অহুমগী ইন্সতিত্যুস্নেল স্ত্রকচর অমগী খুত্থাংদা মথৌ তৌই। (মুদ্রা), মেম্বর লোন পীবা ইন্সতিত্যুসনশিং (এম.এল.আই.) অমসুং বেনিফিসরীশিং (লোন লৌরিবশিং) । ফ্রেমৱার্ক অসিনা ইন্তরমেদিয়র-দাইভর্স মোদেল অমগী খুত্থাংদা ফোর্মেল ফাইনান্সিএল ইন্সতিত্যুসনশিংদগী মাইক্রো এন্তর্প্রাইজশিংদা ক্রেদিৎকী সিয়ম লৈতনা ফ্লো তৌবা ঙমহল্লি।

মাইক্রো য়ুনিৎ দিবেলপমেন্ত অমসুং রিফাইনান্স এজেন্সীনা মাইক্রো এন্তর্প্রাইজ সেক্তরদা ইন্সতিত্যুস্নেল ক্রেদিৎকী ফ্লো তৌবা ঙমহন্দুনা লোন পীবা ইন্সতিত্যুসনশিংগী নেতৱার্ক অমদা রিফাইনান্স সপোর্ত পীবা সপোর্তিং ইন্সতিত্যুসন ওইনা মথৌ তৌই। পি.এম.এম.ৱাই.গী মখাদা পীরিবা লোনশিং অসি এম.এল.আই.শিংগী খুত্থাংদা পীরি। মসিগী মনুংদা সেদ্যুল্ড কম্মর্সিএল বেঙ্কশিং (এস.সি.বি.), রিজনেল রুরেল বেঙ্কশিং (আর.আর.বি.), স্মোল ফাইনান্স বেঙ্কশিং (এস.এফ.বি.), নন-বেঙ্কিং ফাইনান্সিএল কম্পেনীশিং (এন.বি.এফ.সি.) অমসুং মাইক্রো ফাইনান্সিএল ইন্সতিত্যুসনশিং (এম.এফ.আই.) য়াওরি। ইন্সতিত্যুসনশিং অসিনা লোন লৌরিবশিংদা হকথেংননা লোন পীনবগী থৌদাং লৌই, মসিনা অরোইবা মাইলদা ক্রেদিৎ পীনবগী থাজবা পী।

পি.এম.এম.ৱাই.গী মখাদা লোন লৌরিবশিং অসিদা মেন্যুফেকচরিং, ত্রেদিং, সর্ভিসশিং অমসুং মসিগা মরী লৈনবা লৌউ-শিংউগী থবকশিংদা য়াওরিবা মাইক্রো এন্তর্প্রাইজশিং য়াওরি। মখোয়না শেন্দোং ফংহনবগী থবকশিং, বিজিনেস ওপরেসনশিং লেংদনা থম্নবা অমসুং মখোয়গী এন্তরপ্রাইজশিং পাকথোক চাউথোকহন্নবগীদমক্তা কোলেতরেল য়াওদবা লোনশিং ফংই। স্ত্রকচর তৌরবা ফ্রেমৱার্ক অমগী খুত্থাংদা, পি.এম.এম.ৱাই.না শেন-থুমগী খুদোংচাবশিং ফংহনবদা মতেং পাংই অমসুং এন্ত্রিপ্রেন্যুওরশিপপু পুক্নিং থৌগৎলি।

পি.এম.এম.ৱাই. কভরেজ

মুদ্রা লোনশিং অসি ইনকম জেনরেসন অমসুং থবক্কী খুদোংচাবশিং ফংহনবদা মতেং পাংলিবা থবক থৌরম কয়াগীদমক পীরি। হায়রিবা লোনশিং অসি মরুওইনা:

• ভেন্দরশিং, ত্রেদরশিং, দুকানশিং অমসুং অতোপ্পা সর্ভিস সেক্তরগী থবকশিং, খুদম ওইনা কম্ম্যুনিতী, সোসিএল অমসুং পর্সোনেল সর্ভিসশিং, ফুদ প্রদক্তশিং, তেক্সতাইলশিং অসিনচিংবগীদমক বিজিনেস লোন।
• মুদ্রা কার্দকী খুত্থাংদা ৱার্কিং কেপিতেল লোন পীবা
• দরকার ওইবা মেছিনরি, ইক্বিপমেন্ত অসিনচিংবা য়োনবা অসিনচিংবা মাইক্রো য়ুনিৎশিংগীদমক ইক্বিপমেন্ত ফাইনান্স।
• কম্মর্সিএল শিজিন্নবগীদমক্তা ত্রান্সপোর্ত ভেহিকল লোন হায়বদি ওতো রিক্সা, অপীকপা পোৎ পুবা ভেহিকলশিং, থ্রি হুইলরশিং, ই-রিক্সা অসিনচিংবা।

ঙা য়োকপা, মহি য়োকপা, য়ুম্বী য়োকপা, শা-ষন য়োকপা, মখল খায়দোকপা, এগ্রিগেসন, এগ্রো-ইন্দস্ত্রীজ, দাইরী, ফিসরিজ, এগ্রো-ক্লিনিক অমসুং এগ্রো-বিজিনেস সেন্তরশিং, ফুদ অমসুং এগ্রো-প্রোসেসিং অসিনচিংবা লৌউ-শিংউগা মরী লৈনবা লৌউ-শিংউগা মরী লৈনবা ইনকম থোকপা থবকশিংদা লোন পীবা।

বিজিনেসকী মথৌ তাবশিংদা য়ুম্ফম ওইদুনা লায়না ক্রেদিৎ ফংহন্নবা, পি.এম.এম.ৱাই.গী মখাদা পীবা লোনশিং অসি তোঙান তোঙানবা কাংলুপ মরি থোক্না খায়দোকই। মখোয় অদুদি; শিশু, কিশোর, তারুন অমসুং তারুন প্লসনি। কাঙলুপ খায়বগী থৌওং অসিনা ইন্তরপ্রাইজশিংগী চাউখৎপগী তোঙান তোঙানবা তাঙ্ককশিং অমসুং শেল থুমগী মথৌ তাবশিংদু কোকহল্লি।

শিশু

শিশু কাংলুপ অসিনা লুপা 50,000 ফাওবগী লোনশীং কোনশিল্লি অমসুং মসি য়াম্না পীকপা নত্ত্রগা অঙনবা তাঙ্কক্কী বিজিনেস এক্টিভিটিশীংগীদমক্তা পান্দম থম্লি। মসিনা অয়াম্বা মতমদা অনৌবা ইন্তর্প্রাইজশিং হৌরিবা নত্ত্রগা অপীকপা স্কেল অমদা থবক তৌরিবা মীওইশিংদা, অপীকপা রিতেল আউৎলেৎশিং, মেরামরী সর্ভিসশিং অসিনচিংবা থবকশিং য়াওনা মতেং পাংই। শিশু কেটেগোরিগী লোনগী এক্সেসিবিলিটি অসিদা ক্রেদিট হিষ্টরি নত্ত্রগা কোলাতরেল অমত্তা য়াওদবা এন্ত্রিপ্রেন্যুওরশীংসু য়াউই। মসিগী প্রোভিজন অসিনা খ্বাইদগী লাপথোক্লবা এন্ত্রিপ্রেন্যুওরশিংদসু ৱাখল্লোন অমবু অশেংবা ব্যুজিনেস অমদা ওন্থোকপদা মতেং পাংই।

কিশোর

কিশোর কেটেগোরি অসিদা লুপা ৫০,০০০গী মথক্তা অমসুং লুপা লাখ ৫ ফাওবগী লোনশীং য়াউই। কাংলুপ অসি অনৌবা অমসুং হান্ননা ওপরেসন হৌখ্রবা এন্তর্প্রাইজেসকীদমক্তনি অমসুং স্তেবিলাইজেসন, ৱার্কিং কেপিতেল নৎত্রগা ললোন-ইতিক্কী থবকশিং চাওখৎহন্নবা অহেনবা শেনফম মথৌ তাই।

তরুন

তরুন কাংলুপ অসিনা লুপা লাখ ৫গী মথক্তা অমসুং লুপা লাখ ১০ ফাওবগী লোনশিং কোনশিল্লি। মসিনা ওপরেসনশিং পাকথোক চাউথোকহন্নবা, ইক্বিপমেন্ততা ইনভেস্ত তৌনবা নৎত্রগা প্রদক্সন কেপাসিতী হেঙ্গৎহন্নবা হোৎনরিবা চাউখৎলক্লিবা ইন্তর্প্রাইজশিংদা মতেং পাংই।

তরুন প্লস

পি.এম.এম.ৱাই.-তরুন প্লস কেতেগোরিগী খ্বাইদগী নৌবা কেতেগোরি অসি ২০২৪দগী হৌরগনি। মসিনা তেরুন কেতেগোরিগী মখাদা মমাংগী লোনশিং মায় পাক্না শেল থাদোকখিবা অমসুং স্তেবল ওইবা ব্যুজিনেস ত্রেক রেকোর্দ অমা উৎখিবা লোন লৌরিবশিংদা লুপা লাখ ১০গী মথক্তা অমসুং লুপা লাখ ২০ ফাওবগী লোন পীগনি। প্রোভিজন অসিনা মখা তানা পাকথোক চাউথোকপা অমসুং এন্তর্প্রাইজ এক্তিবিতীগী হেন্না ৱাংবা থাক্তা খুমাং চাওশিনবা ঙমহল্লি।

পি.এম.এম.ৱাই.না হৌখিবা মতম খরা অসিদা চাউনা মাই পাকখ্রে। মসিনা ফাইনান্সিএল ইনক্লুসন হেঙ্গৎহনবতা নত্তনা ইনক্লুসিব গ্রোথ অমসুং দিবেলপমেন্তদা লমজিংবা এন্ত্রিপ্রেন্যুওরশিপসু মপাঙ্গল কনখৎহল্লে। ২০২৪-২৫ ফাইনেল ইয়ারগী পর্ফোমেন্সনা উৎলি মদুদি পি.এম.এম.ৱাই.গী মরুওইবা মীৎয়েং অসি ক্রেদিৎ এক্সেস, নুপীশিংনা লুচিংবা ইন্তরপ্রাইজশিং অমসুং মতম শাংনা সোসিও-ইকোনোমিক ইম্পেক্ত অমা শেম্নবা মাইক্রো বিজিনেসশিং ফোর্মেলাইজ তৌবদা ওইরি।

• রাজ্য পুম্নমক্তা, উত্তর প্রদেশনা লুপা করোর ৫৮,১১১দা খ্বাইদগী য়াম্না লোন পীবগী রেকোর্দ তৌখি। মসিগী মতুংদা বিহারনা লুপা করোর ৫৪,০৬৪গা লোয়ননা মতুং ইল্লকখি। অদুগা মহারাস্ত্রানা লুপা করোর ৫০,৭৬২গা লোয়ননা অহুমশুবা মফমদা লৈখি।
• শেল থাদবা একাউন্তশিংগী অপুনবা মশীংগী ৫৯.৮১% অসি নুপী শেল থাদবা মীওইশিংনা ওইখি, শেল থাদবা শেনফমগী অপুনবা শরুক অসি ৩৭.৪৫% ওইখি।
• অনৌবা এন্ত্রিপ্রেন্যুওরশিংনা অপুনবা লোন একাউন্তশিংগী চাদা ২১ ওইখি অমসুং অপুনবা শেল থাদবগী চাদা ৩০.০৯ ওইখি।
• এস.সি., এস.তি. অমসুং ও.বি.সি.গী কাংলুপশিংগী অপুনবা শেনফম অসি লোন একাউন্তশিংগী ওইনা ৪৫.৫২% অমসুং অপুনবা শেনফম পীবগী ওইনা ৩১.৭৭% ওইখি।

মসি তৌদুনা, স্কিম অসিনা শেল-থুমগী লমদা মরু ওইবা থৌদাং অমা লৌদুনা অমসুং ভারত শিনবা থুংনা মাইক্রো-এন্তর্প্রাইজশিং চাউখৎহনবদা মতেং পাংদুনা লাক্লি।

পি.এম.এম.ৱাই.গী পাক-চাউবা স্তেকত্রোম অসিনা অতোপ্পা সরকারনা শৌগৎলিবা স্কিমশিং অমসুং দিজিতেল পোর্তেলশিংগা পুনশিন্নদুনা মাইক্রো এন্তর্প্রাইজশিং অমসুং সেল্ফ হেল্প গ্রুপশিং (এস.ঐচ.জি.শিং) গী শেল-থুমগী ইনক্লুজনগা লোইননা ক্রেদিৎ দেলিভরী ইকোসিস্তেম অমা মপাঙ্গল কনখৎহনগনি।

মুদ্রা ত্রাঞ্জেক্সনশিং দিজিতেলাইজ তৌবা অসিনা ইফিসিএন্সী, ত্রান্সপরেন্সী অমসুং লোন লৌরিবশিংগীদমক ক্রেদিৎ এক্সেস হেন্না লায়থোকহল্লে। নেস্নেল ক্রেদিৎ গেরেন্তী ত্রস্তী কম্পেনী (এন.সি.জি.তি.সি.) না চলাইরিবা, মাইক্রো য়ুনিৎশিংগীদমক ক্রেদিৎ গেরেন্তী ফন্দ (সি.জি.এফ.এম.য়ু.) গুম্বা স্কিমশিংনা মতেং পাংদুনা ক্রেদিৎ ইকোসিস্তেম অসি মপাঙ্গল কনখৎলে। মসিনা পি.এম.এম.ৱাই.গী মখাদা পীবা লোনশিংগীদমক গেরেন্তী কভর ফংহল্লি অমসুং লোন পীরিবা ইন্সতিত্যুসনশিংগী ক্রেদিৎ রিস্ক হন্থহল্লি। মসিনা মাইক্রো এন্তর্প্রাইজেজশিংদা কোল্লেতরেলগী খুদোংচাবা লৈতনা লোন পীনবা লায়থোকহল্লি। মসিগী মথক্তা, পি.এম.এম.ৱাই.গী লোন এপ্লিকেসন প্রোসেস অসি লাইথোকহন্নবা অমসুং মতম চানা লোনশিং পীথোকপা ঙম্নবা থৌরাং লৌখৎখ্রে। খুদম ওইনা, জনসমর্থ পোর্তেলনা মুদ্রা লোনশিং য়াওনা তোঙান তোঙানবা ইন্তিগ্রেসনশিং তৌবা ঙমহল্লি। মসিনা দিজিতেলগী খুৎথাংদা অথেন্টিকেসন তৌনবা অমসুং এম.এল.আই.শিংগী খুদোংচাদবশিং হন্থহন্নবা হোৎনরি।

পি.এম.এম.ৱাই.গী মহৈ অসি লৈবাক শিনবা থুংনা মখোয়গী এন্তরপ্রাইজশিং লিংখৎনবা অমসুং পাকথোক চাউথোকহন্নবা ইন্সতিত্যুস্নেল ক্রেদিৎ শিজিন্নদুনা লোন লৌবা মীওইশিংগী খোঙচৎশিংদা উবা ফংই।

মায় পাকপগী ৱারীশিং অসিনা পি.এম.এম.ৱাই.না মাইক্রো-বিজিনেসশিংবু গ্রোথ-ওরিএন্তেদ ভেঞ্চরশিংদা ওন্থোকপদা মতেং পাংনবগী ত্রান্সফোর্মেতিব পোতেন্সিএল অদু উৎলি।

পি.এম. মুদ্রা য়োজনা অসি ভারতকী শেল-থুমগী ওইবা থবকশিংদা মরু ওইবা থৌদাং অমা ওইরি। মসিনা মাইক্রো-ইন্তর্প্রিনর মিলিয়ন কয়াদা কোলেতরেল-ফ্রী ক্রেদিৎ ফংহল্লি। স্কিম অসি দিজিতেল ইন্তিগ্রেসন অমসুং কম্প্লিমেন্তরী গবর্নমেন্ত ইনিসিয়েতিবশিংগা লোয়ন-লোয়ননা হেন্না ইফেক্তিব ওইহল্লে। মসিগী মথংগী তাঙ্কক অসিদা, মরুওইবশিং অসি ময়েক শেংলে: ক্রেদিৎ ক্বালিতী ফগৎহনবা, এন্তরপ্রাইজেস সস্তেনেবিলিতী লৈহনবা, অমসুং গ্রোথ-ওরিয়েন্তেদ ফাইনান্সিংগী মায়কৈদা অহোংবা পুরকপা, মরম অদুনা ঙসিগী মাইক্রো-এন্তরপ্রাইজেসশিং অসি ঙরাংগী রেসিলিয়েন্ত অমসুং স্কেল তৌবা ঙম্বা বিজিনেসশিং ওইরকপা ঙমগনি।

রিফরেন্স

শেল থুম মন্ত্রালয়

https://www.mudra.org.in/Default/DownloadFile/Annual-Report-2024-25.pdf

https://www.pib.gov.in/PressReleasePage.aspx?PRID=2119954&reg=3&lang=2

https://www.mudra.org.in/AboutUs/Genesis

https://www.mudra.org.in/

https://www.mudra.org.in/Offerings
https://www.jansamarth.in/business-loan-pradhan-mantri-mudra-yojana-scheme

https://www.myscheme.gov.in/schemes/pmmy

https://www.pib.gov.in/PressReleaseIframePage.aspx?PRID=2069170&reg=3&lang=2

https://www.mudra.org.in/FAQ

https://www.ncgtc.in/en/product-details/CGFMU/Credit-Guarantee-Fund-for-Micro-Units-(CGFMU)

https://www.ncgtc.in/en/Blogs/understanding-how-cgfmu-helps-avail-collateral-free-business-loans

মাইক্রো, স্মোল অমসুং মেদিয়ম ইন্তর্প্রাইস মন্ত্রালয়

https://www.pib.gov.in/PressReleasePage.aspx?PRID=2240159&reg=3&lang=2

প্রধান মন্ত্রীগী লোইশঙ

https://www.pib.gov.in/PressReleaseIframePage.aspx?PRID=2119970&reg=3&lang=2

https://www.youtube.com/watch?v=otNb6xwsrSc

https://www.youtube.com/watch?v=oPqmp6PuwGU

https://www.youtube.com/watch?v=UkhViDHj9cc

লোক সভা

https://sansad.in/getFile/loksabhaquestions/annex/187/AS336_mnJub0.pdf?source=pqals

স্মোল ইন্দস্ত্রীজ দিভেলপমেন্ত বেঙ্ক ওফ ইন্দিয়া

https://www.psbloansin59minutes.com/knowledge-hub/understanding-loan-categories-mudra-scheme

স্তেত বেঙ্ক ওফ ইন্দিয়া

https://sbi.bank.in/documents/13958/43951007/10%2BYears%2Bof%2BPMMY_SBI%2BReport.pdf/93f97f57-e655-dcfc-0733-cd638e82fe0e?t=1743585995479

https://sbi.bank.in/web/business/sme/sme-government-schemes/pmmy

https://sbi-bank-in.translate.goog/web/agri-rural/pradhan-mantri-mudra-yojna?_x_tr_sl=en&_x_tr_tl=hi&_x_tr_hl=hi&_x_tr_pto=sge

pdf য়েংনবা মফমসিদা নম্বীয়ু

***